Genesis 34:7 - Nobonob Baibel

⁷ Nug ukka, Jakop toppa te, haen amuppanab Jakop bekkod ag doɗ gumadppigppanu uɗin, nai doon, ag oolagppa guittak doonna, oppoɗilag be amelag kokoɗ eppom. Aɗinu? Sekem nug heehe, Daina ele niipiɗ, amuppa nug Israel oolagppa kobol eheɗ heum; kobol Israel oolagppa ii belo amu, nug heum.

Genesis 34:7 ပူးပေါင်းရင်းမြစ်များ

Genesis 20:9

Baɗanna amu, Abimelek nug Abraham onigppa e uɗie, amegppa aum. “Na ihinignu aɗi heme? Da nahipnu eheɗ aɗi hemi amunu, na kobol imu he, da, dahilad daup ele, ig oh beɗunigppa aab okkai ele iikku daattem? Na keeke ii helom aakku heme.

Genesis 34:6

Anam daye amu, Sekem mameg Hamor nug aha, aab uua, Jakop anidkkunu ukkom.

Genesis 34:8

Anam aakku, amge Hamor nug ag amelagppa aum. “Dahil nid danab Sekem, nug Daina aokkunu oo naɗi daatte. Anam amunu, da ag Daina, nuhig ah daakkunu Sekem mettaglagnu oɗ madattem.

Genesis 46:7

Jakop buɗub amu, ag am nug bekkod, nug aɗekkud, amu nug alakkud danab ah ele. Nug buɗub amu oh, ag aakku nug ele oh Isip wanppa goppig.

2 Samuel 13:21

Amu haen King Dawit nug Amnon heumnu doya amu, nug oppoɗi huanak be, ameg kokoɗ eppom.

Sam 93:5

O Yawe, nahip ɗo iɗu iɗu ii baolin ɠagattagib daatteb. Ao, danab ah ag hanhan, alet na laut am nahipnu tituanak daatte, dubuttid iitta doon, ag ele am oppiaawak daan oiglagnunab daatteb.

Prowerb 7:7

amu da laa ag doyak ii awak ele anatten, da ag oolagppa laa anidmi. Ao, nid bau oolagppa da nid danab bau laa anidmi, Genab, da nid bau laa, nug doyak dabmak ena ele nuhigppa iitta ele anidmi.

Lewitikas 4:13

Amu Israel danab ah oh ag ii doonna ib apiɗidna, ag Yawe keeke ii haknunab aum amu henana, hipunin hekkulag dayeb, Israel danab ah oh ag oh beɗulagppa aab ele. Ge, Israel ag keeke amuppa hipunin ii doonna hekkulag dayeb amu, ag aakku beɗulagppa aab ele.

Lewitikas 4:2

“Na Israel amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Laa nug ii doyaya ib apiɗitta, nug Yawe aɗi keeke ii haknunab aum amu haaha, hipunin hekku amu, nug inam iikku hekku.

Lewitikas 4:27

Aun laa Israel ooppa nug ii doyaya Yawenu ib apiɗitta, Yawe Nug keeke ii haknunab aum amu haaha, hipunin hekku dayeb, nug aakku beɗuppa aab ele.

1 Korint 10:8

Gappai kobol ele, Israel oolagppa laala heppig bia amu ig aib hemut. Ag kobol amu heppig amunu, deɗ laippuppa 23,000 ag mauhppig.

1 Korint 6:18

Ag gappai kobol uun qe-eɗidna oolna ukkeg! Aɗinu? Ag “Hipunin aɗitai danab hette, amuam beɗu dimittimnu keeke,” atteb, amge iitta! Laa gappai hette ele amu, hipunin amuam nug beɗu uug medatte.

Epesus 5:3

Amge gappai kobol, o iitta kobol dubuttid ele, o iitta baubau awaknu hik qak kobol, amuam ahilagppa nakoknab laa aib dayom. Aɗinu? Ag am Kayaknu danab oppiaawak ele amunu, ag kobol amu hekkulagnu am tutukku iitta.

Duteronomi 22:20

Amge danab amunu nai am genab daakku dayeb, ah mameg, anig ele aa ah nug ah beɗu bau amu epponkkulahnu elele iitta daaglah dayeb amu,

Duteronomi 22:21

kobol anamppa, ikki danab ag ah amu aon gona, mameg laug odppa meppeg, danab ah aab amuppan ag nug menppa oppeg mauhkkuoitte. Aɗinu? Ah amu nug kobol nau, uɗa nak guittak ele Israel ooppa heum. Nug mameg laugppa dayaya, danab laa ele niipiɗ. Kobol nau ag oolagppa daamanu, ag heppeg, aib dayom!

Duteronomi 23:17

Israel danab o ah laa, nug laa ag ib baag ah, o ib baag danab ag ahilag kayak hambuppuak laulkadppa daan, ahilag uɗat hetteb amu, ag Israel, ag oolagppan laa nug amubia aib dayom.

Kolosi 3:5

Amunu ag wan imunu kobol, kobol amu ag oolagppa uɗat henana daatteb ele amu, ag kobol amu oh aqappeg iitta meig! Amu da kobol imunu attem; gappai kobol, kobol dubuttid ele, kobol naunu oo ahe ittag doyak, amu baubau awaknu hik qak kobol, amuam kayak hambuppuak binag mak kobol laa aakku, kobol amu ele.

1 Timoti 5:13

Laa ele, ag uɗat ii hak kobol aona, lag lag tena nenana oitteb. Amu uɗat ii hak kobolib iitta, ag laa dilagnu dimug nai mattinna, ag laa dilag dabmak, maittak keeke baolikkulagnu henana, ag nai eheɗ ig akkunignu elele iitta ele maditteb.

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

Jems 3:10

Kayak binag mak nai, amu nai nau ele aa oh ig oɗenig laippuppa bettep. O lailad, ig kobol anam laa ii helom am ena.

Josua 7:15

Ag doppeg amu, da aun nug eheɗ heum amu, nug da Yawe, Nug da ele nug tituana nai qakkak amu tippalom, amuppa nug Israel ooppa kobol naunab heum amunu, ag aun nug keeke dahilnuib, dahil pelemppa daye, yab heum amu, ag nug qeppeg mauheb, ag nug gaɗa, nuhikkud oh ele manadppeg ewaɗ!” ’ ” awa aum.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Ikki Danab 20:6

Amunu da nug gaɗa otaɗe, maha qei, 12 neeg akke, Israel dilag huu okkai anen anen, ag wan ag aulag daakkunu aoppig amu, da anen anen appa pani ukkom. Da anam heminu diig am, danab amu ag Israel oolagppa, gappai heeb baknu kobol, kobol uɗa nak nau guittak ele heppig.