Genesis 37:18 - Nobonob Baibel

¹⁸ Amu Josep anam ugekke, nug awakkud ag neekkeg ukke, Josep nug uma uɗieye anidna, ag qekkulagnu nai inam akka akka madippig.

Genesis 37:18 ပူးပေါင်းရင်းမြစ်များ

Genesis 27:41

Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

Genesis 37:19

“Ahappeg, tul niiak danab uɗitte

Genesis 50:15

Jakop mauhe, bekkod Kanan wanppa boumona, ag eɗun Isip gona, dimppa haen Josep awakkud ag mamelag mauhom dabmena amu, ag akka akka nai inam madippig. “Josep nug ig keeke oh nuhigppa hemut, amunu ooppa aikkak dayeb amu, nug nob megakkutai,” aon appig.

Genesis 50:20

Anukka ag da eheɗ aokkulnu heppig, amge Kayak Nug ig ena, bau daagnig, gemu ig daattem, amubia, Nug amu dabma he, eheɗ hak amu eɗue, amuppa keeke ena beum.

Sam 105:25

Isipnu amu, Yawe Nug ag uuatte, ag Israel dilagnu nau ninig ele doon, kekeɗ madappig. Nug uuatte, ag nuhikkud maɗi nid eheɗ hattaglagnu maittak aoppig.

Sam 109:4

Da ahilagnu, “Da lailad,” doyen ehanadmi, amge ag nai nauppa da yaaiɗtteb. Ag anam hetteb, amge da unuqittak ii uuttem!

Sam 31:13

Aɗinu? Danab kuɗum ag da onil nauhkkunu nai nau dahilnu atteb. Ag anam heegeg, baɗak eheɗ nau toniɗom daatte. Ag da eɗilkkulagnu nai nau dahilnu maditteb. Yo, ag da iuppeg mauhkkulnu maittak aotteb.

Sam 31:14

Amge O Yawe, da nahipnu oolppa genab doottem. Ge, da attem. “Na am dahil Kayak.”

Sam 37:12

Nau hak danab ag am genab tutukku hak danab ah hadappeg nauhkkulagnu ib digdignu maidtteb. Ao, nau hak danab ag genab tutukku hak danab ah dilagnu aelkad emalna daatteb.

Sam 37:32

Danab ag nau hetteb ele, ag genab tutukku hak danab maadna daatteb. Ag aqappeg mauhkkulagnu hetteb.

Sam 94:21

Gumak danab nau ag genab tutukku hak danab hadappeg nauhkkulagnu, ag oohona daatteb. Ao, ag danab eheɗ laa ii heppig mauhkkulagnu atteb.

Matyu 21:38

Nug me ukkom, amge haen dad uɗat danab ag nid amu anidna, akka akka nai mattina appig. ‘Nid imu nug dimppa mamegnu keeke oh aokku amunu, ahappeg, ig qepput mauheb, ig dad nuhig imu aotu!’ aon appig.

Matyu 27:1

Wakkaɗe buttua mana mettak danab okkai oh, amu Juda dilag ikki danab ele ag Jesus qeppeg mauhkkunu nai qagappig.

Mak 12:7

Nug anam a, nug bekka ukke, amu dad uɗat danab ag anidna, ag akka akka appig. ‘Nid imu nug dimppa mamegnu keeke oh aokku amunu ahappeg, ig nug qepput mauheb, dad imuam ihinig daakku,’ aon appig.

Mak 14:1

Jesus Nug nai amu oh mattia male amu dimppa Pasowa Hobulnu deɗ ii nak, nekkunu deɗ aɗit dayeye, hobul amunu ag Bret Yis Iitta Lanaknu Hobul Nakok ele adappig amu, mana mettak danab okkai, ɗo mehuqak danab ele amu ag lokkumakppa Jesus aɗan, qeppeg mauhkkunu ib madippig.

Jon 11:53

Aria, Juda okkai ag deɗ aguppaib digmena, Jesus qeppeg mauhkkunu nai madippig

Aposel 23:12

Naɗi Nug Pol amegppa anam a, wagɗe deɗ amuppa Juda laala ag qagmena, ag keeke hekkulagnu nai ahilag ɠagattag qettan, ag inam appig. “Ig Pol qepput mauhkku. Ig ee le ele paha ii lamata. Iitta, Ig hamu daata, ig Pol qepput mauheb, ig eɗut ee le ele lakkunig,” aon appig.

1 Samuel 19:1

Am danab ah oh ag Dawitnu enanagnab dooppig amunu, Saul nug Jonatan amegppa, nuhikkud ehanittak amelagppa ele ag Dawit qeppeg mauhkkunu aum. Nug amelagppa aum, amge Jonatan nug Dawitnu enanagnab doyom,