Genesis 38:23 - Nobonob Baibel

²³ Nug anam a amu, Juda nug aum. “Uue! Appan danab ag imitmananu, nug keeke mettak, nug aɗakku. Da meeme nag nug mettalom, amge na nug ii anidme,” awa aum.

Genesis 38:23 ပူးပေါင်းရင်းမြစ်များ

Genesis 38:22

Ag anam aeg, nug eɗua ukka, Juda amegppa aum. “Da ah amu ii anidmi. Appan danab ag ele, ‘Ippa ah anam laa ii dayom, gemu ele ii daatte,’ appig,” awa aum.

Genesis 38:24

Aria, kalam ewam keeke dimppa, danab laa nug Juda amegppa aum. “Na ahipan Tamar nug ib baag ah hette bia danab laa ele oiyya, oo noum,” awa aum. Awa a, Juda nug aum. “Ag aon dona, dimittim aab aɗuppa manappeg mauhaɗ!” awa aum.

2 Samuel 12:9

Amunu aɗinu na da Yawe, na dahil nainu ena iinab doon, eheɗ nau amu heme? Na hee, kekeɗ ag Hit danab Uraia qep elabppa qeeg mauhom. Ao, ag nug qeeg mauhe, na nug wau, nahip ah daakkunu aome. Ge, na hee, Amon danab ag qep elabppa Uraia qeeg mauhom.

Prowerb 6:33

Danab laa nug danab laa wau ele niiglah dayeb amu, ah amu gamu nug ahnu, dahilib doya laa aomanu doyak aɗa daakku. Nug anam daya, nug danab heum amunu oppoɗi beeb, ameg kokoɗ ebakku. Anam aakku amunu, ah gamu nug danab nug wau ele niipiɗ, nug nob mettakppa nuhignu oo gai-iitta doya oo metta ehanidkkunu iinab dabmema amunu, danab nug danab laa wau ele niittep, nug guittak naunab awa doyaya, uɗa nak nau guittak ele awa dookku. Nug amunu hanhan uɗa nak dookku.

Rom 6:21

Amu ag kobol nau heppig, ag gemu kobol amunu uɗalag nette ele amu, kobol amuppanu ag aɗi keeke ena aoppig? Kobol amuam mauhakib he bette.

2 Korint 4:2

Iitta. Ig kobol uɗa nak ele, laa lokkumakppa hetteb amu, ig kobol amu dimettota, hambuppuak kobolppa ele ig ii oittem. Am ig Kayak nainu ele amu ig baolita ii hettem. Iitta. Ig Nai Ena tutukku miag mehuqttem, amu amuppa ig danab oh ig am aun ippuanadttem. Ig amu heut, ag ig Kayaknu neekkakppa attem daattem oolagppa dooglagnu elele.

Epesus 5:12

Kobol laala danab gatatuppa oinna kobol amu hetteb amu, kobol amunu mattiaknu am uɗa nak ele.

Revelesen 16:15

Aakku, ouɗi nau ag gona, aben laa, Hibru naippa ag aben amunu Armagedon atteb, ag amuppa king qagmaadppig. Amu Naɗi Nug nuhig deɗ naɗinu inam atte. “Antteg! Da yabhok danab bia uɗittem amunu, danab laa nug beɗu miag dayeb, laa ag anidppeg, nug uɗa nemanu, danab nug maɗaɗ maama, nuhig lamen atognoawa daatte amu, nug itittak awom daatte,” awa atte.