Genesis 41:46 - Nobonob Baibel

⁴⁶ Josep nug maɗ 30 dayaya, nug Isip dilag King Paronu uɗat digma, nug toppanu aha ukka, Isip wan ooppa talilia oiyom.

Genesis 41:46 ပူးပေါင်းရင်းမြစ်များ

Genesis 37:2

Jakop, nug bekkod ele oippignu nai am inam. Josep, Jakop bekka, nug nid bau maɗ 17 ele dayeye, nug, amu nug awakkud, ag am Jakop wau Bilha, Silpa ele bekkalti, ag oh ag mamelagnu doɗ gumadppig. Anam oinna amu, Josep nug awakkud ag aɗi aɗi eheɗ heppig amu, nug amunu mameg amegppa mattiom.

Genesis 41:47

Amu maɗ eblaih aɗit ena ele, haen amuppa Isip wanppa ee meu huanak oum,

Genesis 42:8

Amu Josep nug awakkud anatta, nug ag doyattom, amge ag nug anidna, ag nug ii dooppig.

Genesis 45:6

Aɗinu? Maɗ aɗit imu enug haen ba daya, enug haen maɗ tanig ele baula ele daakku. Maɗ amu oh ooppa laa ee bau awaknu am iitta.

2 Samuel 5:4

Dawit nug maɗ 30 dayaya, nug king ba dayom. Nug king ba, nug maɗ 40 king dayom.

1 King 12:6

Ag ukkaeg amu, King Rehoboam nug ikki danab laala, danab amu ag anukka nug mameg Solomon dabmak ena medattappig ele, nug ag onilagppa e doeg, nug nai amunu oɗ matta, inam aum. “Israel danab ag da mamel heum bia ii hepanu atteb, amu ag attem dabmetteb? Da nai amu attem amelagppa nob mein, aɗi akkul?” awa aum.

1 King 12:8

Danab kaino ag anam appig, amge Rehoboam nug ahilag ulum nai dookkunu uua, nug nid bau, ag nug ele oh laippu ena meppig, gemu ag nug waappa daan, nuhig maɗi nid daappig ele amu, nug ag onilagppa e doeg, nug ag ulum mettaglagnu anana,

Prowerb 22:29

Danab nug nuhig uɗat hak doya autanab awom daatte, nug king toppa dayaya uɗat hekku; nug danab hamunu uɗat ii hema.

Daniel 1:19

Danab okkai amu nug ag diia ukka, Nebukatnesar noobppa maatte, king nug ag ele nai madippig, amge Daniel, Hanania, Misael, Asaria ele ag laa oh eɗadppig amunu, king nug he, ag nuhig ikki danab daappig.

Daniel 1:4

Am Nebukatnesar nug Aspenas Israel laa tituanadkkunu ana, nug Israel ag am inam elenu aum. Ag nid danab bau. Ag beɗulagppa eheɗ laa iitta. Ag iɗulag tuqak ele. Ag nid danab sul hena, keeke digdignu doyak aoglagnu uug iitta ele. Ag sul nakok okkai aon malappig ele. Ag keekenu diignu doyak tutukku paha aɗaglagnu uug iitta ele. Dimppa ag king ehanidkkulagnu elele. Aria Aspenas nug anam tituanattowa, nug Babilon dilag nai, ahilag kaya yaak daatteb ele ippunadkkunu nug amegppa aum.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

Luk 3:23

Jesus Nug layattak awom dimppa, Nug nuhig maɗ 30 anam dayaya, Nug uɗat digma heum. Nug am Kayak Bekka, amge danab ah ag nuhignu, “Nug Josep bekka,” aon appig. Josep mameg am Heli.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.

1 Samuel 16:21

Saul nug nai anam me ukke, Dawit ukka, Saul gumitta ta, nug aakku digma, Saul ehanittom. Amu Saul nug Dawitnu oo huan daye, nug he, Dawit nug nuhig daup laa, ag Saulnu bannu keeke maoppig ele, Dawit ele nug amu oolagppanu laa aakku dayom.