Genesis 40:8 - Nobonob Baibel

⁸ Nug anam a amu, aa apiɗ. “I oh tuqan tul niimuɗ, amge danab laa ihinih tul niiaknu diig ab doognihnu ippa iitta,” aoya apiɗ. Anam aeh amu, Josep nug aum. “Tul niiaknu diig amu Kayak, Nugib ippunigtte. Tul niiak ahilah apeɗ dookkul,” awa aum.

Genesis 40:8 ပူးပေါင်းရင်းမြစ်များ

Genesis 40:9

Josep anam a amu, wain babaitta Paro mettak anuqak danab nug nuhig tul niiak Josep amegppa mattia, inam aum. “Dahil tul niiakppa da muɗi grep anidmi.

Genesis 41:25

Paro anam a amu, Josep nug aum. “Nahip tul niiak aɗit amu diig laippu. Kayak Nug aɗi keeke hekkunu hette amu, Nug ippunittom.

Job 33:23

Amge engel laa, ehanittak laa kuɗum ag nug hette bia ii hetteb, nug ehanittak 1,000 oolagppanu laippu aakku, nug Kayak, danab amu ele dilahppa gamagmag dayaya, nug Kayak oɗeppanu danab amu nug attem heeb, Kayak noobppa genab tutukku hak danab daakkunu ab doya ⌊dim lamitteb⌋,

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

Aisaia 8:19

Anam amunu, danab ah laa ag geha ag laa ⌊Yawe dim lamidtteb ele, ag ag⌋ amelagppa ag gona mauhak ele gamag danab, o mauhak ele mattiak danab anadna, doyaknu oɗ mattaglagnu amelagppa appeg amu, ag amu aib heppig! Ag Kayak toppanu dabmak aweg! Danab ameg amu ag danab kaaka nai maditteb, ag amubia maditteb. Mattiegeg, oɗelagppa oqotti digdig bette. ⌊Antte!⌋ Danab ah mauhppig ag am danab ah bau daatteb dabmak mattaglagnu am ib ena iitta. Aɗinu ag danab mauhppig amu gumadna doyak aoglagnu gotteb? Ag eɗun, Kayak ahilag gumidna ukkeg!

Daniel 2:11

O king, na ig hekkunignu attem am uug naunab ele, ig amu hekkunignu elele iitta. Danab laa nug king atte bia hekkunu iitta, kayak agib amu hekkulagnu elele, amge kayak ag danab oolagppa oinna ii daatteb,” aon appig.

Daniel 2:27

King anam oɗ mette, Daniel nug aum. “O king, doyak danab laa, o emaɗ danab laa, o baɗ mak danab laa, o eman danab laa nug king atte bia hekkunu elele iitta,

Daniel 2:28

amge Kayak, hab attan daatte, Nug keeke uug ele he, miag atitte. Nug anam hette amunu, Nug na, King Nebukatnesar, Nug na dimppa aɗi bekku aakku ippunittom. Na niiak abenppa tul niinna, tuleglegppa keeke digdig anidme am iikku.

Daniel 2:3

Ag anam nug noobppa daaegeg, nug ag amelagppa aum. “Da tul niimi amunu, da dabmak huanak aottem. Ag tul niiak amunu meu appeg dookkulnu hettem,” awa aum.

Daniel 2:47

Nebukatnesar nug anam ha mala, nug Daniel amegppa aum. “Genabnab genab, nahip Kayak Nug kayak laa oh eɗattak daatte; Nug king laa oh dilag okkai daatte; Nug dimppa aɗi bekkunu daatte danab ippunadtte. Aɗinu ⌊ig amu doognignu elele⌋? Nug he, keeke lokkumak dayom imu amu, na he, miag atiom,” awa aum.

Daniel 4:8

Ag elele iitta, dimppa Daniel nug gumiɗa uɗie, da tul niie, aɗi anidmi amu, da nug amegppa ai doyom. Nug onig laa am Beltesasar. Laa nug dahil kayak onig amu awa, oela qettom. Aria, kayak ouɗi am nuhigppa daatteb.

Daniel 5:16

Ag elele iitta, amge na tul niiaknu meu mehuqkkutnu, na keeke uug elenu diig ele mehuqkkutnu elele aeg doottem. Amu na nai eppeg laa gililppa yom amu ebqena, nuhig meu ele appe dookkul dayeb amu, da lamen perpel metten, baagppan sen golppa hak ele metten, da heppi, na Babilon gabman ooppa okkainab, da, laippu laa ele, i waantippaib daakkut. Laa oh ag na waatppa daaglag,” awa aum.

Amos 3:7

Am anam daatte amunu, Naɗi Yawe Nug aɗi keeke laa ⌊nuhikkud propet amelagppa qehakkak dayeye,⌋ ii hette. Ao, Nug tatam nuhikkud propet, ag am nuhikkud maɗi nid amu, Nug ag amelagppa nuhig maittak, lokkumak daatte, amu a doyeg hette.