Genesis 4:16 - Nobonob Baibel

¹⁶ Anam daye, Kain nug Yawe toppanu aha ukka, wan laa onig Nod, amuppa ukka oiyom. Nod nug Idennu kaɗag uɗitteppanu dayom.

Genesis 4:16 ပူးပေါင်းရင်းမြစ်များ

Genesis 3:8

Aa anam heeh, deɗ amuppa tueb Yawe Kayak Nug dad ooppa oiyeye, danab ah ele oqotti dooyya, Yawe Kayak anatmanu dad amunu ad oolagppa lokkumya daapiɗ.

Genesis 4:14

Gemu na da wan imuppanu, na noompanu lamiɗttem amunu, da haen oh aben laippuppaib ii daapa; qati qati oikkul. Danab laa da aniɗa, nug duul ob mauhkkul,” awa aum.

Genesis 4:17

Kain wau ele oiyya, nug wau oo ele daya, nug nid laa onig Enok menuom. Menuom, haen amuppa Kain nug aab okkai kala haaha, nug nid onig Enok amu awa, aab okkai onig ataɗom.

2 King 13:23

Amge Yawe Nug Israel dilagnu oo bodoette enanag maɗoɗ ele hak kobol dim lamitta, Nug ahilagnu ele oo bodoetta le meum. Nug nug tituana nai qakkak anukka Abraham, Aisak, Jakop ele heppig amu, Nug amu dabmeum amunu, Nug Israel ehanatta, Nug ag eheɗ ii hatta, Israel Nug noobppa daatteb amu lamatteb, laih gokkulagnu Nug oo ii dayom. Iitta. Tatam, gemu ⌊nai imu yaak haenppa⌋ ele, anamib.

2 King 24:20

Juda danab ah, laa Jerusalemnu, laa Juda wanppa laih laihnu amu, ag ele anam heegeg, Yawe Nug ahilagnu oo nauhom amunu, Yawe Nug danab ah amu Nug noobppanu lamatte, ag ahilag wan uun, wan laappa uma gona, appa ag diia ukka laih me dayak danab ah daappig. Aria, Sedekaia nug Juda dilag king dayaya, nug Babilon dilag king waappa daakkunu uua, nug nuhig nai tappe neum.

Job 1:12

Satan nug anam a, Yawe nug amegppa eɗua aum. “Aakku, na Job ma anttak medakkutnu elele. Keeke nuhikkud oh amu, na amuppa aɗi hekkutnu na eppenppa daatte, amge na Job, nuhigppanab na keeke laa aibnab heme!” awa aum. Yawe Nug anam a, Satan nug aha ukkom.

Job 2:7

Yawe Nug anam aum amunu, Satan nug Yawe toppanu aha ukkom. Nug aha ukka, nug he, Job ihi naud, guittak okkainab ele beɗu ohppa beppig. Nug ikki mugippanu noa ukka, baekuɗ oo batak ihi naud amu beppig.

Job 20:17

Nug en okkai aokku, amge nug amuppa gamag ahak nakok laa ii aoma. Ao, nug keeke ena ena kuɗum aokku, amge amuppanu gamag ahak nakok laa ii aoma. Iitta.

Sam 5:11

Amge na heppe, aun aɗi oh ag padal mak eɗitteb ena dayaknu ehanittak nahip-ppanu aotteb amu, ag oo gamag ahak dooglagnu unuqidttem. Ao, na heppe, ag gamag ahak ahi hanhan ettaglagnu ool daatte. Ge, na laa ag nahipnu oo mauhak doonna oitteb ele ehanadppe, ag padal ii memana, ag nahipnu gamag ahak naɗi dooglagnu oɗ medattem.

Sam 68:2

O Kayak, ulah kahug iwale gotte bia, na ag lamadppe gokkulagnu ool daatte. Yo, nau hak danab ag uppuh biig aab gakkaɗakppa gakkaɗa, le mette bia, Kayak Nug heeb, ag nauhkkulagnu ool daatte.

Eksodas 20:18

Amu haen danab ah ag hakkaɗ qeeqe, trampet ele heehe doonna, ag amemɗi awa ukka uɗieye, qaukoppa kahug naɗi ahe dayom ele anidna amu, ag eheɗ baɗan, beɗulag hahaɗeɗe, ag eɗun bittumttum gona, nakok uma daanna,

Jeremaia 23:39

amunu, da ahilagnu genab daul atieb, da danab men buɗie gotte, amubia da heppi, ag da ele laippu ii daamta; amu da aab Jerusalem, da aab okkai amu ag mamelkad aɗi mattami amu, da heppi, ag amuppa ele ii daamna.

Jeremaia 52:3

Nug amu he, Juda danab ah, laa Jerusalemnu, laa Juda wanppa laih laihnu amu, ag ele anam heegeg, Yawe Nug ahilagnu oo nauhom amunu, Yawe Nug danab ah amu Nug noobppanu lamatte, ag ahilag wan uun, wan laappa uma gona, appa ag diia ukka laih me dayak danab ah daappig. Aria, Sedekaia nug Juda dilag king dayaya, nug Babilon dilag king waappa daakkunu uua, nug nuhig nai tappe neum.

Jona 1:3

Yawe Nug anam aum, amge Jona nug Yawe aum amu uua, aha oola, Tarsis aab okkaippa gokkunu ukkom. Nug aha gokkunu ukka, Jopa aabppa noa, nug uub laa Tarsis gokkunu heehe mattia antta, daden ma, uub attan ta ukkom. Nug Yawe uuitta, oola gokkunu dabmeum.

Matyu 18:20

Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.

Luk 13:26

Nug anam ab amu, ag nug amegppa akkulag. ‘Ig amu na ele ee, le ele lamut. Na ig ippunigppa daanna, ippunittak nai ele ame,’ aon akkulag.

Jon 1:10

Ao, Kristus, onig laa Nai Kayak Ippunigtte, Nug wanppa dayom; wan imu amu Nug he beum, amge wanppan danab ah ag Nug ii dooppig.

Jon 1:3

Kayak Nug keeke oh Nai Kayak Ippunigtte eppegppa me, Nug keeke oh haattom. Keeke laa ib laappa ii beum.

1 Tesalonaika 1:9

Aɗinu? Danab aabaab ohppanu ag Tesalonaika, ahilagnu ag mattin, ag Tesalonaika danab ag ig ena atognoigppignu, ag Kayak Bauklel dim lamidkkulagnu kayak hambuppuak dottolkad aakku uuadppignu, ag eɗun Kayak Bauklel, genab ele waappa daan nuhig uɗat hekkulagnu,