Genesis 37:4 - Nobonob Baibel

⁴ Josep awakkud ag mamelag nug Josepnu oo mauhak okkainab dootte, ahilagnu doyom eɗittak doyegeg, ag Josepnu nau ninig ele doon, nug ele nai ena ii madittappig.

Genesis 37:4 ပူးပေါင်းရင်းမြစ်များ

Genesis 27:41

Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

Genesis 37:11

Anam amunu, nug awakkud ag nuhignu, ihinigppa anam doolon dabmak aɗan daappig, amge nug mameg nug Josepnu tul niiak amu dabmakppa me dayom.

Genesis 37:5

Aria, haen laa Josep nug tulppa keeke laa anttom. Anttowa amu, nug awakkud amelagppa a, ag nuhignu nau ninig ele doon tuɗitteg, okkainab meum.

Genesis 4:5

amge Kainnu, nuhig mana mettak elenu amu, Yawe Nug ena ii antte, Kain nug oo huana nauhe, nug iɗu ele nauha, tigugɗe dayom.

Genesis 49:23

Josep nug nid dayeye amu, nuhig kekeɗ ag nuhigppa eheɗ heppig. Ao, ag nug kekeɗ mettan, baneb daan, nuhigppa eheɗ nau heppig.

Sam 38:19

Dahil kekeɗ am kuɗumnab. Ao, da ahilagnu nau laa ii hemi me, ag dahilnu nau ninig ele dootteb.

Sam 69:4

Danab ah kuɗum, ahilag ebqak amu da ikkil uɗug ikkilppanu eɗittak daatteb, ag oolagppa dahilnu diig iittappa nau ninig ele dootteb. Genab, da eheɗ heminu ag atteb ele amu, da ii hemi, amge kekeɗ dahilad ag hambuppuna, da eheɗ heminu atteb. Ag ɠagattag daana, da iuppeg mauhkkulnu hetteb. Da ahilag keeke laa yab ii aomi, amge ag da yab aomi anana, duttuniɗna, da keeke amu yab aolom bia nob mekkulnu hetteb.

Jeremaia 12:6

Na ele tiig laippu, awanad, amapad, appinamad aɗi, ag ele na dimettan, eheɗ heidkkulag. Ag laa na eheɗ heidkkulagnu hekkulag amu, ag ag oolagppa daanna, ag ele anamib hekkulag amunu, ag nahipnu deɗ laala ena mattiglag dayeb amu, na ahilagnu ootppa genab aib doome.

Mak 3:25

Baekkudppa laa ele anamib. Ag oppatna, ameg aɗit bena, nug qekkulag amu, baekkudppa amu nug na qekku.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

1 Jon 2:11

Am aun laa nug layagnu nau ninig ele dootte amu, nug gatatuppa daatte, gatatuppa ele oitte; nug adeppa gotte amu, nug ii dootte. Gatatu nug ameg qehakkom.

1 Jon 3:10

Anam amunu, ig kobol imuppa aun nug am Kayak Bekka, aun nug am Kayak Bekka iitta, nug Satan bekka daatte, amu ele doottem. Am inam. Aun nug kobol tutukkuppa ii oitte amu, nug Kayak Bekka iitta. Am laa nug layagnu oo ii mauhtte, nug ele Kayaknu iitta.

1 Jon 3:12

Ag Kain bia aib oippig. Kain nug Satannu danab, amu nug amag qe mauhom. Nug nuhig kobol eheɗ, amagnu kobol amu tutukku, amunu nug qe mauhom.

1 Jon 4:20

Am laa nug, “Da Kayaknu ool mauhtte” atte, amge nug layagnu nau ninig ele dootte amu, nug am hambuppuak danab. Aɗinu? Danab nug layag laa antta malom ele, nug nuhignu oo mauhak ii dootte dayeb, nug attem ha, Kayak, nug Nug ii anttom amu, nug nuhignu oo mauhak dookku?.

1 Samuel 17:28

Aria, Dawit nug ban danab laa ele ag anam mattiegeg amu, Dawit awag tatamnu, Eliap, nug ag mattiegeg, nug Dawit aum amu doya, nug amagnu oo huan nauhom. Oo nauhe, nug Dawit amegppa aum. “Na aɗinu ippa uɗime? Aun sipsip ameg nakok atu taɗakppa gumadtte? Da doottem, na am nakka, nahip dabmak dim lamittak danab ele, ootppa nau hakib ambak. Na keeke laippunu uɗime, amuam na ban imu anidkkutnu uɗime,” awa aum.