Genesis 39:21 - Nobonob Baibel

²¹ haen amu ele Yawe nug Josep ele daapiɗ. Nug nug ele daayya, Yawe Nug Josepnu oo bodoettak kobol nuhig dim lamitta he, maniguittak gumak ikki danab nug Josepnu ena doya, dabmettom.

Genesis 39:21 ပူးပေါင်းရင်းမြစ်များ

Genesis 21:22

Haen amuppa Abimelek, amu nuhig ban daup ikki anuqak onig Pikol ele, aa Kayak Nug Abraham ele daapiɗ anidya, aa Abraham gumidya goya, Abimelek nug Abraham amegppa aum. “Na keeke oh hettem amu, Kayak Nug na eleib daattep

Genesis 39:2

Josep nug appa uɗat heehe, Yawe Nug Josep aɗi heum amu ehanitte, keeke oh ena be, nug Isip ted Potipar laugppa dayom.

Genesis 39:3

Potipar nug Yawe Josep ele daapiɗ, nug amu anttowa, nug Josep aɗi heum am enaib beeg ele anttowa amu,

Genesis 39:4

nug nuhignu ena doya, nug he, Josep nug nuhig maɗi nidnab dayom. Josep anam dayeye, Potipar nug nug laug, nuhikkud keeke laa oh ele Josep gumakkunu eppegppa meum.

Genesis 40:3

nug maniguittak Josep dayomppa maatom. Maniguittak amuam Potipar, nug danab laa Paro gumappig dilag okkai amu, am nug laugppa dayom.

Sam 105:19

Nug anam aakku dayeye ukke, keeke nug amunu mattiom ele am meu oum. Ao, nug anam dayeye ukke, Yawe keeke aɗi bekkunu ippunitta aum amu, keeke amu aakku genab be, king nug doyom, nug am danab genab.

Sam 106:46

Nug he, laa ag ag aɗualatteg, ag eppelagppa daappig amu, ag ahilagnu oolag gai-iitta doon, oolag mattan, ehanadppig.

Eksodas 11:3

Aria, Yawe aum bia Israel anam heppig haenppa amu, Yawe Nug he, Isip danab ah ag Israel dilagnu, ag maɗi nid maɗi ah ele bia ii anadppig. Iitta! Ag danab ah ena anadppig, amu Paronu ehanittak anuqak danab ele, ag Mosesnu, nug am danab okkainab ele dooppig ⌊amunu, ag keekenu appig amu, ag hagakka ii aoppig. Iitta ag appig bia madappig⌋.

Eksodas 12:36

Am Yawe Nug he, Isip danab ag Israel dilagnu ena anadppig, amu Isip ag Israel aɗi keeke aoglagnu oolag daye appig amu, ag madappig. Israel ag kobol anam heppig amunu, amuppa ag Isip danab ah dilag keeke amu ohbia aɗadppig.

Eksodas 3:21

Amu da geha heppi, Isip danab ah ag, ag Israel ahilagnu ag ii helob bia me, ag ehanadkkulag amunu, haen ag Isip uun gokkulag, ag hamu iinab gomana.

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Daniel 1:9

Amu Kayak Nug matu he, danab okkai amu nug Danielnu oo ena daye, nug Danielnu oo ele doyom,

Daniel 6:22

Dahil Kayak Nug da eheɗ laa Nug noobppa ii hemi aniɗa, O king, da nahipnu ele eheɗ laa ii hemi ele anttom amunu, Nug he, nuhig engel laa uɗia he, laion ag oɗelag aahekkulagnu elele iitta daan, ag da laiɗkkulagnu elele iitta. Ag da guittak laa ii meɗappig,” awa aum.

Rom 8:37

Amge keeke amu oh ig eɗigkkulagnu am elele iitta. Iitta. Kristus Nug haen oh ihinignu oo mauhtte amunu, ig kobol nau amu oh eɗadta autta aotta aottem.

1 Pita 3:17

Amu Kayak Nug ig kobol ena hettemnu uug maognignu dabmaknab aotte dayeb am ena, amge ig kobol nau hettemnu uug maottem daakku dayeb amu, amuam kobol ena iitta.