Genesis 37:34 - Nobonob Baibel

³⁴ Anam ana amu, nug nuhig lamen pattiɗa, lamen heɗiag ele awa ma, bekka haen elab mahittom.

Genesis 37:34 ပူးပေါင်းရင်းမြစ်များ

Genesis 37:29

Ag anam heegeg, Ruben nug appa ii dayom. Amge dimppa, haen nug eɗua uɗia, le moɗppa ukka neekka, Josep ii antta, nug oo uugnab doya, nuhig lamen pattiɗom.

Genesis 42:38

Ruben anam a amu, Jakop nug aum. “Benyamin ag ele ii gomana. Aɗinu? Nug awag mauhom, nukkaib daatte. Ag nug aon goppeg, oiyak ahilagppa padal meeb amu, da ool naɗi guittebeb, mauhkkul,” awa aum.

Genesis 44:13

Nug antte, ag anam anidna, guittak doonna, ahilag kobolppa lamen ahilkad patiɗadppig. Patiɗadna, ag ahilkad bek eɗun, donki attan maadna, ag eɗun, aab okkaippa noppig.

2 Samuel 1:11

Amalek danab nug anam a amu, Dawit, nuhikkud danab nug ele daappig amu, ag oh ahilkad lamen aɗan pattiɗadppig.

2 Samuel 3:31

Anam daye amu, Dawit nug Joap, danab ah nug ele daappig ele amu, nug ag oh amelagppa aum. “Ag lamen ahilag patiɗna, lamen heɗiag ele takkeg! Ig Apner boumkkunignu gotata, ag mahidnana anuqna ukkeg!” awa aum. Dawit nug anam a, ag anam heegeg, King Dawit nug qaɗaqaɗ, ag amuppa Apner gaɗa maoppig amu, nug qaɗaqaɗ amu dimugppa oiyom.

1 King 20:31

Dayeye, nuhikkud ehanittak anuqak danab ag gona anidna, amegppa inam appig. “Ig nai inam laa deɗ laala doomut. ‘Israel dilag king amu, ag ahilag kobolppa, ag danab laa dilagnu oo mauhaknab doon ehanadtteb.’ Ag anam aeg doomut. Anam amunu, ig inam hetu! Ig lamen heɗiag ele ig imuanigppa takkat, muɗi taliliak ikkinigppa mewota, ig Israel dilag king gumidta gokkunig. Ig anam hekkunignu dayeb amu, nug geha nahipnu oo doyeb, na nitteb ii mauhmana anam oɗ medapput, nug na bau daakkutnu akkutai,” aon appig

1 King 21:27

Haen Ahap nug Elaiya nai mattiom amu doya, nug eheɗ heum amu doya, nug nuhig lamen patiɗa, nug lamen heɗiag ele awa takka, nug ee ohnu ele kud dayom. Tuqan ele nug lamen heɗiag eleppa niiom. Nug dada danab kobol uua autanab awa, nukka onig qe ne oiyom.

2 King 19:1

Danab amu ag King Hesekaia amegppa Asiria dilag ban daup ikkinu nai amu nug amegppa aeg doya, Hesekaia nug lamen nuhig patiɗa, nug lamen heɗiag ele takka, nug aha, Yawenu mettid lakka ukkom.

2 King 2:12

Elisa nug ulah kilibob amu Elaiya awa ukke antta, inam baag okkaippa eum. “Mama dahil, mama dahil. Na Israel dilag ehanittak danab ɠagattag. Na Israel dilag daup ag bannu karis attan daan, ban hetteb, daup ag hos attan daan, ban hetteb ele, na amubia daattem,” awa eum. Elaiya nug ukke, Elisa nug baula Elaiya ii anttom amunu, Elisa nug ooppa uugnab doyom. Nug anam doyom amunu, nug nuhig lamen elab dimittimnu amu aɗa, gamagppa pattiɗom. Pattiɗe, aɗit daapiɗ.

2 King 22:11

Nug ebqeeqe, king nug Kayaknu Ɗo Nai Bukppa dayom amu doyaya, nug ooppa uugnab doya, nuhig lamen elab aɗa pattiɗom.

1 Stori 21:16

Amu Dawit nug neekke, attan te, nug Yawenu engel nug hab, wan ele gamalahppa dayaya, nug qep elab eppegppa aɗe, qep amu Jerusalem attan daye antte, nug Israel dilag ikki danab ele, ag oh lamen heɗiag ele takkaladna amu, nug ag ele oh laippun gatelag qaun o, gomelna, iɗulag wanppa meppig.

1 Stori 7:22

Gat danab ag nid aɗit amu aqatteg mauheh, mamelah Epraim nug haen elab mahiatete, nug laikkud tiig laippu ele ag ehanidppeppeg, oo mekkunu uɗieg, nug ele daappig.

Nehemaia 9:1

Aria, kalam ebqak eblaih aɗit ele, kalam amunu deɗ 24ppa Israel oh ag qagmeppig. Ag qagmena, ag ee ohnu kud mena daanna, ag lamen heɗiag ele takkan, ag gappud aon, ikkilkadppa meppig.

