Genesis 38:14 - Nobonob Baibel

¹⁴ Nug anam a, Tamar nug ah qabnu lamen uɗa, lamen laa takkowa, lamen teppu iitta, amuppa Juda anidmanu iɗu hauta, Timnanu ukkak ibppa, aab onig Enaim taknu ib oɗatleppa dayom. Sela nug ena ma malom, amge Juda nug he, aa ewau matulak ii aopiɗ doyom amunu, Tamar amu heum.

Genesis 38:14 ပူးပေါင်းရင်းမြစ်များ

Genesis 24:65

maɗi nid oɗ mettom. “Danab umu dad okkaippa oiyaya, uɗanig tekkunu ig gumikka uɗitte amu, nug am aun?” awa oɗ mettom. Oɗ mette, nug aum. “Nug am danab okkai dahil,” awa aum. Awa a amu, Rebeka nug lamen teppu iitta awa, iɗu hautom.

Genesis 38:15

Nug appa dayaya, iɗu hautom amunu, Juda nug dabmakppa, “Ib baag ah laa aakkutai,” awa aum.

Genesis 38:19

Amge, aa anam hewoya amu, Tamar aha ukka, iɗu hautak lamen nakok uɗowa, ah qab dilag lamen eɗua takkom.

Genesis 38:26

Nug keeke amu me ukke, Juda nug genab nuhig keeke antta, nug aum. “Da eheɗ okkai hemi. Ah imu nug eheɗ okkai anambia ii heum. Da nid danab dahil Sela, aa ewau matulak aoglahnu ii mettami,” awa aum. Anam a amu, nug ah amu ele baula ii oipiɗ.

Prowerb 7:10

Nug anam noono, ah nug anidkkunu doum. Nug ib baag ah dilag lamen takka, nid amu nuhig naippa eeɗeb, nug eheɗ heeb, nug ele niiglahnu matu lokkumakppa dab-nab-meum.

Prowerb 7:12

⌊Nug danab laa nug ele niiglahnu anidkkunu amu,⌋ nug haen laala ibppa oitte. Ao, haen laala nug danab ah ag qagmetteb abenppa oitte. Haen laala nug ib oɗatleppa daatte.

Jeremaia 3:2

Ag Juda danab ah ag qauko ikkilkad ohppa neegna, ahilag hak antteg! Ib baag ah nug aben ohppa danab kuɗum ele niitteb, amubia ag Juda ag qauko ohppa kayak hambuppuak noolagppa dup nona binalag meegeg uɗie, gemu ele hetteb. Ag danab nau, nug laanu keeke yab aokkunu ib meitta daatte bia, ag kayak hambuppuak digdig aoglagnu heegeg uɗie, gemu ele hetteb. Ag kayak hambuppuak noolagppa dup noa binag mak kobol, amuam gappai kobolbia, ag kobol amu henana, ag nau hak kobol digdig laa ele heegeg uɗie, gemu ele hetteb amunu, ag kobol amu hettebppa, ag amuppa heeg, wan am dubuttid tak ele daatte.

Esekiel 16:25

Ge, aabnu ib oɗatle ohppa na kayak hambuppuak dilag mettid lag nakok buuadna, na iɗun tuqak daame amunu, na danab ippuanatte, ag na ele niiglagnu heegeg, na ag ele niippig. Na amu henan, amu tuɗid ele heehe, danab aun laa oiyeye, na nug ele niiglahnu amegppa ae, aa niipiɗ.