Genesis 41:52 - Nobonob Baibel

⁵² Nug wau nug nid danab gehanu menue amu, Josep aum. “Kayak Nug wan imuppa anukka uug nau doomi ele amu, Nug ippa ehaniɗe, da gemu nid aɗit ele,” awa aum. Nug anam aum amunu, nug nid onig Epraim ataɗom.

Genesis 41:52 ပူးပေါင်းရင်းမြစ်များ

Genesis 17:6

Da heppi, keeke ewam bekku. Laa amu, da heppi, na buɗunad ag kuɗum bekkulag; laa amu, da heppi, na wanppan wan laala kuɗum mamelag daakkut; laa amu, da heppi, na buɗunad oolagppa danab laala ag king bekkulag.

Genesis 28:3

Da Kayak Nukka Ɠagattag Oh Ele Nug na ititteb, na buɗunad kuɗumnab bena, huu okkai anen anen oh laippu daaglag,

Genesis 41:51

Nug Josepnu nid naanaeg menue amu, Josep nug aum. “Kayak Nug he, da uug guittak ele dahil, amu da mamel baekkudppa ele oh daul atiom,” awa aum. Nug anam aum amunu, nug nid onig Manase ataɗom.

Genesis 41:53

Aria, Isip wanppa maɗ ena eblaih aɗit ele male,

Genesis 48:1

Aria, dimppa Josep nug mameg oɗe niieye nai doyom. Doya amu, nug aha, bekoɗ aɗit Manase, Epraim ele diiate goppig.

Genesis 48:5

Nug anam da amelppa a amu, da Kanan wanppa daaiyi, ah nahip nid danab aɗit, Epraim, Manase ele ippa Isip wanppa menuatom. Ippa menuatom, amge gemu da diiaten, dahil nidnab, Ruben, Simeon ele bia daaglahnu hettem.

Genesis 49:22

Josep, nuhignu amu, nug am muɗi grep laa meu otte, nug amubia. Ao, nug muɗi grep, le qeppuɗia betteppa dayaya, ebekkud elab ukkaeg, meu huana otte bia.

Genesis 50:23

Nug Epraim dokkiab anttom. Amu Manase bekka onig Makir, nug bekkod menuatte, Josep nug diie, nug baekkudppa ele daappig.

Amos 6:6

Ag wain huana latteb; ag goɗen muttuɗig enanagnab, daden nob okkai ele laatteb. Ag amu oh hetteb, amge ag Israel padal mekku, ag amunu dabmena, oolag ii dootte; ag amunu dabmak nakok laa ii aotteb.

Namba 26:28

Imuam Josep buɗubppan aab ikki onilkad. Josep buɗub am huu aɗit; Manase, Epraim ele. Huu aɗit amu oh, aa aab ikki ahilti ele.

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.

Josua 14:4

Nug wan laippu, ag oh aguppa daaglagnu ii mattom. Iitta. Nug ag aab, ag aguppa daaglagnu, amu aab amunu gikkiɗah dad okkai, ahilkad doɗ ag daanna gikkiɗah lakkulagnu ele mattom. Nug anam heumnu diig am, Israel dilag huu okkai Josepnu, huu amu obatak aɗit bepiɗ. Huu amu ag am Manase, Epraim ele ⌊amuppan Israel dilag huu okkai 12 wan aon daappig.⌋

Josua 16:4

Josep bekoɗ Manase, Epraim ele aa alalti ag wan aakku ag aulag daakkunu aoppig.

Josua 17:1

Josua nuhig ehanittak ele ag om ena yaakppa Israel dilag huu okkai Manase mahaib wan madappig. Aɗinu? Danab ag Israel dilag huu okkai amunu amu, ag am Josep bekka naanaeg, Manase, nug buɗub. Moses nug Gileat, Basan ele matu Jodan le laih kaɗag uɗitteppanu Makir buɗub mattom. Aɗinu? Nug ⌊bia, nug buɗub ag⌋ am ban danab ɠagattag. Makir nug am Manase bekka naanaeg, nug am Gileat mameg. ⌊Amu Makir buɗub ag am Israel dilag huu okkai Manase mahaib laa aakku.⌋