Genesis 35:4 - Nobonob Baibel

⁴ Jakop anam a amu, ag laa dilag kayak hambuppuak ahilag, am daulagppanu bid ⌊ahilag ehanittak hambuppuak laa aakku⌋, ag amu ele oh Jakop mettaeg, nug keeke amu oh awa, ad ok, Sekem dayom, nug amu diigppa boumom.

Genesis 35:4 ပူးပေါင်းရင်းမြစ်များ

Genesis 12:6

Gona tewona, Abram nug ukka ukka, Sekem aabppa noum. Aab Sekem guguittak, appa, Morenu ad ok dayom amu, nug appa batom. Haen amuppa Kanan danab ag ele wan amuppa daappig.

Genesis 35:3

Ag anam heppeg, ig ahat, Betel gota, appa ig Kayak noobppa dup nota binag mekkunignu da nuhig qaɗab qekkul. Nug da anukka uug nau ele daami, haen amu dimppa ele da adeppa adeppa oimi amu, Kayak Nug atognoiɗom,” awa aum.

Genesis 35:5

Jakop anam he, ag ahan Betel ukkaegeg, Kayak Nug he, appan danab ag baɗak eheɗ nau doon, ag Jakop aɗi ele ban ii heppig.

Eksodas 32:20

Moses nug anam hewowa, nug makau gaiɗ dottog ag heppig ele aab aɗuppa mana awa, aoɗa maduduɗe, kalu ne, nug kalu amu le qaɗeppa gokkaɗe noa, le attan qaɗeppa teppu iitta dayeye, Moses nug he, Israel ag le amu lappig.

Aisaia 2:20

Haen amuppa danab ah ag geha ahilkad kayak hambuppuak dottolkad golppa, silwappa ele hak, ag amu noolagppa dup nona binalag mekkulagnu eppelagppa heppig, ag dottolkad amu oh geha agappeg, tog, meɗeb ele daattebppa gokkulag.

Aisaia 30:22

Amu haen amuppa ag ahilkad kayak hambuppuak dottolkad silwappa hak, golppa hak ele, ag dottolkad amu heppeg nauhppeg, ag dottolkad amunu kinipan nau, beɗak doon, baula anidmananu ag agappeg gokkulag.

Hosea 2:13

Geha da nug bu medakkul. Nug kalu danab ile muttuɗig enanag bette ele, nug kayak hambuppuak Bal iɗu iɗu dilagnu ile muttuɗig oum. Nug eppeg doɗoppan ring maatta, beɗunu bala laala ele maatta he, nug danab ele niippig, nug ag ele baula niiglagnu mattialatta heum, amge nug dahilnu daug atiom amunu, da nug bu medakkul.” Yawe anam mattia aum.

Duteronomi 7:25

Ag kayak hambuppuak dottolkad adppa hoyattak aab aɗuppa manadppeg eoppeg, silwate, iitta golte amuppa tonadppig dayeb amu, ag gol, o silwa amu amelag qeeb aolobnab dabmak eheɗ aona, aib aoppig. Aɗinu? Yawe, ahilag Kayak, Nug keeke amunu ooppa uuaknab dootte. Ag aib aoppig. Ag aoglag amu, ag pelemppa tena, padal mekkulag.

Duteronomi 7:5

Amunu, ag Israel, ag danab ah appa daatteb, ag amu dilagppa inam hekkulag. Ag danab amu dilag kayak hambuppuak dilag qaɗab amu, ag heppeg nauhatteg! Ag men gappi ahilkad aoɗadna heppeg, iitta meig! Amu ag kayak hambuppuak Aserah dabmekkulagnu biidodnu amu, ag amu okkuladppeg naɗ! Ag amu hena, ag ahilag kayak hambuppuak dottolag ele manadppeg eweg!

Ikki Danab 9:6

Ag anam heeg, Sekem, Betmilo danab ah ele ag Sekem appa, ad ok waappa, biidod laa heqoppa qagmena heeg, Abimelek ahilag gumak danab daakkunu king haɗ nug igippa mekkulagnu qagmeppig.