Genesis 41:39 - Nobonob Baibel

³⁹ Paro nug anam ana amu, nug Josep amegppa aum. “Kayak Nug keeke imu oh ippunittom amunu, laa nug nahip oo maittak awaknu ehah awak, amu danab doyak dabmak ena ele awak laa nabia uɗat imu hekkunu laa iitta

Genesis 41:39 ပူးပေါင်းရင်းမြစ်များ

Genesis 41:16

Nug anam a amu, Josep nug aum. “Da mehuqkkulnu elele iitta, amge keeke na dookkutnu oot hette amu, Kayak Nug na ippunitteb dookkut,” awa aum.

Genesis 41:25

Paro anam a amu, Josep nug aum. “Nahip tul niiak aɗit amu diig laippu. Kayak Nug aɗi keeke hekkunu hette amu, Nug ippunittom.

Genesis 41:28

Da matu ami aakku. Kayak Nug aɗi keeke hekkunu hette amu, Nug na ippunittom.

Genesis 41:33

Enug haen bekku amunu, na danab laa nug keekenu oo maittak awaknu ehah awom daatte ele, nuhig doyak dabmak ena okkai ele anidna, aon meppe, nug Isip wan imu oh ⌊uɗat imunu⌋ gumakku.

Esra 7:25

Amu Esra, nahipnu amu, Kayak nahip Nug doyak dabmak ena okkai ele mettom amunu, na doyak dabmak ena ele amu dabmena, na epeɗiak danab okkai, epeɗiak danab okkai iitta ele otiadna, ag nai doya mala hettoɗia epeɗia elele mettak kobol dim lamidnana, danab ah le Yupretis heqo laih appa daatteb, ag nahip Kayaknu ɗo nai aɗi aɗi ippunigtte dootteb amu, ag danab ah amu oh epeɗiatteg! Amu laa nug ɗo amu ii dootte ele amu, na nug ippunitte!

Prowerb 12:8

Danab ag laa nug doyak dabmak ena ele, ag nug binag metteb; amge danab nug dabmak kaliaknu kobol hette, laa nuhignu ena iinab dootteb.

Aisaia 19:11

Soan aab okkaippanu ikki danab ag dabmak iitta ele. Danab Paro ulum medatteb ele, ag ulum nai dabmak pehettak iitta medatteb. Ag Paronu ehanittak danab anam daatteb amu, ag Paro amegppa inam maditteb. “Ig am doyak dabmak ena ele danab anukka daappig, ig amu buɗulkad daattem; ig king anukkanab daappig amu, ig amu buɗulkad daattem,” aon atteb. Ag anam maditteb, amge aɗinu ag anam nug amegppa hambuppun atteb?

Daniel 2:11

O king, na ig hekkunignu attem am uug naunab ele, ig amu hekkunignu elele iitta. Danab laa nug king atte bia hekkunu iitta, kayak agib amu hekkulagnu elele, amge kayak ag danab oolagppa oinna ii daatteb,” aon appig.

Daniel 2:48

Nebukatnesar nug anam awowa, nug he, Daniel nug danab okkainab abenabppa te, king nug keeke ena ena kuɗum Daniel mettom. Nug he, Danab okkainab abenabppa teum amu, aben amuam nug prowins onig Babilon, nug prowins amunu danab ah dilag okkai daya gumattatta, nug Babilon wannu danab doyak ele oh ele gumattom.