Genesis 38:10 - Nobonob Baibel

¹⁰ Nug kobol anam he, kobol amuam Yawe noobppa kobol nau ele amunu, Yawe Nug nug ele he mauhom.

Genesis 38:10 ပူးပေါင်းရင်းမြစ်များ

Genesis 46:12

Juda bekkod onilag am Er, Onan, Sela, Peres, Sera ele. Juda bekoɗ Er, Onan ele, aa Kanan wanppa mauhpiɗ. Peres bekoɗ onilah am Hesron, Hamul ele.

2 Samuel 11:27

Nug mahitte ukke, elele te, Dawit he, nug laugppa te, aa ewau matulak aoya, ewau daayya, Batseba nug Dawitnu nid danab awom. Nug nid danab awom, amge Dawit kobol heum ele amu, Yawe Nug amunu ena ii doyom.

1 King 17:20

Mewowa, nug inam Yawe unuqittom. “O Yawe, na Kayak dahil. Ah imu nug da ena atognoiɗom, amge nug bekka imu mauhom. Na hee, uug naunab imu beumte?” awa unuqittom.

1 Stori 2:3

Juda bekkod am Er, Onan, Sela ele. Nug bekkod amu anilag am Kanan ah laa onig Batsua. Judanu nid naanaeg Er, nug Yawenu neekkakppa kobol nau heum amunu, Yawe he, nug mauhom.

1 Stori 21:7

Amu Dawit nug Joap Israel danab ebaqakkununab aum amu, Joap nug amunu ena iinab doye, Dawitnu haknunab nai amuam Kayaknu neekkakppa ele eheɗ dayom amunu, Nug Israel danab ah bu mattom.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Prowerb 24:18

Na gaman aheb amu, Yawe Nug antta, nug ena ii dooma; Nug ena ii doya eɗua heeb, kekeɗ bu mettak ii aweb, ⌊na aokkut⌋.

Jeremaia 44:4

Haen kuɗum da dahilad maɗi nid, ag propet, da ag maatti gona, ag da oɗel aon, Juda danab ah amelagppa, “Ag kobol nau, da kobol amunu oolppa uuaknab doottem, kobol amunu da nau ninig ele doottem amu, ag kobol amu aib heppig,” appig,

Hagai 1:13

Danab ah ag amu digmen heegeg, Yawenu nai awa ukkak danab Hagai, nug Yawenu nai imu danab ah mattom. “Yawe Nug inam atte. ‘Da ag ele daattem,’ awa atte,” awa aum.

Namba 11:1

Amu Israel ag uug laala ag oolagppa beppig amu, ag amunu naittuɗ meppig. Ag naittuɗ meeg, Yawe Nug doya, Nug oo nauhe, Nug he, aab ewewe, peh lag laala, keeke ele haen tutu dayaknu aab kalak daugppa daappig am nauhppig.

Namba 22:34

Engel anam a amu, Balam nug Yawenu engel amegppa aum. “Da hipunin qemi. Aɗinu? Na da eheɗ hepanu ibppa daanna, dahil ib keldona daame amu, da ii doomi. Gemu, na da gokkulnu ootppa ena ii doottem dayeb amu, da eɗue gokkul,” awa aum.

Namba 26:19

Er, Onan ele, aa am Juda bekoɗ, amge aa Kanan appa mauhpiɗ.

1 Samuel 2:25

O nid aɗit, danab laa nug layagppa hipunin heeb amu, Kayak Nug aa oolahppa gamag danab daakkunu elele, amge danab laa nug Yawe, nuhigppa hipunin heeb amu, aun nug aa oolahppa gamag danab daakku?” awa aum. Eli nug nug bekoɗ amelahppa anam aum, amge aa mamelahnu nai ii dabmedapiɗ. Aɗinu? Yawe Nug heeb, aa beɗulah nauhkkulahnu dabmeum.