Genesis 39:4 - Nobonob Baibel

⁴ nug nuhignu ena doya, nug he, Josep nug nuhig maɗi nidnab dayom. Josep anam dayeye, Potipar nug nug laug, nuhikkud keeke laa oh ele Josep gumakkunu eppegppa meum.

Genesis 39:4 ပူးပေါင်းရင်းမြစ်များ

Genesis 15:2

Yawe Nug anam aum, amge Abram nug aum. “O Naɗi Yawe, da enul oh am attem da ehaniɗkku. Aɗinu? Da nid iitta. Da nid iitta amunu, Damaskus danab laa, Elieser, nug da enul oh aokku.

Genesis 18:3

Anam ha amu, nug ⌊amu oolagppa laa amegppa⌋ aum. “O danab naɗi, na oot dahilnu ena daatte dayeb amu, na da, maɗi nid nahip, na da eɗilna aib gome.

Genesis 19:19

Na da, maɗi nid nahip, na dahilnu ii helom bia me, na ehaniɗme. Na dahilnu oot bodoetta auta awe ehaniɗme, da ii mauhmi. Aakku, amge da doottem, aab imunu padal mak am paha bekku amunu, da qaukoppa gokkulnu am haen elele iitta. Da mauhkkul.

Genesis 24:2

Kaino ma, nug nuhig maɗi nid okkai nug Abrahamnu keeke oh gumadttom ele amu, nug nug amegppa aum. “⌊Na ihinig kobol nai ɠagattag qa anaknu, na kobol amu dim lamidna⌋ na eppen da tuɗil waappa mena,

Genesis 32:5

Gemu amu, da doɗ kuɗum ele; makau, donki, sipsip, meeme ele, amu da maɗi nid maɗi ah ele. Na nai imu maɗi nid dahilad oɗelagppa mei gotte amunu, na dahil naɗi, na doona, na oot dahilnu ena daakkunu ool daatte,’ ” awa aum.

Genesis 33:10

Awa a amu, Jakop nug aum. “Iitta. Na oot dahilnu ena daatte dayeb amu, keeke da mettami am diikkutnu ool naɗi daatte. Aɗinu? Da Kayak iɗu anidlom amu, da ool okkai gamag ahalo. Amu na ena humiɗme amunu, da na iɗun anidttem, am da Kayak anidlom bia doottem.

Genesis 33:8

Anam heeg, Esau nug aum. “Da doɗ ameg laala ibppa anadmi amu, aɗinu?” awa aum. A amu, Jakop oɗeppa awa aum. “O naɗi dahil, na oot dahilnu ena daakkunu mei, aon goppig,” awa aum.

Genesis 39:8

Nug anam aum, amge Josep nug uua, eɗua amegppa aum. “Dahil danab okkai nug laugnu keeke laa ii dabmette; nuhig keeke oh nug da eppelppa da gumakkulnu meum.

1 King 16:9

Amge Ela, nug nuhig ban dilag okkai laa onig Simri, nug Ela kekeɗ metta, qeeb mauhkkunu ib madittom. Simri nug nuhig uɗat am kingnu bannu karis ameg laa, nug amu gumadttom. Deɗ laa king nug Tirsa appa, danab laa, nug kingnu lag enanagnabnu gumak danab onig Arsa, nug nug laugppa ukka, nug le lawowa, digma spak meum.

Esta 2:9

Hegai nug Estanu dayak, oiyak keeke antta, nug Estanu ena doya, oo bodoettak kobolppa nug ehanittatta, nug dabmetta auta awom. Nug he, ag pahanab nuhignu ee enanag, nuhig anttak enanag daakkunu keeke babaittona medappig. Nug ah eblaih aɗit ele kingnu lag enanagnabppanu otiatta he, ag nug ehanidkkulagnu daaegeg, nug he, nug am nuhig ehanittak ah ele ag aben enanag, aben laa oh king wauud daattebppa eɗattak, ag amuppa noppig.

Prowerb 14:35

King nug maɗi nid nuhig laa, nug doyak dabmak ena ele, nug nuhignu oo enanagnab dootte; amge nug maɗi nid laa, nug uɗa nak keeke laa hette amu, nug nuhignu oppoɗi bette.

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Prowerb 17:2

Maɗi nid laa doyak dabmak ena ele nug nuhig okkai bekka laa, kobol uɗa nak nau guittak ele hette amu, maɗi nid nug nid amunu gumak daakku; amu maɗi nid doyak dabmak ena ele, nuhig okkai nug bekkod nug aug madatta, nug nid amu ele laa medakku.

Prowerb 22:29

Danab nug nuhig uɗat hak doya autanab awom daatte, nug king toppa dayaya uɗat hekku; nug danab hamunu uɗat ii hema.

Prowerb 27:18

Aun laa nug ad fig dabmetta atognotte, nug ad fig meu lakku; aun nug nuhig okkai dabmedatte, nug binag aokku.

Prowerb 3:4

Na anam hekkut dayeb, na Kayaknu neekkakppa, danab ah dilag neekkakppa ele, na danab diignu doyak tutukku ele daakkut.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Rut 2:6

A amu, uɗat gumak danab nug aum. “Nug am Moap ah. Nug Naomi ele, aa Moap wanppanu uɗipiɗ.

1 Samuel 16:22

Am Dawit nug keeke anam heehe amu, Saul nug Jesi toppa nai me ukke aum. “Da Dawitnu oolppa ena doottem amunu, nug da ele ippa daaɗa, da ehaniɗkkunu oɗ medattem,” awa aum.

1 Samuel 2:26

Eli bekoɗ aa anam hepiɗ, amge nid danab Samuel nug ena maama, Yawe noobppa, amu danab noolagppa ele nug ena oiya, am tuɗitta he, enaib dooppig.