Genesis 37:11 - Nobonob Baibel

¹¹ Anam amunu, nug awakkud ag nuhignu, ihinigppa anam doolon dabmak aɗan daappig, amge nug mameg nug Josepnu tul niiak amu dabmakppa me dayom.

Genesis 37:11 ပူးပေါင်းရင်းမြစ်များ

Genesis 24:31

“O naɗi, Yawe na itittom daatte. Na ippa daakkutnu amu, da ool ii daatte. Da laul na daakkutnu babaitten, amu kamel ag daaglagnu aben ele bapaidmi amunu, ahappe goɗu!” awa aum.

Genesis 37:12

Aria, dimppa Josep awakkud ag Sekem gona, appa ag Israelnu doɗ gikkiɗah lakkulagnu gumattegeg,

Genesis 42:9

Ele amu, Josep awakkud ag Josep noobppa teeg, Josep anatta, nug anukka ahilagnu tul niiom, tul niiak amu nug daugppa doum. Aria, anam amu, nug ag amelagppa aum. “Ag am lokkumakppa atu italak danab. Ag ig wanenig laih atten ban haknu daup iitta, ag amu anidkkulagnu uɗippig,” awa aum.

Sam 106:16

Danab ah ag aab haen tutu dayaknu kalappigppa daappig amu, ag Mosesnu amelag qe oolag elele ii dayom. Ao, ag Aron, nug Yawenu mana mettak danab, Yawenu tituana mettak dayom amu, ag nuhignu ele anam dooppig.

Eklisiastis 4:4

Da amu oh dabmein, da inam ele anidmi. Danab ag uɗat okkai, enanag ele hettebnu diig am, ag mudippan laippu dilagnu amelag qe oolag elele ii daatte. Anam, amge amu ele am gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia.

Aisaia 11:13

Israel huu ag Juda dilagnu, ihinigppa anam daalon dabmak iinab aɗan daamna, amu Juda ⌊ag Israel⌋ aqaglagnu dab-ii-memana. Ao, Israel huu ag Juda dilagnu, ihinigppa anam daalon dabmak ii aɗan daamna, amu Juda huu, ag Israel dilagnu, “Ag ihinig kekeɗ daatteb,” ii doomna. Iitta.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Daniel 7:28

Da Daniel, da anam aakku antten doomi, amu da dabmak huanak aomi. Da iɗul am hakkab eppom, amge da laa amegppa amunu laa ii mattimi.

Matyu 27:18

Pailat nug Juda okkai ag Jesusnu amelag qe oolag elele ii daye, Jesus hettoɗiakppa meppig doyom amunu, Nug anam oɗ mattom.

Mak 15:10

Pailat nug mana mettak danab okkai ag Jesusnu amelag qe oolag elele ii daye, Jesus hettoɗiakppa meppig doyom amunu, nug anam oɗ mattom.

Luk 2:19

Amge Maria nug nai amu ooppa me dayeye, dabmettom.

Luk 2:51

Aria, Jesus Nug aa ele eɗun, Nasaret gona, Nug aa oɗelah dim lamittette, anig nug keeke amu ohnu ooppa me dayeye, dabmaama dayom.

Aposel 13:45

Amge haen Juda laala ag danab ah kuɗumnab qagmeeg anadna, ag, ihinigppa anam daalon dabmak aɗan daan, ag ahan, Pol nai mattiom amu, laa ag amu doomnanu, nai amu tabappeg nokkunu henana, ag Polnu nainu nai iɗu iɗu mattin, dappidna, aon aon qedappig.

Aposel 7:9

Aria, ig alankad ag Josepnu, ihinigppa anam daalon dabmak aɗan daan, ag nug aon, danab laa mattaeg, men doɗo mattanna, ag aon, Isip goppig. Ag nug aon ukkaeg, appa nug laanu begbeg maɗi nid dayom, amge Kayak Nug Josep dabmedette,

Galesia 5:21

laanu ameg qe oo elele ii dayak kobol, le ɠagattag la kaaka qak kobol, goɗak qiɗ nau ele hak kobol, amu hak nau iɗu iɗu ele aakku daatte. Da anukka ag amelagppa ami, amu gemu baula ag amelagppa attem. Danab oh ag kobol amu hetteb amu, ag Kayaknu ɗo maɗoɗ ii aomna.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Jems 4:5

Kayak nai laa amunu ag keeke hamu bia doottebte? Nai amuam inam. “⌊Nuhig⌋ Ouɗi, Kayak Nug ig oonigppa meum daatte ele amu, Nug ihinignu dahil doya laa aomanu doyak aɗa daatte.”

1 Samuel 18:8

Saul nug ahi anam ettaeg doya, nug amu uua auta awom. Nug ag Dawitnu ena doon, anam ahi edattebnu oo aegnab be, nug aum. “Ah ag Dawit nug danab 10,000 haen kuɗum aqe mauhtteb atteb, amge ag dahilnu amu, ag da haen kuɗum danab 1,000ib aqattem atteb. Ag anam anana, ag heppeg, Dawit king bekkunu hettebtai?” Saul nug anam aum.