Genesis 4:10 - Nobonob Baibel

¹⁰ Nug anam awa a amu, Yawe Nug aum. “Na kobol aɗi heme? Doye! Na amap Abel nug tiig wanppa ne, amu baag da daulppa danab baag bia doottem

Genesis 4:10 ပူးပေါင်းရင်းမြစ်များ

Genesis 18:20

Yawe Nug anam ana amu, Nug ⌊Abraham amegppa⌋ aum. “Da Sodom, Gomora danab ah ele ag hipunin naunab, huanak hetteb, da amu daulppa doomi

Genesis 3:13

Awa a amu, Yawe Kayak Nug ah oɗ mettom. “Aɗinunab na anam heme?” awa oɗ mettom. Oɗ mette amu, ah nug eɗua amegppa aum. “Iitta! Mat nug da hambuppuiɗe, ad meu imu lami,” awa aum.

Genesis 9:5

Doɗ oh ag eppelagppa daatteb, ag aqaglagnu elele, amge ag danab tiig gokkaɗkkulagnu am aibnab daatte. Danab nug danab laa heeb mauhkkunu elele iittanab. Doɗ nug ele danab qeeb mauhkkunu elele iittanab. Danab, o doɗ anam heeb amu, da elele medakkul.

2 King 9:26

‘Da, Yawe, da tumai keeke na heme amu, da anidmi. Danab ag na oot niiom dim lamidna, ag Nabot, bekkod ele aqaeg mauheg da anadmi. Amunu da, Yawe, da nai genab attem. Eheɗ hak nau nahip amu, da geha Nabotnu wan na yab aome, da wan amuppa da hak nau amunu nob eɗue medakkul,’ awa aum.” Jehu Nug anam awowa, nug tuɗitta, Bitkar amegppa aum. “Amu Yawe Nug nai aum bia amu, na Joram gaɗa amu aon buɗippe, Nabotnu wanppa ukkaɗ!” awa aum.

2 Stori 28:9

Israel dilag daup ag amu heppig, amge Yawenu propet danab onig Odet, nug Samaria appa dayom. Nug appa daya, nug aha, Israel dilag daup uɗalag tekkunu wana, ag uɗalag teum. Nug ag uɗalag ta, nug ag amelagppa aum. “Yawe, ag mamelkad aɗi dilag Kayak, Nug Juda dilagnu oo nauhom amunu, Nug he, ag Israel dilag daup ag ag eɗatteg, eppelagppa daappig. Ag ag eppelagppa daappig, amge ag Israel ag oo doyak iinab doonna, ag oppoɗi bak nau, Kayak Nug amunu nob nau madakkunu daatte amu, ag oppoɗi bak amu doon, ag huanak aqaeg mauhppig.

Job 16:18

Amu da mauhppi, da wan da tiil tonamanu ool daatte. Ao, da mauhppi, da eheɗ laa ii hemi, amge da eheɗ hemi bia mauhmi, da nai amu miagib hanhan daakkunu ool daatte.

Job 24:12

Aab okkaippa laa mauhkkulagnu henana, ag aiqakkanna daatteb, ⌊amge auntai ehanadte? Laa iitta⌋. Ao, laa lailkad guittak okkai mattaeg, guittak aoppig ele, ag laa ehanadkkunu enan daatteb, ⌊amge auntai ehanadte? Laa iitta⌋. Nau amu oh daatteb, amge Kayak Nug laa amu hetteb ele naippa ii yaaladtte.

Sam 50:21

Na amu oh heehe, da Kayak, da na bu ii mettami. Ao, da na bu ii nittami amunu, dahil hak amuppanu na da eletai kobol nau amubia hettem dabmeme. Amge da anam ii hettem. Da na daut baten, hettoɗiakppa meidkkul.

Sam 72:14

Nug ag ehanatteb, ag laa ag ɠagattag ele, ag ag eppelagppa ii daamna; laa ag guittak nau mauhnoak ii mattamna. Aɗinu? Nug ahilagnu, “Dahiladnab,” dootte.

Sam 9:13

O Yawe, na dahilnu oot gai-iitta doon oot meɗan ehaniɗkkutnu oɗ medattem. Ao, na da laa ag dahilnu nau ninig ele dootteb, na da ag eppelagppa daaiyi, ag eheɗ heiɗtteb anidkkutnu oɗ medattem. Ge, na da mauhakppan eɗun awiɗkkutnu unuqidttem.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Namba 35:33

Doyaya laa hamu qe mauhak am wan dubuttid mettak amunu, ag wan ag daatteb, ag amuppa aib heppeg, dubuttid ele dayom! Wan dubuttid mettak dayeb, eɗua heeb ena daakkunu amu, qe mauhak danab amu, ag qeppeg mauhkku. Amu bekkunu, am ib laa iitta.

Aposel 5:3

Nug anam a amu Pita nug aum. “Ananias, aɗinu Satan na ootppa ambe, na Kayak Ouɗi amegppa hambuppuak nai mattinna, ‘Da wan mei, laa nug daden me, men doɗo aomi amu oh iikku,’ ame, amge na laih nahip daakkunu piɗe mee dayeye, laihib aon uɗime?

Aposel 5:9

Ah nug anam a, Pita nug amegppa aum. “Amu aɗinu aa oh nai laippu mattiya, aa Naɗinu Ouɗi ma anttak mettaglahnu hepiɗ? Doye! Danab ag na gamut boumona, geha iikku eɗun doppig, ag odppa hippaidppig daatteb, geha ag na ele boumidkkulagnu mawidkkulag,” awa aum.

Duteronomi 21:1

Amu wan Yawe, ahilag Kayak, Nug ag aoglagnu madatte amu, amuppa laa nug danab laa duug o, gaɗa am piɗe, danab ii daappigppa, dad okkai laappa keeke, amuppa niieb anidna, aun heum ii dooglag dayeb amu, ag inam iikku hekkulagoitte.

Hibru 11:4

Abel nug Kayaknu ooppa genab doyom amunu, nug mana mettak, Kain eɗittak, mana mettak enanag heum, amu Kayak nuhig mana mettaknu amu enanag antta nuhignu, “Genab tutukku hak danab,” awa aum. Abel nug am anukka mauhom, amge nuhig ooppa genab doyak am ig aɗi hekkunignu gemu ele ig ippunigtte.

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

Jems 5:4

Antteg! Uɗat nid ag ahilag uɗat heppig, me ag enub danab ag uɗat nid amu buppualadnana, uɗat heppignu daden nob ii madappig amu, men doɗo amu eɗua danab baag bia, “Ag eheɗ heppig,” awa maditte. Uɗat nid amu dilag ewak, nai amuam Naɗi Ɠagattag Oh Ele, Nug daugppa noum daatte.

Josua 7:19

Anam beum amu, Josua nug Aakan amegppa aum, “O bekkal, na Yawe, Israel dilag Kayak, na Nug binag amahlak oppiaawak ele mette! Na hipunin nahip miag mena, na da amelppa aɗi eheɗ heme amu, na amunu a! Aib da noolppa lokkumkkut heme,” awa aum.

1 Samuel 13:11

Amge Samuel nug Saul amegppa oɗ metta aum. “Na aɗi heme?” awa aum. Nug anam ana oɗ mette amu Saul nug oɗeppa awa aum. “Iitta! Da dahilad danab ag ahan, uuiɗna ukkaegeg antten, na ele haen uɗikkutnu ame amu, na haen amuppa ii uɗime anttena, Pilistia danab ele ag Mikmas appa qagmeegeg anidmi