Genesis 4:7 - Nobonob Baibel

⁷ Na kobol ena heppe, da ool nahipnu ena daakku. Amge na kobol ena ii heppe, hipunin na tonitteb nauhkkut, amge anam am aib. Na hipunin tabappe noaɗ!” awa aum.

Genesis 4:7 ပူးပေါင်းရင်းမြစ်များ

Genesis 19:21

Lot anam a amu, engel nug aum. “Amu ele am elele. Na attem amu, da amu ele hein medakkul. Da aab amu heppi, padal ii mema.

Genesis 3:16

Yawe Kayak Nug anam awowa, Nug eɗua, ah amegppa aum. “Da heppi, nid awak haenppa na guittak okkai dookkut. Ao, na guittak doon, nid menuadkkut. Na gamutnu oot huanaknab daakku, amu nug na gumidkku,” awa aum.

2 Samuel 24:23

O king, da, Arauna, da imu oh na, na king amu, da na medattem; amu keeke laippu aakkuib am da ool daatte. Amuam Yawe, nahip Kayak, Nug nahipnu ena dookku,” awa aum.

2 King 8:28

Amu haen laa King Ahasia nug ukke, nug Israel dilag king Joram, Joram nug Israel dilag king Ahap bekka amu, nug nug ele oh aa Aram dilag king Hasael ele aab Ramot, Gileat wanppanu, aa appa ban hekkulagnu gopiɗ. Aa goya ban heeheh, Aram dilag daup ag Joram guittak okkai medappig

Job 11:14

na hipunin henan daattem dimettan, ii hekkut dayeb, na kobol eheɗ laa nahip-ppa daamanu wagai mekkut dayeb amu,

Job 11:15

na beɗunppa aab iitta ele daan; na baɗak iitta, ɠagattag daan oikkut.

Job 29:4

O gadon, gemu da haen da danabnab daami, da dahil dayak amunu da ool huana gaatte; haen amuppa da daaiyi, Kayak Nug dahilnu, ‘Da layalnab,’ doyaya, Nug dahilad oh itatte daami.

Job 42:8

Ag eheɗ anam madippig amunu, ag makau gaiɗ eblaih aɗit ele, sipsip dawai eblaih aɗit ele, ag amu ele aon, dahil maɗi nid Job gumidna gona, ag doɗ amu manaknu ofa daaglagnu manadna meɗeg! Ag amu heppeg, dahil maɗi nid Job nug ahilagnu da unuqilkku. Nug anam unuqilkku, da nuhig unuqittak doyen, diig amunu da ag dahilnu dab-ii-maama hak kobol dim lamidppig amu, da kobol amunu bu madappi aolob ii madapa. ⌊Da ii madapa, amge ag bu aoglagnu daappig.⌋ Aɗinu? Ag dahil maɗi nid Job, Nug dahilnu nai tutukku mattiom bia ii madippig. Ag eheɗ madippig,” awa aum.

Prowerb 18:5

Hettoɗiakppa, epeɗiak danab nug nau hak danab dilag ena doya diig iittappa ehanadkku, amuam kobol nau; ele amu, hettoɗiakppa epeɗiak danab nug danab eheɗ laa ii heum, nug nuhig nai bappaidkkunu nug nai doya mala hettoɗia epeɗia elele mettak kobol ii dim lamidkku dayeb amu, amu ele am kobol nau.

Prowerb 21:27

Nau hak danab ag doɗ manan, Kayak mettaglagnu heegeg anatta, Nug ooppa uuaknab dootte. Nug amunu uuaknab dootte amunu, genabnab genab ag ɗo hamuib dim lamidna, eheɗ hekkulagnu dabmena, mana mettak hekkulag amu, Nug amunu ooppa uuaknab okkai dootte.

Jeremaia 3:12

Amunu, Jeremaia, na yawalti uɗitteppanu neegna, dahil nai imu Israel dilagppa appe doyeg! Yawe Nug inam atte. ‘Israel, ag da dimeɗona kayak hambuppuak laala dim lamattegeg uɗie, gemu ele hetteb amu, ag eɗun, da Yawe, ag dahilppa uɗieg! Aɗinu? Da laa dilagnu oo gai-iitta doya, oo metta ehanattaknu diig daattem amunu, da tuɗitten, ahilagnu oo nauhak ii doopa. Da hanhan ahilagnu oo nauhak ii doopa.’ Da Yawe, da anam aakku attem.

Jeremaia 6:20

Juda danab ah, ag Sebanu kalu danab ile muttuɗig enanag bette, ag kalu amu amotna, da meɗatteb, amge ag hipunin hekkulagnu ii uutteb amunu, da kalu amunu ool hettete? Da amunu oolppa ena doottemte? Iitta! Ao, ag goɗen muttuɗig enanag hekkulagnu wan umanabnu keeke qaittobttob bia onig kalamus aon, da meɗatteb, amge ag hipunin hekkulagnu ii uutteb amunu, da kalamus amunu ool hettete? Da amunu oolppa ena doottemte? Iitta! Manaknu ofa ahilag amu, ag am pehettak iitta; da ii aopa. Ao, ahilag mana mettak laa amu, da amunu ena ii doottem.” Yawe Nug anam atte.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.

