Genesis 4:4 - Nobonob Baibel

⁴ amge Abel nug nuhig doɗ sipsip, meeme ele nalkad ⌊dawai⌋ tatamnu laala ittalkad awa uɗia mana, Yawe mettom. Aa anam heeh amu, Yawe nug Abelnu, nuhig mana mettak elenu ena anttom,

Genesis 4:4 ပူးပေါင်းရင်းမြစ်များ

Genesis 15:17

Yawe Nug anam a amu, aam no, gatatu ne, keeke waa bia, aab kahug amuppa teete, ooppa aab aɗu, hul dittiak bia dittieye, amu newowa, doɗ teppu amu gamagppa oiyom.

Genesis 4:3

Kain, Abel ele aa anam heeh ukke, dimppa deɗ laa Kain nug dattanu ee awa uɗia mana, Yawe mettom,

1 King 18:24

Anam amu, ag Balnu propet, ag makau amu bappaidna malona, ag ahilag kayak unuqidppeg, am geha da Yawe unuqidkkul. Amu laa aun nug doya, Nug unuqittak nob ma heeb, aab aɗu na, mana mettak amu eokku amu, Nug am Kayak genab,” awa aum. Nug anam a amu, danab ah oh ag nai amu doon, ag appig. “Na attem am ena. Ig anam hekkunig,” aon appig.

1 King 18:38

Nug anam unuqitte, aakku Yawe nug he, aab aɗu neum. Aab amu na, mana mettak amu ewa, qaɗabppa aab ameg mak amu ewa, qaɗabnu men amu ewa, gappud amu ele ewa, am qaɗab daug aiɗak le ippu hakppa le gokkaɗeg, amba dayom amu, le amu oh ele he, iitta meum.

1 Stori 21:26

Dawit aben amu anam daden ma, nug qaɗab qewowa, nug manaknu ofa, laippu dayaknu ofa ele qaɗab amuppa manatta, Yawe mettom. Nug anam ha, nug Yawe unuqitte, Yawe doya he, aab aɗu habppannu manaknu ofa haknu qaɗabppa neum.

2 Stori 7:1

Solomon nug anam unuqitta male, aab aɗu habppanu na, manaknu ofanu doɗ, amu doɗ laala ele ag manadna, Kayak mettaknu qaɗabppa daappig ewatta malom. Anam he, Yawenu binag amahlak oppiaawak ele am Yawenu mettid lag, amuppa ambeum.

Sam 20:3

Nug keeke oh na Nug medattem ele amu, Nug dabma, ⌊na ehanidkkunu⌋ oonig daatte. Yo, ig nahip manaknu ofa na hena medakkut amu, Nug ena doya aokkunu oonig daatte. Sila.

Eksodas 13:12

ag ah oolkadppanu nid danab tatamnu oh, ag Yawe mettaglagoitte! Amu doɗ nalkad dawai tatamnu oh ele, ag Yawenu daaglag.

Prowerb 3:9

Am na en nahip-ppanu laih aon, Yawe binag medakkutnu Nug mette! Ao, ee nahip tatam oɗueb amu, na ee meu tatamnu amu aona, Yawe eppegppa me!

Eklisiastis 4:4

Da amu oh dabmein, da inam ele anidmi. Danab ag uɗat okkai, enanag ele hettebnu diig am, ag mudippan laippu dilagnu amelag qe oolag elele ii daatte. Anam, amge amu ele am gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia.

Lewitikas 9:24

Aakku, Yawe toppan aab aɗu na, manaknu ofa, amu ittag ele qaɗabppa dayom, am laippun ewa iitta meum. Haen danab ah ag amu oh anidna, ag maɗoɗppan gamag ahak doon ena, ag laippun gatelag qaun ona, gomelna, iɗulag wanppa meppig.

Namba 16:15

Aa nai anam aeh, Moses nug oo huana nauhe, nug Yawe amegppa aum. “Ag nahipnu mana mettak heppeg amu, na aib aome. Da eheɗ ahilagnu laa iinab hemi, ahilagppanu doɗ donki keeke, da amu laa ahilag iinab aomi,” awa aum.

Namba 16:35

Amu ag wan ooppa noeg, Yawe Nug he, danab 250 ag kalu danab ile muttuɗig enanag bette ele maippig, ag aab ewatte mauhppig.

Namba 18:12

Am Israel ag olip goɗen enanag, aria wain bau tatamnu enanag, ee aeg tatam oɗutte enanag, ag da Yawe, ag da meɗatteb amu, da amu oh na, na begapad ele madattem.

Namba 18:17

Amge ag makau okkai ebehi ele, o iitta sipsip, o iitta meeme nalkad ⌊dawai⌋ tatamnu manan, da meɗaglagnu henana amu, ag doɗ amu tituanakppanu eɗua uhuqak hekkulagnu elele iitta. Amu oh am dahilnu tituanak daatteb. Ag doɗ amu manan, da meɗaglag. Ag mana mettak hekkulagnu amu, ag tiilkad qaɗabppa tauɗna, ittalkad manadkkulag. Mana mettak amuam aab aɗunu ofa, nuhig muttuɗignu da, Yawe, da oolppa ena doottem.

Hibru 11:4

Abel nug Kayaknu ooppa genab doyom amunu, nug mana mettak, Kain eɗittak, mana mettak enanag heum, amu Kayak nuhig mana mettaknu amu enanag antta nuhignu, “Genab tutukku hak danab,” awa aum. Abel nug am anukka mauhom, amge nuhig ooppa genab doyak am ig aɗi hekkunignu gemu ele ig ippunigtte.

Hibru 9:22

Aria ɗo kobolppa, tiigppaib keeke oh bia oppiak daakkunu daatte. Amu tiig ii ne amu, Kayak Nug hipunin ii uhuqtte.

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.

Ikki Danab 6:21

He amu, Yawenu engel nug dudqak hokkat aɗom amu, nug amu noobppa teppu, bret yis iitta ele lauɗitte, aab dittiak menppanu ba, teppu, bret yis iitta amu ele ewe, iitta meum. Aakku Yawenu engel qettoɗom.

1 Samuel 15:22

Saul nug anam aum, amge Samuel nug eɗua amegppa aum. “Yawe Nug manaknu ofa, amu mana mettak laala elenu oo hette, amge Nug danab ag Nug oɗe dim lamidkkulagnu amu, Nug amunu oo huanaknab hette. Yawe oɗe dim lamittaknu, am mana mettak eɗidtte. Ao, Yawenu nai doon dim lamittaknu, am sipsip dawai ittag mana, Kayak mettaknu eɗidtte.