Genesis 41:45 - Nobonob Baibel

⁴⁵ Anam ana amu, Paro nug Josep onig bau, Sapenat Panea ataɗom. Laa ele Paro nug aab onig On dilag mana mettak danab onig Potipera aɗeg Asenat nug wau daakkunu Josep mettom. Aakku Josep nug Isip wanppa oiyom.

Genesis 41:45 ပူးပေါင်းရင်းမြစ်များ

Genesis 14:18

Uɗie amu, haen amuppa Melkisedek, Salem dilag king, amu Kayak Attannab Laa Oh Eɗattaknu mana mettak danab ele amu, nug ee, bret, wain ele awa ukka, Abram aɗi ele mattom.

Genesis 41:50

Josep wau, nug On dilag mana mettak danab Potipera aɗeg Asenat, nug enug haen ii nakppa Josepnu nid danab aɗit menuatom.

Genesis 46:20

Josep nug Isip wanppa dayaya, nug aab onig On, ahilag mana mettak danab onig Potipera aɗeg Asenat awe oiyya, aa nid danab aɗit Manase, Epraim ele menuatpiɗ.

2 Samuel 20:26

Amu Jair danab onig Ira, nug am Dawitnu ulum mettak danab dayom.

2 Samuel 8:18

Jehoiada bekka Benaia nug danab Dawit gumappig, amuam Keret danab, Pelet danab ele, nug amu dilag okkai daye, Dawit bekkod ag nug ulum mettak danab daappig.

Eksodas 2:16

Midian wan amuppa amu, mana mettak danab laa dayom, ⌊nug onig Jetro⌋. Nug am aɗekkud eblaih aɗit ele. Ah amu ag ⌊hanhan⌋ uɗin, ag mamelagnu sipsip, meeme ele le lakkulagnu ⌊le moɗ amuppanu⌋ le itan, doɗ dilag le lanak tappiɗppa gokkaɗeg noum.

Jeremaia 43:13

Isip wanppa amu, nug ukka, aamnu mettid lag, amuppa nug heeb, biidod, danab ah ag biidod amunu, ‘Am ihinig kayaknu keeke,’ anan ottaitteb ele amu, nug biidod amu heeb nauhppeg, Isip dilag kayak hambuppuak dilag mettid lag manatteb eoglag.” ’ ” Yawe Nug nai anam awa, Jeremaia mettom.

Esekiel 30:17

Aab Heliopolis, aab Bubastis ele dilah nid bau ag qep elabppa mauhkkulag, amu kekeɗ ag appan danab ah laa ele diin, wan laappa goppeg, appa ag diia ukka laih me dayak danab ah daaglag.

Daniel 1:7

Ag onilag Hibru naippa anam daatte amge Nebukatnesarnu ikki danab dilag okkai nug amu uua, nug ag Babilon onilag awa ataɗattom. Nug Daniel onig laa Beltesasar ataɗa, Hanania onig am Satrak ataɗa, Misael onig amu Mesak ataɗa, Asaria onig am Abetnego ataɗom.

Luk 2:1

Amu Elisabet nug Layattak Jon menue, haen amu nakok dimppa Kwirinius nug Siria dilag gawana dayeye amu, Sisar Ogastus nug Rom danab oh onilkad bukppa yaalattak daaglagnu ɗo meum. Imuam haen anuqak ag onilag yaak uɗat amu heppig.

Aposel 11:28

Ag noeg, Kayak Ouɗi Nug propet laa onig Agabus ippunitte aha, geha enug haen naɗi Rom wan ohppa bekku, nug amunu nai mattiom. Amu dimppa Klodias nug king dayeye, haen amuppa enug haen amu beum.