Genesis 4:12 - Nobonob Baibel

¹² Aria, haen na dad uɗat hekkut amu, keeke oh ena ii bemana. Laa ele, na aben laippuppaib ii daamna. Na qati qati oikkut,” awa aum.

Genesis 4:12 ပူးပေါင်းရင်းမြစ်များ

Genesis 4:13

Yawe Nug anam a amu, Kain nug Yawe amegppa aum. “Bu mettak na gemu meɗattem am okkainab, da bu amu maokkulnu elele iitta.

Genesis 4:14

Gemu na da wan imuppanu, na noompanu lamiɗttem amunu, da haen oh aben laippuppaib ii daapa; qati qati oikkul. Danab laa da aniɗa, nug duul ob mauhkkul,” awa aum.

Sam 109:10

Na heppe, nid naunau nuhikkud ag mauhnoak oinna, laa keekenu unuqadnana oiglagnu oɗ medattem. Na heppe, kekeɗ ag ahilkad lag heppeg nauhppeg, ag ag lamadppeg, ag umanab wana oinna daaglagnu unuqidttem.

Prowerb 28:17

Danab nug laa qe mauhtte amu, nug moɗppa nokkunu oola gotte; auntai laa nug nuhig haknu nob aomanu aib ehanittom.

Hosea 9:17

Israel danab ah ag Kayak dahil oɗe dim ii lamidppig amunu, geha Nug ag geɗadkku. Ag am geha qati qati oiyak danab ah bena, ag appalag diig iitta, wanppan wan laalappa anam daaglag.

Joel 1:10

Dad okkai oh am nauhppig, wan qaɗaiettom; danab daalo am mahilo. Aɗinu? Keeke ee aeg otteb am padal meeg, muɗi grep ele qaɗaiettom. Olip ad, nuhig goɗen iitta meum.

Lewitikas 26:17

Da ag dimadappi, ahilag kekeɗ ag eɗadkkulag. Geha laa ag Israel, ag ahilagnu nau ninig ele dootteb amu, ag ag gumadppeg, laa nug ag ii lamadkku, me ag qaiettan oolkkulag.

Lewitikas 26:20

Ahilag uɗat oh am hamu; ahilag wan heeb, ee meu ii oma, ad ele meu ii oma.

Lewitikas 26:36

Am aun aɗi ag ii mauhkkulag, ag bau daan, ag gona ahilkad kekeɗ dilag wanppa daaglag amu, da heppi, ag baɗak okkai dooglag. Ag am appa daappeg, ulah ad uɗug duttunebeb, oqotti obob dooglag bia doon, ag oolna gokkulag. Ag am ban danab laa, ag qep elabppa lamatte oolna goppig bia oolkkulag. Auntai laa ag ii lamadkku, me ag oolna gona, nena qekkulag.

Rom 8:20

Gemu keeke oh eheɗ daanna nauhtteb. Keeke amu ag akka ahilag dabmak dim lamidna anam ii daatteb. Iitta. Kayak Nug nukka nuhig dabmaknab awak dim lamitta, hippalattom daatteb. Amge ag gog taknu keeke ena, Kayak madakkunu aum amu, ag amu aoglagnu dabmak aɗan daatteb.

Duteronomi 28:15

Moses anam ana amu, nug nai tuɗitta mattiom. ⌊Amu ag Yawe, ag Nug dim lamidppeg amu, Nug ag ena itadkku,⌋ amge Yawe, ahilag Kayak, ag Nug oɗe doyaknu uuna, ag haknunab anak nai, amu ɗo nuhig ele gemu da ag madattem imu, ag amu dimettaglag amu, eheɗ laa awaknu anak waappa dayaknu nai imu oh ahilagppa uɗikku.