Genesis 34:20 - Nobonob Baibel

²⁰ Ahe amu, Sekem nug mameg ele aa ahilah aab okkaippa ikki danab dilag qagmak aben aab odppa daatte, aa appa aa lailti ele nai mattiglagnu gopiɗ.

Genesis 34:20 ပူးပေါင်းရင်းမြစ်များ

Genesis 22:17

amunu, diig amunu da genabnab genab na itidkkul. Da itidppi, na buɗunad ag appatna, abuɗ le ihippa, o hoɗoppai bia kuɗum daaglag. Ag kekeɗ eɗadna, ahilkad aab diiglag,

Genesis 23:10

Abraham anam a amu, Epron, nug Hit danab oolagppa dayeye, Hit danab ag aab okkainu aɗnu odppa daappig ele amu, ag daulag human daaegeg, Epron nug Abraham oɗeppa awa aum.

Genesis 34:19

Ena doya, Sekem, nug mameg baekkudppa laa oh amelagppa anuqak dayom, nug Jakop aɗeg Dainanu enanagnab doyom amunu, nug paha Jakop bekkod appig bia hekkunu ahom.

Genesis 34:21

Aa goya amelagppa apiɗ. “Danab umu ag ig ele layam batagnignu oolag daatte amunu, antteg! Ig wanenig am okkai, ag ig ele daagnignu elele. Ig apput, ag ig wanenigppa daappeg, ag ig ele daden mak uɗat hekkunig. Ig ag aɗelkad diipput, ag ig aɗenkad diiadkkulag.

2 Samuel 15:2

Nug anam ha, nug ele haen oh buttuanab aha, aab okkainu aɗ od guguittak ib giginppa daattom. Dayeye, laa nug layag nuhignu eheɗ heumnu dabmaama, king nug nai am doya bappaidkkunu uɗieye, Apsalom nug danab amu antta, amegppa, “Na atteg ted?” awa oɗ mette, danab amu nug aab diig, Israel dilag huu okkai attenppa dayom amu, nug Israel dilag huu okkai amu onig diia, “Da am nahip uɗat nid, da Israel dilag huu okkai imuppan danab,” awa nob ma attom.

Job 29:7

Haen amuppa amu, da ikki danab dilag qagmak aben aab odppa daatteppa wami; da wain, appa aabnu haɗap-ppa da heɗep nein daami.

Sam 127:5

Ban danab laa lat aeg kuɗum ele aɗa daya, gamag ahatte bia, danab laa nug bekkod kuɗum ele, nug itittak ena awom daatte. Ag aab okkainu aɗ odppa kekeɗ ele nug mehqak hebeppeg amu, ahilkad kekeɗ ag eɗadkkulagnu elele iitta.

Prowerb 31:23

Wan imunu ikki danab ag nug gamunu ena elele dootteb; gamu nug ikki danab laa amu, nug ag ele oh ikki danab dilag qagmak aben aab ahilag odppa daatte, ag amuppa qagmetteb.

Amos 5:10

Ag Israel danab ag epeɗittak danab kobol tutukku hettebnu nau ninig ele dootteb. Ao, ag danab ag ⌊hettoɗiakppa⌋ nai genabib maditteb, ag ahilagnu ena iinab dootteb.

Amos 5:12

Aɗinu? Da ahilag tappe naknu ebqak okkai amu, da doottem. Ao, da ahilag hipunin, ag am eheɗ nau amu, da amu ele doottem. Amuam ag genab tutukku hak danab ele kekeɗ madatteb. Ao, ag lokkumakppa eheɗ haknu ehanittak aotteb. Ge, ag ele hettoɗiakppa daɗek danab dilagnu nai doya mala hettoɗia epeɗia elele mettak kobol ii dim lamidtteb.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Sekaraia 8:16

Amu Nug ele atte. “Amge ag Israel danab ah, ag imu hekkulagoitte. Ag akka ag ihuhun mattin, ag nai genabib akka akka ahilagppa mattieg! Ag aib nug buppuidppig. Hettoɗiakppa amu, ag nai doya mala hettoɗia epeɗia elele mettak kobol dim lamitteg!

Duteronomi 17:5

ag danabte, o ahte anam eheɗ heum ele amu aon, aab amunu aɗ odppa wana, nug menppa makkuɗppeg mauhkkuoitte.

Rut 4:1

Aria, Naomi, Rut ele aa amunu mattiya daaeheh, Boas nug ikki danab dilag qagmak aben aab nuhig odppa daatte, nug appa ta dayom. Dayeye, danab laa, nug Elimelek ele aa tiig laippunab, Rut ehanidkkunu anuqak dayom, Boas nug tatam nuhignu Rut amegppa aum ele, nug uɗiom. Uɗie, Boas nug onigppa eum. “Ne lai, inam doppe daaɗu!” awa aum. Boas nug anam a, nug do daapiɗ.