Genesis 35:2 - Nobonob Baibel

² Kayak Nug anam a amu, Jakop nug nuhikkud daup amelagppa aum. “Ag laa dilag kayak hambuppuak ahilag oh ig ele daamnanu hena, ag oppiak daaglagnu hena, ag lamen ihak ele takkeg!

Genesis 35:2 ပူးပေါင်းရင်းမြစ်များ

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Genesis 31:19

Amu Laban nug tatam sipsip uɗilag otaɗkkunu ukkom. Aria, haen amuppa Rahel nug mamegnu kayak hambuppuak dottolkad danab ag laulkadppa maatteg daatteb, nug nigul amu yab diiattom.

Genesis 31:30

Aria, na appanppa gokkutnu oot huanak daatte amunu, na da appal uun uɗime, amge aɗinu na dahilad kayak yab diime?” awa aum.

Genesis 31:34

Noa amu, peh lag amuppa ele Laban nug keeke oh elele neekkom, amge nug nuhikkud kayak hambuppuak dottolkad amu ii anattom. Aɗinu? Rahel nug mamegnu kayak hambuppuak dottolkad danab ag laulkadppa maatteg daatteb, nug dottolkad amu kamel gomeppa dayaknu keeke, ag amuppa keeke inatteb ele, nug amuppa inatta, qaɗeppa heɗep na dayom.

Genesis 34:2

Ukke, Hiwi danab onig Hamor, nug am wan amu dilag okkai, nug bekka Sekem nug Daina antta, ameg qe haaha amu, nug nuhigppa kobol eheɗ heum.

Genesis 35:22

Israel nug wan atu amuppa dayeye amu, Ruben nug mameg wau amge waunab iitta Bilha ele niieh, Israel nug doyom.

2 Samuel 7:23

Laa amu, aun aɗi laa ag nahipad danab ah, Israel, ag ag bia daatteb? Laa iitta. O Kayak, na huu laa ag begbeg maɗi nid daaegeg, na ag nahipad daaglagnu na ag begbeg dayaknu qagaiettakppanu eɗua uhuqak hemete? Iitta. Na nahipad danab ah Isip wanppanu dayaknu qagaiettakppanu eɗua uhuqak heme, amuppa na he, danab ah oh ag na onin dootteb. Na kobol okkai naɗi, danab hekkunu elele iitta, danab antta nug ebehi oh bodoetta le mette amu, na amu henana, amuppa na hee, nahipad danab Israel, ag Kanan wan imuppan danab, ahilkad kayak hambuppuak ele lamadppig.

2 King 17:29

Amge wan laappanu danab ah amu ag ahilkad kobol dim lamidna, ag ahilkad kayak hambuppuak dottolkad hoyatteg ne, ag dottolkad amu anukka Israel ag ahilkad kayak hambuppuak maadkkulagnu aabaabppanu mettid lag nakok hadappig, ag amuppa maadppig. Danab ah amu oh ag huu anen anen ahilkad kayak hambuppuak hattana, aab anen anen ag daappig ele, amu ohppa maadppig.

2 King 5:10

Tena daaegeg, Elisa nug nai awa ukkak danab laa nug ukka, Naman amegppa inam akkunu a, ukka aum. “Na gona, Jodan leppa haen eblaih aɗit ele le laappe, geha nahip oɗe amu iitta meeb, na beɗun eɗua ena daakku,” awa aum.

1 Stori 16:26

Laa amu, wanppanu danab ah laa dilag kayak oh ag keeke genab iitta. Ao, ag am dottolkad aakkuib daatteb, amge Yawe Nug amubia iitta. Nug hab heum.

Job 1:5

Amu nug bekkod ag anam heegeg ukke ukke, eblaih aɗit ele amu oh ag ag laulkad anen anenppa hobul hena malaeg, Job nug ag Kayak ele ouqa dayaknu elele daaglagnu ag beɗulag oolag ele bappaidkkulagnu nai ahilagppa me ukkom. Job anam he, deɗ amu uue, wagɗe buttua Job nug aha, ahilag anen anennu manaknu ofa hattom. Nug, “Nid dahilad ag Kayak uuidna, hipunin heppigtai,” ana dabmeum amunu, nug anam hettom. Job nug hanhan anamib hettom.

Sam 51:2

Na heppe, da oolppa aab iitta daakkunu oɗ medattem. Yo, na dahil hipunin uhuqna meɗan heppe, da oppiaawak bekkulnu unuqidttem.

