Genesis 37:2 - Nobonob Baibel

² Jakop, nug bekkod ele oippignu nai am inam. Josep, Jakop bekka, nug nid bau maɗ 17 ele dayeye, nug, amu nug awakkud, ag am Jakop wau Bilha, Silpa ele bekkalti, ag oh ag mamelagnu doɗ gumadppig. Anam oinna amu, Josep nug awakkud ag aɗi aɗi eheɗ heppig amu, nug amunu mameg amegppa mattiom.

Genesis 37:2 ပူးပေါင်းရင်းမြစ်များ

Genesis 10:1

Le hiɗ dimppa Noa bekkod Sem, Ham, Japet ele ag ele nid menuadppig, amu ag buɗulkad am inam.

Genesis 2:4

Digmakppa Yawe Kayak Nug hab wan ele haate, amu dimppa aɗi beumnu kaya am iikku. Yawe Kayak Nug hab, wan ele haatom, haen amuppa amu, wanppa keeke laa ba ii dayom. Aɗinu? Gu nekkunu amu, Yawe Kayak Nug he ii neum, amu danab laa ele wan bappaidkkunu ii dayom. Amge le wan ooppanu baaba, wan leppu medattom.

Genesis 30:4

Nug anam ana, nug maɗi ah nuhig Bilha, Jakop wau daakkunu Jakop mette oiyya,

Genesis 30:9

Aria, haen Lea nug baula ii menua antta, nug nuhig maɗi ah Silpa awa, nug Jakopnu ah daakkunu Jakop mettom.

Genesis 35:22

Israel nug wan atu amuppa dayeye amu, Ruben nug mameg wau amge waunab iitta Bilha ele niieh, Israel nug doyom.

Genesis 41:46

Josep nug maɗ 30 dayaya, nug Isip dilag King Paronu uɗat digma, nug toppanu aha ukka, Isip wan ooppa talilia oiyom.

Genesis 42:8

Amu Josep nug awakkud anatta, nug ag doyattom, amge ag nug anidna, ag nug ii dooppig.

Genesis 45:6

Aɗinu? Maɗ aɗit imu enug haen ba daya, enug haen maɗ tanig ele baula ele daakku. Maɗ amu oh ooppa laa ee bau awaknu am iitta.

Genesis 46:34

ag inam appeg dookku. ‘O naɗi, ig, nahipad maɗi nid amu, ig nid nakokppanu doɗ gumattak uɗat, amuib heut uɗie, gemu ele hettem. Ig mamenkad aɗi ag ele uɗat amuib heppig.’ Ag anam aig!” awa aum. Josep nug anam anana amu, nug nai baula tuɗitta aum. “Isip wanppa, aben laa ohppa Isip danab ag doɗ gumattak danab dilagnu oolagppa uuaknab dootteb amunu, da ami amu, ag nai anamib appeg, Paro nug ab, ag wan atu onig Gosen ippa daaglag,” awa aum.

Genesis 5:1

Adam buɗubppan danab onilag bukppa yaappig am inam. Tatam Kayak Nug Adam heum amu, Nug Nug bia heum.

Genesis 6:9

Noa, nuhig hak amu inam. Noa nug wanppa dayom, haen amuppa nug danab ah oolagppa nug genab tutukku hak danab dayaya, Kayaknu neekkakppa danab ooppa kaliak laa iitta ele oiyeye, Kayak ele oittapiɗ.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

1 Korint 1:11

O lailad, Kloe baekkudppanu laa ag da amelppa, ag oolagppa nug mehqak laala beeg daatteb, ag amunu aeg doomi.

1 Korint 11:18

Amu laa ag haen ag Korint tamaniak ag Mettid hekkulagnu qagmetteb amu, ag obatak obatak daatteb, laippu oh ii daatteb, anam aeg doomi amu da nakok oolppa genab doottem.

1 Korint 5:1

Aria, laa ag nai laa aeg doomi amu, ag Korint ag oolagppa gappai kobol nau daatte mattieg doomi. Gappai kobol ag hetteb ele am naunab nau! Genab, iitta aɗi danab ag gappai kobol nau amubia ii hetteb. Kobol amuam danab laa nug mameg wau ele gappai aɗattep.