Genesis 37:8 - Nobonob Baibel

⁸ Nug anam a, nug awakkud ag appig. “Nahip dabmakppa na ig gumigkkutte? Genab, na ihinig okkai daakkutte?” aon appig. Ag anam anana amu, ag tul niiak nuhignu, nug nai mattiomnu ele, ag nuhignu nau ninig ele huanak dooppig.

Genesis 37:8 ပူးပေါင်းရင်းမြစ်များ

Genesis 27:41

Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

Genesis 37:4

Josep awakkud ag mamelag nug Josepnu oo mauhak okkainab dootte, ahilagnu doyom eɗittak doyegeg, ag Josepnu nau ninig ele doon, nug ele nai ena ii madittappig.

Genesis 37:9

Amu Josep Nug baula tulppa keeke antta, nug awakkud amelagppa aum. “Doyeg! Da tulppa keeke laa anidmi. Haen imu amu, aam, kalam amu hoɗoppai 11 ele ag dahilppa gomelegeg anidmi,” awa aum.

Genesis 42:10

Josep anam a amu, ag oɗeppa aon appig. “O naɗi, iitta! Ig, nahip maɗi nid amu, ig eeib daden mekkunignu uɗimut.

Genesis 44:18

Josep anam a amu, Juda nug Josep gumitta ukka, baula amegppa aum. “O naɗi dahil, na nahip maɗi nid da, da nai nakok appi dookkutnu ool daatte. Na am Paro bia daattem, amge na da, nahip maɗi nid, na dahilnu oot ii nauhmanu oɗ medattem.

Genesis 49:26

Na mamen nug itittak ena okkai okkai awom. Ao, nug itittak ena huanak awom. Amu itittak ena amu oh ag na, Josep, ag nahip-ppa daaglagnu ool daatte. Ao, Josep, na, na awanad, amap ele oolagppa, na okkai daanna, itittak ena amu oh aokkutnu ool daatte.

Genesis 50:18

Aria, ag anam hena, dimppa ag Josep gumidna gona, nug noobppa ag laippun gatelag qaun ona, gomelna, iɗulag wanppa mena, ag appig. “Ig begbeg maɗi nid nahip daattem,” aon appig.

Sam 118:22

Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.

Eksodas 2:14

Awa a, danab amu nug Moses amegppa aum. “Aun na ig gumignana, ihinig uug bappaidkkutnu meittom? Na Isip ted makkuɗe mauhom bia da oiɗppe mauhkkulnu hettemte?” Moses nug amu a doya, nug dabmak inam awom. “Danab ag keeke hemi genab doon malappig doottem.” Nug dabmak anam awa, nug oo baɗom.

Luk 19:14

Amge nug wanebppan danab ⌊laa⌋ ag nuhignu nau ninig ele dooppig amunu nug ukke, am danab amu ag heeg, ag oolagppan danab laa ag nug dim lamidnana ag inam appig. ‘Ig danab imu nug ihinig king daakkunu ig oonig ii daatte,’ aon appig.

Luk 20:17

Ag anam appig amge Jesus Nug ag neekkattatta aum. “Anam amunu, Kayak naippa yaak daatte am aɗi ippunigtte? Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.’

Aposel 7:35

Moses nugib aakku, anukka ag nug guhuɗidna, ‘Aun na ig gumignana, ihinig uug bappaidkkutnu meittom?’ aon appig, danab amuib aakku Kayak awa he, nug Israel dilag gumak danab, qagaiettakppanu eɗua uhuqak danab daakkunu ukkom. Kayak he, engel nug ad nakokppa, aab ewak ooppa ba, Moses anam hekkunu aum.

Duteronomi 33:16

Nug heeb, ag wan keeke ena he bette ele amu, ag amu aoglag. Laa Nug ad nakok laa ewa dittieye, aab amu ooppa dayom amu, Nug heeb, kobol Nug laa dilagppa ii helo bia me, Nug hette, kobol amu Josep buɗub dilagnu daakku. Keeke ena amu oh Josep buɗub, ag ahilagppa daakkunu ool daatte. Ao, Josep nug awakkud, amakkud oolagppan okkai dayom, amu keeke imu oh nug buɗub dilagppa daakkunu ool daatte.

Hibru 10:29

Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

1 Samuel 10:27

Amge hib guitta danab laa ag appig. “Saul nug attem heeb, ig ehanittak aognig? Nug elele iitta!” aon appig. Ag Saulnu ena iinab dooppig amunu, ag amu mattinna, ag ɗo ii medappig. Ag anam heppig, amge Saul nug ag amelagppa nai laa ii mattiom.

1 Samuel 17:28

Aria, Dawit nug ban danab laa ele ag anam mattiegeg amu, Dawit awag tatamnu, Eliap, nug ag mattiegeg, nug Dawit aum amu doya, nug amagnu oo huan nauhom. Oo nauhe, nug Dawit amegppa aum. “Na aɗinu ippa uɗime? Aun sipsip ameg nakok atu taɗakppa gumadtte? Da doottem, na am nakka, nahip dabmak dim lamittak danab ele, ootppa nau hakib ambak. Na keeke laippunu uɗime, amuam na ban imu anidkkutnu uɗime,” awa aum.

1 Samuel 18:8

Saul nug ahi anam ettaeg doya, nug amu uua auta awom. Nug ag Dawitnu ena doon, anam ahi edattebnu oo aegnab be, nug aum. “Ah ag Dawit nug danab 10,000 haen kuɗum aqe mauhtteb atteb, amge ag dahilnu amu, ag da haen kuɗum danab 1,000ib aqattem atteb. Ag anam anana, ag heppeg, Dawit king bekkunu hettebtai?” Saul nug anam aum.