Genesis 41:16 - Nobonob Baibel

¹⁶ Nug anam a amu, Josep nug aum. “Da mehuqkkulnu elele iitta, amge keeke na dookkutnu oot hette amu, Kayak Nug na ippunitteb dookkut,” awa aum.

Genesis 41:16 ပူးပေါင်းရင်းမြစ်များ

Genesis 37:14

Josep anam a amu, Jakop nug amegppa aum. “Na gona, awanad anatte! Ag ena daattebtai, amu doɗ ag ele ena daattebtai, na amu anatte! Anattona amu, na eɗun uɗin, appe dookkul,” awa aum. Anam awowa nug he, Josep nug Hebronnu oolnu noak uua, Sekem gokkunu ukkom.

Genesis 40:8

Nug anam a amu, aa apiɗ. “I oh tuqan tul niimuɗ, amge danab laa ihinih tul niiaknu diig ab doognihnu ippa iitta,” aoya apiɗ. Anam aeh amu, Josep nug aum. “Tul niiaknu diig amu Kayak, Nugib ippunigtte. Tul niiak ahilah apeɗ dookkul,” awa aum.

Genesis 41:17

Josep anam a amu, Paro nug aum. “Tulppa da le Nil daugppa daaiyi,

Genesis 41:25

Paro anam a amu, Josep nug aum. “Nahip tul niiak aɗit amu diig laippu. Kayak Nug aɗi keeke hekkunu hette amu, Nug ippunittom.

Genesis 41:28

Da matu ami aakku. Kayak Nug aɗi keeke hekkunu hette amu, Nug na ippunittom.

2 King 6:27

Nug anam ewa a, king nug ah amegppa inam aum. “Amu Yawe Nug na ii ehanitteb, da am na attem ehanidkkul? Amu da ee aeg adeppan awen ehanidkkul; da wain ele adeppan awen ehanidkkul?” awa aum.

Daniel 2:47

Nebukatnesar nug anam ha mala, nug Daniel amegppa aum. “Genabnab genab, nahip Kayak Nug kayak laa oh eɗattak daatte; Nug king laa oh dilag okkai daatte; Nug dimppa aɗi bekkunu daatte danab ippunadtte. Aɗinu ⌊ig amu doognignu elele⌋? Nug he, keeke lokkumak dayom imu amu, na he, miag atiom,” awa aum.

Daniel 4:2

Da Kayak Attannab Laa Oh Eɗattak, Nug nuhignu dabmettaknu kobol danab haknu elele iitta, amu uɗat ɠagattagnab ele, Nug dahilnu heum amu appi dooglagnu gamag ahak doottem.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Namba 12:6

Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.

Luk 19:42

Nug aum. “O gadon, ag maɗoɗ daaglagnu ib ii dootteb. Uug awak haen ahilag am miagnab, amge ag attemun maɗoɗ daaglagnu ib amu anidlob, ag uug amu ii anidlob, amge ib amuam ag amelagppa lokkumak daatte.

Aposel 3:12

Ag anam heeg, Pita nug anatta, nug amelagppa inam aum. “Israel danab, ag aɗinu keeke imunu dabmak kuɗum aotteb? Amu diig aɗinu ag i iya, ihinih ɠagattagppa, o iitta i iya ihinih ena hakppa i heuɗ, danab imu nug aha tappa oitte dabmak aona, ag amelag behabe, i neekkit-tteb? Anam iittanab, iitta.

Aposel 3:7

Pita nug anam awowa, eppeg bahia, eppeg naɗiap-ppa aɗa hume, pahanab baekuɗ kubuku bata noak oh ɠagattag ebapiɗ.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

2 Korint 3:5

Genabnab ig ikkaib uɗat imu hekkunignu am elele iitta. Keeke anam daatte amunu, ig ikka keeke laa hemut amunu ii amata. Iitta. Kayak Nug nukka he, ig uɗat imu hekkunignu elele daattem.

Duteronomi 29:29

Yawe, ihinig Kayak, Nug haen gemunu keeke, o butti aɗinu keeke amu, Nug amunu diignu doyak tutukku oh ig ii mekkom, amge ig, amu ig buɗunkad ele ɗo mekkom, Nug ig amu dim lamittaknu haknunab anak nai ihinignu aum.