Genesis 4:23 - Nobonob Baibel

²³ Anam daanna amu, Lamek nug wauuɗ amelahppa aum. “Adah, Silah ele, aa nai dahil doyeɗ! Ao, ah aɗit, aa da, Lamek, aa ah dahilaɗ daattep amu, aa nai dahil doyeɗ! Aɗinu? Danab bau da oiɗa guittak meɗom amunu, da nug makkuɗi mauhom. Ao, nid bau laa guittak da meɗom amunu, da nug makkuɗi mauhom.

Genesis 4:23 ပူးပေါင်းရင်းမြစ်များ

Genesis 4:22

Aria, Lamek nug wau laa Silah ele oiyya, nug ele nid aɗit menuatom. Nid danab amu onig Tubalkein, amu nug keeke bras, aian eleppa hattom. Nug appinag am onig Namah.

Sam 94:1

O Yawe, na danab ah aun aɗi ag eheɗ hetteb ele, na ag heppignu nob tutukku bu mattaknu Kayak daattem. O Kayak, na nahip hak ɠagattag amu epponna, danab ah eheɗ hetteb amu, na ag heppignu nob tutukku bu madakkutnu oɗ medattem.

Eksodas 20:13

Na danab aib qeppe mauhom.

Lewitikas 19:18

Na aib laa nahipnu eheɗ heum amu, nug nob nau medakkutnu heme. O iitta, na nob nau laa mettaknu dabmak ootppa aɗa oiyak aib heme, amge na nakka nahipnu oot mauhtte, amubia na laipad dilagnu ele oot mauhaɗ! Da am Yawe.

Namba 23:18

Balak nug Balam anam oɗ mette amu, Balam nug digma, Yawe oɗeppanu nai meunab ele mattiom. Nug aum. “Balak, na ahan, na nai doye! Ao, Sipor bekka, na da doiɗe!

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.

Ikki Danab 9:7

Jotam nug ag amu heppig, nug amunu doyowa amu, nug qauko Gerisim igippa ta, ewa aum. “Sekem danab ah, Kayak Nug ahilag unuqittak dookkunu amu ag dahil nai doyeg!