Genesis 41:30 - Nobonob Baibel

³⁰ amge maɗ eblaih aɗit amu uueb, enug haen okkainab ba, maɗ eblaih aɗit ele daakku. Dayebeb, ag ee eppan, meu ii aomna. Genab, Isip danab ag haen ena amu daulag atikku. Enug haen amuam wan imu heeb nauhkku.

Genesis 41:30 ပူးပေါင်းရင်းမြစ်များ

Genesis 41:21

Lappig, amge ag beɗulag ii titiɗppig; ag nau daappig, anamib daappig. Da anam antten amu, da ahami.

Genesis 41:27

Makau eblaih aɗit ele beɗulag ena iitta, ebehilkad tak ele, amu ee aeg ikkilag eblaih aɗit ele, ag ena iitta, ulah gakkaɗak aqeeqe aelkad teppu iitta ele amu, ag oh maɗ eblaih aɗit elenu enug haen ippunidtte.

Genesis 41:31

Enug haen amu eheɗ naunab amunu, haen amuppa Isip danab ag ee naɗi, okkai aoppig daakku amu, ag daulag atikku.

Genesis 41:51

Nug Josepnu nid naanaeg menue amu, Josep nug aum. “Kayak Nug he, da uug guittak ele dahil, amu da mamel baekkudppa ele oh daul atiom,” awa aum. Nug anam aum amunu, nug nid onig Manase ataɗom.

Genesis 41:54

enug haen maɗ eblaih aɗit ele digma neum. Josep aum, amubia beum. Wan laala ohppa enug haen beum, amge Isip wan ohppa amu, ag am ee ele.

Genesis 41:56

Paro nug anam a, enug haen naɗi be, Isip wan ohppa enug haen naɗi me, Josep nug ee lag oh od matula ee me, Isip danab ee daden meppig. Aɗinu? Enug haen okkai Isip wan ohppa beum.

Genesis 47:13

Haen amuppa enug haen naunab dayom amunu, Isip appa, wan laala ohppa ele datta ee ele ii beeg, ee iitta meum. Isip, amu Kanan ele ooppa, danab oh ebehilag bodoettom.

2 Samuel 24:13

Yawe Nug Gad amegppa anam aum amunu, Gad nug aha, Dawit toppa ukka, amegppa aum. “Yawe Nug da amelppa uug imu imutai laa bekkunu aum amunu, maɗ ewam Israel wanppa enug haen daakkutai, o iitta ahilkad kekeɗ ag kalam ewam ag Israel eɗadna lamadkkulagtai, o iitta oɗe nau danab kuɗum aqe mauhtteb am deɗ ewam Israel wan ooppa daya heeb, danab ah mauhkkulagtai? Na dabmak aona, na appe, da nahip dabmak laa meiɗe uɗimi ele amegppa appi dookku,” awa aum.

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

2 King 8:1

Haen laappa Elisa nug ukka, Sunem ah, ah amuib nug bekka amu anukka mauhe, Elisa nug eɗua maɗette ahom amu, Elisa nug ah amu amegppa aum. “Yawe Nug geha ihinig wanppa enug haen beeb, geha danab ah ag maɗ eblaih aɗit ele enug haen eenu tutu daaglagnu aum amunu, na ahan, na baenadppa diippe, ag gona wan laappa daappeg, enug haen maɗ eblaih aɗit ele malakku,” awa aum.

Sam 105:16

Nug enug haen naɗi Kanan wanppa meum. Ao, Nug he, danab appa ag ee lanaknu tutumak daappig.

Prowerb 31:7

Danab amu ag anam lakkulag dayeb amu, ag ahilag guittak daulag atikku. Ao, ag anam lakkulag dayeb amu, ahilag daɗek naunab dayaknu uug okkai ii dabmemana.

Aisaia 65:16

Aun laa nug Juda wanppa laanu, “Nahip-ppa enaib bekkunu ool daatte,” akku amu, nug Kayak doyak diig genabib ohnu diig daatte onigppaib amu hekku. Ao, laa nug Juda wanppa nuhig nai ɠagattag qedakkunu hette amu, nug Kayak doyak diig genabib ohnu diig daatte onigppaib amu hekku. Nug amu hekkunu diig am, Yawe Nug heeb, uug tatam daappig ohnab am iitta mekku; iinab daamna. Yawe Nug amunu, “Tumainu uug amu, da heppi ii daama,” akku.

Luk 4:25

Ag doyeg! Genab, Elaiyanu haenppa Israel oolagppa ah qab kuɗum daaegeg, haen amuppa maɗ ewam, kalam 6 ele gu ii ne, wan amu ohppa enug haen naɗi dayom,

Jems 5:17

Elaiya nug am danab ig bianab, amu nug oo unuqagppanu gu ii nemanu Kayak unuqittom amunu, gu maɗ ewam, kalam eblaih laippu ele ii neum.