Genesis 39:3 - Nobonob Baibel

³ Potipar nug Yawe Josep ele daapiɗ, nug amu anttowa, nug Josep aɗi heum am enaib beeg ele anttowa amu,

Genesis 39:3 ပူးပေါင်းရင်းမြစ်များ

Genesis 21:20

Aria, Kayak Nug nid amu ele daayya, nug ena ma, atu taɗak amuppa dayaya, nug danab lat doɗo ewa doya auta autanab awak ele oiyom.

Genesis 21:22

Haen amuppa Abimelek, amu nuhig ban daup ikki anuqak onig Pikol ele, aa Kayak Nug Abraham ele daapiɗ anidya, aa Abraham gumidya goya, Abimelek nug Abraham amegppa aum. “Na keeke oh hettem amu, Kayak Nug na eleib daattep

Genesis 21:23

amunu, na ippa Kayak noobppa, da amelppa na dahilppa, da bekkaladppa, amu da buɗuladppa ele hambuppuak kobol laa ii dim lamidna, aria na da, wan imu, na gemu laihnu danab ippa ina daattem amu, na da, wan imu eleppa oo bodoettak kobol, da nahip-ppa hemi, na kobol amu dim lamidna oikkutnu nahip nai ɠagattag qena, anam akkutnu oɗ medattem.” Abimelek nug Abraham amu akkunu oɗ mettom.

Genesis 26:24

tuqan amuppa Yawe Nug Aisak gumitta na, amegppa aum. “Da am na mamen Abrahamnu Kayak. Da na ele daattep amunu, na aib baɗame. Da Abraham, nug am maɗi nid dahil amu, da nuhignu dabmak anuqak aottem amunu, da na itidkkul. Da heppi, na buɗunad ag kuɗum bekkulag,” awa aum.

Genesis 26:28

Nug anam a amu, Abimelek aɗi ag appig. “Iitta. Ig Yawe na ele daattep miagib anidmut amunu, ig na ele nug tituanta nai qakkak laa ig oh dim lamidkkunignu nai ɠagattag qeta akkunig am ena dabmemut. Anam amunu ig na ele tituanak inam hekkunignu oonig daatte.

Genesis 30:27

Jakop anam a amu, Laban nug oɗeppa awa aum. “Na oot dahilnu ena daatte dayeb amu, na gokkutnu aib heme. Na da ele ippa daagnih. Aɗinu? Da dahil emanppa Yawe Nug nappa da itiɗom anidmi.

Genesis 30:30

Na amu doottemnu diig am, anukka na enun kuɗum iitta, amge dahil uɗat ohppa Yawe Nug ititte, na gemu enun kuɗum ele daattem. Anam aakku, amge gemu dahilnu am attemun? Da ganeb dahilad dilagnu keeke digmein aokkul?” awa aum.

Genesis 39:2

Josep nug appa uɗat heehe, Yawe Nug Josep aɗi heum amu ehanitte, keeke oh ena be, nug Isip ted Potipar laugppa dayom.

Genesis 39:21

haen amu ele Yawe nug Josep ele daapiɗ. Nug nug ele daayya, Yawe Nug Josepnu oo bodoettak kobol nuhig dim lamitta he, maniguittak gumak ikki danab nug Josepnu ena doya, dabmettom.

Genesis 39:23

Yawe Nug Josep aɗi keeke anen anen heum ele amu ehanittette, keeke anen anen elelenab beum amunu, maniguittak gumak ikki danab nug uɗat laala Josep eppegppa meum ele, nug amunu dab-ii-mettom.

2 King 18:7

Amunu Hesekaia nug Yawe ele daayya, Yawe ehanitte, nug keeke heum am oh enaib beum. Hesekaia nug Asiria dilag kingnu nai tappe ne, nug nug waappa dayaya nug oɗe dim lamidkkunu uuom.

1 Stori 22:13

Na Yawenu ɗo iɗu iɗu, Nug Moses ig Israel ig dim lamidkkunignu mettom ele, na nai amu oh pehettak, elele dim lamidkkut dayeb amu, na ena daakkut. Na ɠagattag, ootppa ɠagattag qettak ele doon oiye! Na aib baɗame; na dabmak qe nak ele aib doome.

1 Stori 9:20

Anukkanab, Eleasar bekka Pinias nug od gumak danab okkai dayom. Nug daye, Yawe Nug ele daapiɗ.

2 Stori 1:1

Amu Dawit bekka Solomon nug king ba daya, nug laa nug king abenabppanu lamidmanu ha, ɠagattag okkai awa, nug aakku king ɠagattag dayom. Aɗinu? Yawe, Solomonnu Kayak, Nug Solomon ele daayya he, Solomon nug onig okkai, ɠagattag okkai ele dayom.

2 Stori 26:5

Sekaraia nug Usianu ehanittak danab laa. Nug Usia ebehi oh Yawenu bodoetta le mekkunu ippunittom amunu, Sekaraia bau dayom, haen amu oh Usia nug Yawe antta dim lamidkkunu Nug mattiom. Amu nug Yawe antta dim lamidkkunu Nug mattiom, haen amu oh Kayak Nug he, Usia nug aɗi heum am ena beum.

Nehemaia 2:20

Ag anam appig, amge da ag amelagppa ami. “Kayak hab attan daatte, Nug ehanigkku. Nug ehanikkeb, ig uɗat imu malagnig. Ig am nuhikkud maɗi nid, amu ig uɗat imu digmeta hekkunig, amge ag, ag appalag diig am Jerusalem iitta. Laa amu, ag, o ag mamelkad, o ag dokkialkad, o ag memetalkad anukkanu ele ag ippa ii daappig amunu, imuam ahilag keeke iitta,” awe ami.

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Sekaraia 8:23

Amu Yawe Nukka Ɠagattag Oh Ele Nug atte. “Haen amuppa amu, wanppan wan ohppanu, nailag ohppanu ele danab eblaih tanig ele ag ahan, Juda danab laippunu lamen elab daug koitak ele aɗan, ag akkulag. Kayak Nug ag ele daatteb doomut amunu, ig na ele daagnignu oɗ medattem. Ag anam akkulag.” Yawe Nug anam atte.

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

1 Korint 16:2

Mettid ohppa ag oh anen anen Mettid deɗppa ag men doɗo mettid ukkomppa aoppig amu dabmettanna, ag laih otin laulagppa meppeg dayebeb, geha dimppa da gumatte goppi, ag men doɗo mattaglagnu mattiaknute henana, hik ii aqama.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.

1 Samuel 18:14

Am Dawit nug nuhikkud ban danab ameg ele, ag kekeɗ ele ban heegeg, Yawe Nug Dawit ele daapiɗ amunu, keeke oh Dawit heum amu, keeke amu enaib ukkom.

1 Samuel 18:28

Dawit nug amu he, Saul aakku Yawe Nug Dawit ehanittom doyaya, nug aɗeg, Mikal, nug Dawitnu oo mauhom ele doya,

1 Samuel 3:19

Aria, Yawe Nug Samuel, nuhigppa dayeye, Samuel nug okkai meeme, Yawe he, Samuel nug aɗi aum amu, nai amuam genab meu oum. Nai amu hamu laa ii qettoɗom.