Genesis 39:10 - Nobonob Baibel

¹⁰ Nug attom, amge Josep nug nai nuhig ii dim lamitta, nug piɗe daattom.

Genesis 39:10 ပူးပေါင်းရင်းမြစ်များ

Genesis 39:11

Josep hanhan anam hettom, amge deɗ laa nug uɗat nuhig hekkunu lag ooppa no, maɗi nid laa lakka uɗat heppig ele amu, laa appa ii dayom

Genesis 39:8

Nug anam aum, amge Josep nug uua, eɗua amegppa aum. “Dahil danab okkai nug laugnu keeke laa ii dabmette; nuhig keeke oh nug da eppelppa da gumakkulnu meum.

Genesis 39:9

Nug laugppa amu, danab laa da ii eɗiltte. Dahil okkai nug nuhig keeke oh da eppelppa meum. Keeke laippuib nug da eppelppa ii meum amu, am naib. Aɗinu? Na am nug wau amunu, attemun da hipunin imu Kayak nuhigppa hekkul?” awa aum. Josep nug anam aum, amge ah nug hanhan Josep amegppa niiglahnu attom.

Prowerb 1:15

Amu genab, ag anam aakku na amenppa akkulagtai, amge da bekkal, na aib ag ouaqame. Ao, na aibnab ib ag gokkulag ele mattan gome.

Prowerb 2:16

Doyak dabmak ena ele am ehanitteb, na ah ewau pakkua gappai hette amu, na nug ele kobol nau amu ii hemaya. Ao, doyak dabmak ena ele am ehanitteb, na danab laa wau nug hambuppua, na ele niiglahnu nai ittag, ubuhi ele amenppa madikku amu, na nuhig nai dim lamidna, kobol eheɗ amu ii hemana.

Prowerb 22:14

Ah gamu uuitta danab laa ele oittep amu, nuhig nai am moɗ laa umanab noa ukkak bia; aun nug heeb, Yawe oppoɗi beeb, nug amuppa nokku.

Prowerb 23:27

Aɗinu? Ib baag ah am moɗ laa umanab noa ukkak bia daatte. Ao, ah ewau pakkua gappai hette, nug am le moɗ laa hogogdoak, amubia.

Prowerb 23:28

Am ah amu ag yab danab nug laa meidna daatte bia hetteb; ag ahilag hak nauppa heeg, danab kuɗum ag waalkad uuadna, gappai hetteb.

Prowerb 5:3

Aɗinu? Am ah ewau pakkua gappai hette amu, nug nuhig nai mattiak am ee ubuhinab ele, lanaknu enanag bia daatte; amuppa nug danab hambuppuidtte. Ao, ah amunu nai am goɗen enanag, amubia daatte; amuppa nug danab eeɗtte.

Prowerb 5:8

O bekkalad, ag ahilag ɠagattag laa mattamnanu, ag laa nug laa guittak mettaknu uug ii dootte ele waappa daamnanu, ag ahilag en, ag en amu laa ag ii doyadtteb ele eppelagppa hamu mattamnanu, ag uɗat huanak henan en aona, ag en amu danab laa laulagppa memananu, ag ah ewau pakkua gappai hettenu ib oɗeppanu awaidna dayeg! Ao, ag aib nug laug od gukkuidna wappig.

Prowerb 7:13

Nug anam aakku hette, amge tueb laa da laulnu gililppa ulah ibuppa ukken, neekki ukke anidmi amu, ah amu nug nid bau doyak dabmak ena ele iitta antta, nug nugatoppa ukka aɗa, ootuqittatta, uɗa nak iitta ele amegppa aum.

Prowerb 7:5

Doyak dabmak ena ele, amu diignu doyak tutukku ele aa hepeɗ, na ah ewau pakkua gappai hette ele ii oimya; na ah nug gamu uuitta, eheɗ oiyaya, nug na ele niiglahnu nai ittag ele maditte amu, na nug ele ii oimya.

Prowerb 9:14

Nug nug laug od oɗeppa heɗep na daatte. O nug aab okkai ooppa qauko attannab igippa, appa dayak balal daatte, nug appa ana daatte.

Prowerb 9:16

laa amu ag epeɗia ha dabmak ena awak kobol ii dootte ele, nug ag amelagppa ⌊hambuppua,⌋ atte. “Ag laa doyak ii awak ele, ag uɗin, dahil nai doyeg!

1 Korint 15:33

Hambuppualadmananude dabmeig! Danab nau ag anam maditteb ele amu, ig ag ele oignig amu, geha ag ihinig dabmak heppeg kabolieb, ag oitteb bia oignig.

1 Korint 6:18

Ag gappai kobol uun qe-eɗidna oolna ukkeg! Aɗinu? Ag “Hipunin aɗitai danab hette, amuam beɗu dimittimnu keeke,” atteb, amge iitta! Laa gappai hette ele amu, hipunin amuam nug beɗu uug medatte.

1 Tesalonaika 5:22

Keeke eheɗ oh, ag dimatteg!

1 Timoti 5:14

Amunu ah bau qak mak dilag ulum mettak nai dahil am ah bau anam amu, ag danab bau aona, nid menunna, ag laulag atognokkulagnu ɗo mettem. Ag anam heppeg amu kekeɗ laa ag ihinignu nai nau mattiglagnu ib laa ii anidmana.

2 Timoti 2:22

Amu nid bau dilag dabmak eheɗ nahip dabmakppa beeb amu, na tabappe naɗ! Na kobol genab tutukku, ooppa genab doyak kobol, oo mauhak kobol, amu maɗoɗ kobol ele, laala ag oolag tutukku ele, ag kobol nau uun, kobol ena amu oh aɗan, Naɗi onigppa etteb ele amu, na ag hetteb amubia he!

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.