Sam 51:7

Na dahil hipunin oh uhuqna meɗan heppe, da oppiaawak daakkulnu oɗ medattem. Ao, na heppe, da oppiaawak bein, lamen hakkab bia daakkulnu unuqidttem.

Eksodas 19:10

Mattia male, Yawe Nug Moses amegppa inam aum. “Na gona heppe, gemu butti ele danab ah imu ag hena, ag dahilnu tituana mettak dayeg! Amu na appe, ag lamen ahilag ihadna,

Eksodas 19:14

Aria, Moses nug qaukoppanu eɗua, danab ah daappigppa nowowa, nug he, danab ah ag Yawenu tituana mettak daaglagnu hena, ag lamen ahilag ele ihadppig.

Eksodas 23:13

Nai oh da ag matten, amelagppa ami amu, ag tutukku doon, dim lamitteg! Ag kayak hambuppuak aib unuqidnana, onilkad ele aib diippig. Amuam gunnab.

Eklisiastis 5:1

Haen na Kayaknu mettid lag amuppa gonana, na dabmenan ukke! Na appa gona, Kayak baag dookkutnu dabmenan gokkut; na gona, doɗ keeke hamu hamu, danab nug Kayak dab-ii-maama ii dim lamidtte ele hette bia manadna, Kayak aib mettame. Aɗinu? Danab amu ag eheɗ aakku hetteb ii dootteb.

Aisaia 1:16

Ag nau heppig amunu, ⌊danab nug beɗu dubuttid ele le layowa, dubittid iitta daatte bia,⌋ ag oolag bappaidna, dubuttid iitta dayeg! Ag hak nau da amelppa baula aib heppig. Ag baula eheɗ aib heppig.

Aisaia 52:11

⌊Haen amuppa amu, Juda danab ah, ag nai imu dooglag.⌋ Ag ahan, ⌊Babilon⌋ uun ukkeg! Ge, ag ahan, ⌊Babilonnu⌋ ukkeg! Ag ahan gonana, ag keeke Kayaknu neekkakppa dubuttid ele aib aɗappig! Ao, ag laa, ag Yawenu tappiɗ keeke, ag keeke amu maon oitteb ele amu, ag ahan, Babilon uun, ag oppiak ele dayeg!

Jeremaia 13:27

Ag Juda ⌊ag kayak hambuppuak dim lamadnana, ag noolagppa dup nona binalag meegeg uɗie, gemu ele hetteb amu, haen ag amu henana, kayak hambuppuak amu dilag kobolppa ag⌋ danab ah ewau matulak ii awak ele, ag laa ele mauhnoak niiglagnu duttunak eheɗ doon, hos hetteb bia uɗa nak iitta ele henana, ag ib baag ah hetteb bia aakku heegeg uɗie, gemu ele hetteb. Ag amu heegeg, uɗie gemu ele hetteb amunu, da heppi, laa ag amu anidna dooppeg, ag Juda, ag uɗalag eheɗ nekku. Laa ag haen amuppa anadkkulag, amge da ahilag eheɗ hak nau, da hak amunu oolppa uuaknab doottem, da hak ahilag amu aakku antten malami. Ag qauko nakok igippa, dadppa ele ⌊kayak hambuppuak noolagppa dup nona binalag menana,⌋ eheɗ hak amu oh heppig, gemu ele hetteb. O gadon, Juda danab ah, ahilagnu gadonnab gadon. Ag heegeg, oolagppa dubuttid daatte; amu haen gane laa ele ukkeb, ag anamib daaglagnu uuglag.” Yawe Nug anam atte.

Jeremaia 16:20

Danab ag ahilag kayak ag eppelagppa hettebte? Ao, ag hetteb, amge ag hetteb ele, amuam kayak genab laa iitta.” Da anam unuqidmi.

Jeremaia 5:7

Da anam dabmemi, amu Yawe Nug inam atte. “O Juda danab ah, da attem hein, bu ii madapa? ⌊Ag eheɗ heegeg,⌋ ag bekkalkad ag da dimeɗan, ag kayak laala, ag kayak hambuppuak amu onilagppa ahilag nai ɠagattag qedatteb. Da ahilag keeke oh ag bau daaglagnu ag mattami, amge ag ohnab ag kayak hambuppuak laulkadppa gona, nug noobppa dup nona binag mena, ah appa daatteb ele, ag amu ele ewau pakkuna gappai kobol hetteb.