Malakai 1:10

Yawe Nukka Ɠagattag Oh Ele Nug atte. “Da laa nug ag mana mettak danab oolagppanu, nug ag mana mettak ena iitta amu ii manadmananu, nug dahil mettid lag, nuhig tomppan keeke oh elenu od manadkkunu ool okkai daatte! Da ahilagnu ena ii doottem. Da ahilag mana mettak amu, da ii aopa.

Malakai 1:13

Ag amu henana, ag kobol da Yawe, da ag hekkulagnu mattami, ag kobol amunu, ‘Ig kobol amu oh hekkunignu am uug okkainab,’ aon atteb. Ag kobol amunu, am keeke hamunab doon, kobol amunu ena iitta dootteb.” Yawe Nukka Ɠagattag Oh Ele Nug anam awa atte. Amu Yawe Nug inam atte. “Ag doɗ yab heppig elete, o ebehi kaliak elete, o oɗe meum elete, ag amu aon main meɗatteb amu, da amu aokkul am ena dabmettebte? Iitta!

Malakai 1:8

Haen ag doɗ amelag gaɗuak ele manadna, da meɗatteb amu, amuppa ag nau iite hetteb? Haen ag doɗ ag ebehi kaliak ele, o laa oɗe mak ele akkan dona, manan meɗatteb amu, amuppa ele ag nau iite hetteb? Ag keeke anam ahilag gawana mettan antteg! Nug keeke amunu oo ena dookkute? Nug ag ena heppig doya ehanadkkute?” Yawe Nukka Ɠagattag Oh Ele Nug anam atte.

Namba 32:23

Amge ag keeke, da ag hekkulagnunab ippunadmi imu, ag ii heppeg amu, ag aakku Yawe, nuhigppa hipunin hekkulag. Ag aibnab dabmak hambuppuak aoppig! Ag hipunin qewona amu, ag hipuninnu nob nau aoglag.

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.

Rom 12:1

Amunu O lailad, Kayak Nug ahilagnu keeke okkainab heum amunu, da ag akka ag danab nug doɗ mana Kayak medatte, amubia ag bau daanna, meulkad oh Nug mettaglagnu unuqadttem. Ag meulkad oh ag Kayaknu oppiaawak ele daanna, Kayak oo niitte bia ele daanna, ag Nug metteg! Ib amuppa ag genab Nug noobppa dup nona binag mettaglag.

Rom 14:18

Danab laa nug ib amuppa Kristus waappa daya nuhig uɗat hette ele, geha Kayak Nug nuhignu ena dookku; danab ag ele nuhignu am danab ena dooglag.

Rom 15:16

da iitta aɗi ag oolagppa uɗat hekkulnu Kristus Jesusnu maɗi nid bemi. Da iitta aɗi ag Kayak Nug oo daatte amubia daaglagnu, Kayak Ouɗi Nug heeb, ag oppiaawak danab bena daaglagnu, da ag diie, Kayak medakkulnu mana mettak danab bia bein, Kayaknu Nai Ena mehuqttem.

Rom 6:12

Ag anam oiglagnu daatte amunu, ag heppeg, hipunin nug ag beɗulkad mauhtteb ele dilag okkai aib dayom. Hipunin nug ag beɗulkad dilag okkai daakku dayeb, ag beɗulkadnu eeɗak nau dim lamidna, eheɗ hekkulag, amge ag anam aib heppig.

Rom 6:16

Am ag imu iite dootteb? Haen ag beɗulag danab laa mettona, nuhig nai dim lamidna amu, ag aakku nuhig begbeg maɗi nid daatteb. Am ag eheɗ hak kobolnu begbeg maɗi nid daatteb dayeb, ag mauhak amuppa aoglag, o iitta ag Kayak oɗe dim lamittaknu kobolnu begbeg maɗi nid daatteb dayeb, ag genab tutukku hak danab daaglag.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.

1 Timoti 5:4

Amge ah qab nug bekkodtai o iitta alakkudtai laa daanna amu, ahilag uɗat anuqak am ag anilkad mamelkad alalkad ele ag nob ena eɗun mattaglagnu atognoadkkulagnu daatte. Ao, Kayak Nug kobol amunu ena dootte.

Hibru 11:4

Abel nug Kayaknu ooppa genab doyom amunu, nug mana mettak, Kain eɗittak, mana mettak enanag heum, amu Kayak nuhig mana mettaknu amu enanag antta nuhignu, “Genab tutukku hak danab,” awa aum. Abel nug am anukka mauhom, amge nuhig ooppa genab doyak am ig aɗi hekkunignu gemu ele ig ippunigtte.

Jems 1:15

Amu danab nug aɗi keekenu oo huana hette ele amu, oo hak amu nug okkai me, danab nug hipunin hette. Hipunin nug okkai ma male amu, meu nuhig am mauhak.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.