Genesis 4:26 - Nobonob Baibel

²⁶ Set bekka amu Enos. Nuhig haenppa danab ag tamanina daanna, Yawe onigppa ekkulagnu digmeppig.

Genesis 4:26 ပူးပေါင်းရင်းမြစ်များ

Genesis 12:8

Nug qaɗab qewowa amu, nug aha noa, wan qauko ele, Betelnu laih kaɗag uɗitteppanu daatte, nug appa ukkom. Nug peh lag nuhig aab aɗit Betel, Ai ele gamalahppa qappe, Betel am laih qaban uɗitteppanu daye, Ai am laih kaɗag uɗitteppanu dayom. Aben amuppa ele Abram nug qaɗab qa, Yawe noobppa dup noa binag maama, nug Yawe unuqittom.

Genesis 26:25

Yawe Nug anam a amu, Aisak nug qaɗab nuhig qa, Yawe unuqittowa, peh lag nuhig qappe, maɗi nid nuhikkud ag le moɗ laa buuppig.

1 King 18:24

Anam amu, ag Balnu propet, ag makau amu bappaidna malona, ag ahilag kayak unuqidppeg, am geha da Yawe unuqidkkul. Amu laa aun nug doya, Nug unuqittak nob ma heeb, aab aɗu na, mana mettak amu eokku amu, Nug am Kayak genab,” awa aum. Nug anam a amu, danab ah oh ag nai amu doon, ag appig. “Na attem am ena. Ig anam hekkunig,” aon appig.

Sam 116:17

O Yawe, da na noomppa ena heme anaknu ofa hein medakkul. Ao, da Yawe unuqidkkul.

Aisaia 44:5

⌊Amu haen amuppa⌋ laa nug aha, ‘Da Yawenu danab daattem,’ akku. Laa nug aha, nug, ‘Da am Jakop buɗub laa,’ akku. Amu laa nug aha, ‘Da am Yawenu danab,’ eppeg ⌊gomeppa⌋ ya, nug memetalkad anukkanu Israel, nug nug onig amu awa, nug nukka onig oela qedakku,” awa atte.

Aisaia 48:1

Ag Juda, ag ahilag nai ɠagattag qettaglagnu henana, ag Yawe onigppa ɠagattag qedatteb. Ao, ag ahilag nai ɠagattag qettaglagnu henana, ag Israel dilag Kayak onigppa hetteb. Ag amu hetteb, amge ag doyak diig genabib, ag amuppa ii hetteb. Ge! Ag kobol genab tutukkuppa ii hetteb. Amu ag Jerusalem, aab amuam Yawenu tituanak daatte amu, ag aab amunu, “Am ihinig aab okkai,” atteb. Ag anam anana, ag Yawe Nukka Ɠagattag Oh Ele, ag nuhig ehanittakppa ena oittebnu ele atteb. Ag amu hetteb, amge O Jakop buɗub, laa ahilagnu Israel atteb amu, ag doyeg! Ao, ag Jakop buɗub, ag alalag Juda amu, ag doyeg!

Aisaia 63:19

Ig danab ah na deɗ laa ig ii gumigme bia bemut daattem. Ao, ig danab ah ag na onin waappa deɗ laa ii daappig, ig amubia daattem.

Jeremaia 33:16

Aria, haen amuppa da Juda danab ah ehanadppi, ag padal ii memana. Ao, haen amuppa da heppi, Jerusalem danab ah ag baɗak iittappa daanna oiglag. Ag anam daan oippeppeg, danab ah wan ohppanu ag Jerusalem onig laa ele ataɗkkulag. Onig amuam, ‘Yawe Nug am Ihinig Kobol Genab Tutukkunu Diig Daatte,’ akkulag.

Joel 2:32

Anam amge aun laa nug Yawe onigppa eeb amu, Yawe Nug ehanitteb, nug padal ii mema. Am aɗinu anam bekku? Yawe aumbia, qauko Sion, am Jerusalem appa ele, oɗo yaak danab daaglag. Ao, oɗo yaak danab oolagppa laa, Yawe onilagppa eum ele, ag daaglag.

Sepanaia 3:9

Aɗinu? Da amu hewoya, wan atu ohppan danab ah ag da Yawe, ag da unuqilkkulagnu, ag oh laippu daan, ag da waalppa daan, da oɗel dim lamidkkulagnu, da heppi, ag amu hekkulagnu elele daaglag.

Luk 3:38

Kanan mameg am Enos, Enos mameg am Set, Set mameg am Adam, Adam mameg am Kayak.

Aposel 11:26

antta, nug omale Antiok ukkaeh, maɗ laippu Kristen tamaniak appanu ele daanna, aa danab ah kuɗumnab Kayak nai ippunadpiɗ. Antiok appa danab ag tatam digmena, danab ag Jesusnu oolagppa genab dooppig, ag ahilagnu, Kristen appig.

Aposel 2:21

‘Anam amge aun laa nug Naɗi onigppa eeb amu, Naɗi Nug ehanitteb, nug padal ii mema.’ Joel anam yom.

Rom 10:13

Aɗinu? ⌊Kayak naippa, nai laa inam daatte.⌋ “Aun laa nug Naɗi onigppa eeb amu, Naɗi Nug ehanitteb, nug padal ii mema.”

1 Korint 1:2

i nai imu uɗugppa yaattep. I Kayaknu Kristen tamaniak Korint daatteb, ahilagnu yaattep. Ag Kristus Jesusnu, oppiaawak danab ah daatteb. Nug ag oppiaawak daaglagnu ag onilagppa eum. Amge Nug agib onilagppa ii eum. Iitta! Nug danab ah oh ag wan atu ohppa daana, ag Naɗi Jesus Kristus onigppa unuqidtteb amu, ag oh onilagppa eum. Jesus amu, Nug am ag ig ele, ig oh ihinig Naɗi daatte.