Genesis 41:50 - Nobonob Baibel

⁵⁰ Josep wau, nug On dilag mana mettak danab Potipera aɗeg Asenat, nug enug haen ii nakppa Josepnu nid danab aɗit menuatom.

Genesis 41:50 ပူးပေါင်းရင်းမြစ်များ

Genesis 41:45

Anam ana amu, Paro nug Josep onig bau, Sapenat Panea ataɗom. Laa ele Paro nug aab onig On dilag mana mettak danab onig Potipera aɗeg Asenat nug wau daakkunu Josep mettom. Aakku Josep nug Isip wanppa oiyom.

Genesis 41:49

Josep nug ee aeg kuɗumnab, ihi yu ihippa daatte bia qagmaama, ebqe ukke ukke, elele iittanu nug hamu qagmeum. Aɗinu? Am huanaknab; melemel gane ebqaknu elele iitta.

Genesis 41:51

Nug Josepnu nid naanaeg menue amu, Josep nug aum. “Kayak Nug he, da uug guittak ele dahil, amu da mamel baekkudppa ele oh daul atiom,” awa aum. Nug anam aum amunu, nug nid onig Manase ataɗom.

Genesis 46:20

Josep nug Isip wanppa dayaya, nug aab onig On, ahilag mana mettak danab onig Potipera aɗeg Asenat awe oiyya, aa nid danab aɗit Manase, Epraim ele menuatpiɗ.

Genesis 48:5

Nug anam da amelppa a amu, da Kanan wanppa daaiyi, ah nahip nid danab aɗit, Epraim, Manase ele ippa Isip wanppa menuatom. Ippa menuatom, amge gemu da diiaten, dahil nidnab, Ruben, Simeon ele bia daaglahnu hettem.

2 Samuel 8:18

Jehoiada bekka Benaia nug danab Dawit gumappig, amuam Keret danab, Pelet danab ele, nug amu dilag okkai daye, Dawit bekkod ag nug ulum mettak danab daappig.