Esekiel 18:31

Ag eheɗ hak heppig amu, ag tuɗidna aib heppig. Ag dabmak bau aona, oolag bau ele aon dayeg! Israel danab ah, ag aɗinu mauhkulag hetteb?

Esekiel 20:7

Da amu hein, da ag amelagppa ami. “Ag anen anen oh ag kayak hambuppuak dottolkad, amu oh am uɗig wak ele amu, ag amu binalag mekkulagnu oolag okkai daatte ele amu, ag oh dottolkad amu agappeg ukkeg! Ag Isip dilag kayak hambuppuak dottolkad binalag meppeg, dubuttid nau ag oolagppa aib teum! Da am Yawe, ahilag Kayak.” Da anam ami.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Daniel 5:4

Ag wain lanana, ag ahilkad kayak gol, silwa, bras, aen, ad, menppa dottolkad hak ele, ag amu binalag meppig.

Lewitikas 15:5

Aun laa nug laa amunu niiak aben aɗatte amu, nug lamen nuhig mihalatta, nug le ele laakkuoitte. Anam ha, nug Kayak ele ouqa dayaknu elele iitta dayeb ukkeb, tueb batakku.

Lewitikas 17:16

Amge nug nuhig lamen ii ihalatta, nug le ele ii laakku dayeb, nug eheɗ aakku ha, nug amunu bu aokku,” awa aum.

Namba 31:24

Deɗ eblaih aɗitppa amu ag lamen ahilkad ihaladna, ag Kayak ele ouqa dayaknu elele bekkulag. Ag anam hena, haen tutu dayaknu aab kalakppa nokkulag.” Elieser nug nai amu Israel dilag ban daup amelagppa mattiom.

Aposel 19:26

Amu danab laa onig Pol nug uɗia, danab ah ameg naɗi eeɗatta hambuppue, ahilag dabmak am kaboliak daatte. Ag amu ele anidna dootteb. Antteg, nug Epesus ippaib anam ii heum. Iitta! Nug Asia prowins imu ohppa bia oiyaya, nug anam heum. Nug inam atte. ‘Nigul, danab ag eppelagppa hetteb amu, amuam genab kayak iitta!’ Nug hanhan anam atte.

1 Korint 10:7

Israel oolagppan danab laala heppig bia, ag kayak hambuppuak aib dim lamidppig. Kayak naippa, nai amunu inam daatte. “Danab ah ag ee, le ele lawona, ag ahan gona, ahi uɗa nak ele goɗappig.”

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

Galesia 4:8

Genab, anukka amu ag Kayak ii dooppig amunu, ag kayak bau iitta, keeke Kayak heum ele, ag amu dilag begbeg maɗi nid daappig,

Duteronomi 11:28

Amu ag nai haknunab anak Yawe, ahilag Kayak, Nug toppanu uɗitte amu, ag nai amu dim ii lamidna, ag kayak hambuppuak, ag kayak amu gemu ii doyadtteb, ag kayak amu noolagppa dup nona binalag mekkulag dayeb amu, Yawe Nug itittak nau madakku.

Duteronomi 32:16

Israel danab ah ag wan laala dilag kayak hambuppuak noolkadppa dup noa binag mak kobol hena, amuppa ag heeg, Kayak Nug ahilagnu dahil doya laa aomanu doyak aɗa dayom. Ao, ag kayak hambuppuak dottolkad, Kayak Nug amunu ooppa uuaknab dootte, ag amu noolagppa dup nona binalag meppig amunu, Nug oo nauhom.

Duteronomi 5:7

Na da noolppa dup nona binal menana, kayak laa ele noobppa dup nona, aib binag meme; daib na da noolppa dup nona, da binal mekkut.

Duteronomi 6:14

Am ag danab ah, ag ag taliliattak daatteb amu, ag amu dilag kayak noolagppa aib dup nona binalag meppig.

Duteronomi 7:25

Ag kayak hambuppuak dottolkad adppa hoyattak aab aɗuppa manadppeg eoppeg, silwate, iitta golte amuppa tonadppig dayeb amu, ag gol, o silwa amu amelag qeeb aolobnab dabmak eheɗ aona, aib aoppig. Aɗinu? Yawe, ahilag Kayak, Nug keeke amunu ooppa uuaknab dootte. Ag aib aoppig. Ag aoglag amu, ag pelemppa tena, padal mekkulag.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

Josua 23:7

Ag aib Kanan danab, wan imuppa daatteb ele layam daappig. Ahilkad kayak aib onilag diippig. Ag aib kayak amu onilagppa ahilag nai ɠagattag qedappig; ag aib ahilagnu dup nona binalag meppig, o ag waalagppa daan, ag oɗelag dim lamidppig.