Job 1:20

Danab amu oh ag uɗin dona, Job amegppa amu ohnu aeg doya, nug aha, lamen elab pattiɗa, ikki uɗug hoye ukke, nug dup noa, gateg qaun o, gomela, iɗu wanppa ma, nug Kayak binag ma,

Job 16:15

Kayak Nug anam hette amunu, da lamen heɗiag ele tagattem; da dup noin, ikkil wan ye, iɗul gappudppa memi daattem.

Job 2:12

Ag nug gumidna gonana, ag nakok piɗe daanna, neekkeg ukke, nug anidnana, “Umu am Joptai, iitta danab laatai?” anana, amuam Job anidna doon, ag huana gaan, ahilag lamen elab pattiɗna, ag gappud aon, ikkilag laidppig.

Sam 69:11

Haen da oo doyak okkai awewe, lamen heɗiag ele takken daaiyi amu, danab ah ag da aon aon iutteb.

Aisaia 32:11

⌊Uug anam bekku amunu,⌋ ag Juda ah, ag hamu, uug laa iitta, eleleib doon daatteb amu, ag ottaieg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag hahaɗeg! Ag lamen ena uɗadna, ag lamen heɗiag ele takkeg! Ag ee meu oh ena ii bemananu, ag grep muɗi am meu ii omananu, ag wan imuam ena ii daamanu, ag keeke amu ohnu mahieg! Aɗinu? Uud keeke qaun ele ag bena wan imu oh tonan, aab imu, lag laala imuppa daatteb ele, amuppa gamag ahak nau daatte, aab, lag amu ele tonaglag.

Aisaia 36:22

Asiria dilag ban daup ikki amu nug anam mattia male, Hilkaia bekka Eliakim, nug am kingnu lag enanagnab gumom, Sepna, nug nai yaak danab, aria, Asap bekka Joa, nug am yaak danab dayom amu, ag oh ahilkad lamen pattiɗadna, ag eɗun Hesekaia toppa gona, ag Asiria daup dilag okkainu nai oh nug amegppa mattieg doyom.

Jeremaia 36:24

King, nuhikkud ehanittak laa nug ele daappig amu, ag nai amu oh dooppig, amge ag ii baɗappig. Ag eheɗ heppignu ahilkad lamen ele ii pattiɗppig.

Jeremaia 48:37

Kekeɗ heppeg, Moap ag uug okkainab anidna, ag ikkilag uɗug hoin, akkaɗilag ele hoin aoglag. Ag ⌊ahilkad kayak hambuppuak ag ag dabmadakkunu, ag⌋ oh eppelkad guittak madappeg, ag lamen heɗiag ele takkaglag.

Joel 2:13

Amu ag lamen dimittimnu pattiɗna meɗaglagnu aib heppig. Iitta. Ag oolag unuqagppa, ‘Ig eheɗ nau hemut,’ doon, diig amunu ag oolag unuqag guittak doyeg!” Yawe Nug anam atte. Yawe Nug anam atte amunu, ag Yawe, ahilag Kayak, ag eɗun, Nug waappa daaglagnu waig! Aɗinu ag anam hekkulag? Yawe Nug oo bodoette enanag maɗoɗ ele hak kobol, Nug oo bodoetta le mak kobol ele dim lamidtte. Nug oo paha ii nauhtte, nuhig oo mauhaknab kobol am amba, leta nette. Amu ⌊danab ah ag oolag genab eɗutteb dayeb,⌋ deɗ kuɗum ag hipunin heppignu Nug uug naunab madakkunu daatte amu, Nug ii madatte; iitta.

Matyu 11:21

“O gadonnab gadon aab Korasin, o gadonnab gadon aab Betsaida ele. Da ahilah danab oolagppa oiyeye, kobol digdig danab hekkunu elele iitta hemi amu, danab laa nug Tair Saidon ele, danab appa daatteb ag am iitta aɗi danab amu, nug danab amu ahilagppa kobol amubia helo, Tair Saidon ele dilah danab ag anukkanab lamen heɗiag ele takkan, uhuɗppa daanna, ag oolag eɗulo.

Matyu 26:65

Jesus anam a amu, mana mettak ikki danab nug lamen nuhig aɗa pattiɗa, nug aum. “Nug Kayaknu dabittak nai maditte! Ig aɗi heehe anttomnu mattiak danab laala danab imu eheɗ heumnu mattiglagnu ii mattimta. Iikku elele. Nug Kayaknu dabittak nai aum amu, ag aakku dooppig.

Aposel 14:14

Amge totol danab aɗit, Barnabas, Pol ele, aa ag anam hekkulagnu heegeg, aa nai amu dooya, ahilah lamen pattiɗya, qaiqaɗ danab ah kuɗum oolagppa goya, eya apiɗ.

Josua 7:6

Anam be, Josua nug Israel dilag ikki danab ele ag uug nau doon, ag lamen ahilkad pattiɗna, ag gappud ikkilkadppa mena, ag ahan gona, paha Yawenu Tituanak Nainu Kunup noobppa gatelag qaun o, gomelna, ag iɗulag wanppa mena daaeg ukke, uudoum.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.

Ikki Danab 11:35

Amu haen nug aɗeg antta amu, nug ooppa guittak nau doyaya, lamen nuhig pattiɗa aum. “O aɗel! Na da uɗal tekkutnu uɗime amu, da uug nau doottem! Aɗinu? Da Yawe amegppa, da keeke laa genabnab hekkulnu nai ain qakkami, amu da eɗue uhuqkkulnu elele iitta,” awa aum.