Josua 24:14

Amu Josua nug nai amu mattiowa, nug tuɗitta aum. “Gemu amu, ag Yawenu ebehilag oh bodoetta le meeb, ag Nug waappa daan, Nug oɗe dim lamidkkulagnu oo metta ii uuak kobol tutukkuppa heig! Ag mamelkad aɗi Yupretis le laih appa, Isip wanppa ele kayak hambuppuak noolagppa dup nona binalag meppig ele amu, ag kayak hambuppuak amu oh agappeg goppeg, ag Yawe, Nugib waappa daan, Nug oɗe dim lamitteg!

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.

Josua 24:2

Amu Josua nug danab ah oh amelagppa mattia aum. “Yawe, Israel dilag Kayak, Nug inam atte. ‘Anukkanab ag mamelkad aɗi, ag Yupretis le laihppa appa daanna, ag kayak laala noolagppa dup nona binalag meppig. Ag mamelag anukkanu laa am Tera. Tera nug am Abraham, Nahor ele mamelah.

Josua 24:20

Aɗinu? Ag Yawe uuidna, laa dilag kayak hambuppuak waalagppa daan, ag oɗelag dim lamidkkulag dayeb amu, Nug geha ag diia, huma aqadkku. Nug ahilagnu ena heum, amge eɗua awa, hatteb nauhkkulag,” awa aum.

Josua 24:23

Aakku Josua aum. “Aria, laa dilag kayak hambuppuak ag oolagppa daatteb amu, ag loppaɗna, ag oolag oh kunum ele, Yawe, Israelnu Kayak, metteg!” awa aum.

Jut 1:23

Laa ag aab aɗuppa daatteb bia daatteb amunu, ag ehanadna, qen oqaina diieg! Am laa ag eheɗ hetteb anadna, ag ahilagnu oolag gai-iitta doona oolag mattan ehanatteg! Amge amu henana, ag dabmena autna aonna, kobol alag ag hetteb ele, ag amunu lamen dubuttid ele bianab doonna, ag akka kobol nau amunu nau ninig ele doon, awaidna dayeg!

Ikki Danab 10:16

Israel danab ah ag anam unuqittona, ag heeg, laa dilag kayak hambuppuak dottolkad ag oolagppa ii daaeg, ag Yawe waappa daan, Nug oɗe dim lamidppig. Ag anam heeg, Nug ag uug nau dooppignu, Nug ooppa guittak doyom.

Rut 1:15

Rut nug anam he, Naomi nug aum. “Antte! Na makkep nug eɗua, nug laikkud, nuhig kayak ele gumatta gotte amunu, na eɗun wappe, na nug ele oh ukkeɗ!” awa aum.

1 Samuel 16:5

Betlehem ikki danab ag Samuel anam oɗ mettaeg, Samuel amelagppa aum. “Ao, da ool maɗoɗ ele uɗimi. Da doɗ laa mane, Yawe medakkulnu uɗimi amunu, ag Yawenu tituana mettak daaglagnu hena daan, ag da ele mana mettak amuppa gota daagnig,” awa aum. Samuel nug nai amu mattia mala, nug Jesi, bekkod ele ag Kayaknu tituana mettak daaglagnu ha, Samuel nug ag ele mana mettak amuppa daaglagnu oɗ mattom.

1 Samuel 7:3

Israel danab ah ag anam heegeg, Samuel nug ag amelagppa aum. “Ag meulag ohppa oolag eɗue, Yawe dim lamidkkulagnu hetteb dayeb amu, ag laa dilag kayak hambuppuak dottolkad, amu kayak hambuppuak Astoret iɗu iɗu dottolkad agappeg goppeg, ag noolkadppa dup noa binag mak hekkulagnu uueg! Ag anam henana, ag beɗulag oh agappeg, Yawe, nuhigppa ukkeb, Nugib waappa daan, Nug oɗeib dim lamitteg! Ag amu heppeg, Nug ag Pilistia danab eppelagppanu eɗua diiadkku,” awa aum.