Genesis 34:2 - Nobonob Baibel

² Ukke, Hiwi danab onig Hamor, nug am wan amu dilag okkai, nug bekka Sekem nug Daina antta, ameg qe haaha amu, nug nuhigppa kobol eheɗ heum.

Genesis 34:2 ပူးပေါင်းရင်းမြစ်များ

Genesis 10:17

Hiwi danab, Ark danab, Sin danab,

Genesis 20:2

Appa daayya, Abraham nug Sarahnu aum. “Nug amu, da appinal,” awa aum. Anam aum amunu, Gerar dilag king Abimelek nug Sarah nug wau daakkunu awom.

Genesis 33:19

Nug kala daya, nug Sekem mameg Hamor, nug danab amu baekkudppanu wan nug haen tutu dayaknu aab kala dayom, nug wan amu ahilagppanu daden meum. Wan amu, nuhig nob am silwa maha 100.

Genesis 34:27

Appinlah aoya ukkaeheh, Jakop bekkod laa ag uɗin, danab mauhppig ele amu, ag ahilag keeke oh diin goppig. Ag sipsip, makau, donki, ag waalkad, amu nid naunau ele, ag enulag oh, laulagppanu amu omelagppanu ele, ag amu oh diin goppig. Aɗinu? Sekem nug ag appinalagppa eheɗ heum.

Genesis 34:3

Sekem anam ha amu, nug Jakop aɗeg Daina ii uuittom. Iitta! Nug nuhignu oo mauhom. Amu ele, nug Daina amegppa nai enaib madittom.

Genesis 34:30

Anam heeg amu, Jakop nug Simeon, Lewi ele amelahppa aum. “Aa heeh, da onil ippa Kanan, Peres ele danab amelagppa nauha autanab awom. Da dahil daup kuɗum iitta amunu, ag banenig uɗiglagnu qagmena, uɗin iqappeg, ig oh padal mekkunig,” awa aum.

Genesis 6:2

Kayak bekkod ag danab amu aɗelkad, ag iɗulag tuqak ele anadna, ag ahilag dabmakppa diippig.

2 Samuel 11:2

Dayaya, tueb laappa Dawit nug niiak aben nuhigppanu aha, nug laug, koɗokko uɗem ukkak ele amuppa ta oiyom. Nug oiyaya, neekke ukke, nug ah laa le layeye anttom. Ah amu nug iɗu tuqaknab ele.

2 Samuel 11:4

Nug anam a, Dawit doyowa, nug nuhig ehanittak laala ag gona, ah amu omalna uɗilagnu he goppig. Nug he ukkaeg, ah ele oh uɗieg, Dawit nug ah amu ele niipiɗ. Ah amu nug ii uɗiom haenppa kalam qak nuhig male, nug Kayak ele ouqeya daaglahnu elele iitta daamanu, nug ahilag ɗo bia nug Kayak ele ouqa dayaknu elele daaglahnu babaittak oh ha malom. Dawit nug ah amu ele niioya, ah amu nug aha, eɗua nug laugppa ukkom.

2 Samuel 13:14

Tamar nug anam aum, amge Amnon nug nuhig nai dookkunu uuom. Nug uua, nuhig ɠagattag am Tamarnu ɠagattag eɗittom amunu, nug wagai me, Tamar ele niipiɗ.

Job 31:1

Amu da ena daami, haen amuppa da dakka da ele da nug tituanen nai qakkami. Da nai qakkami am, da ah makkun laa oo hak nau ele ii neekkidpa.

Job 31:9

Da danab laa nug wau eeɗila heebeb, da nug ele oignihnu dabmein helomlob amu, ⌊da amunu mauhppi,⌋ dahil ah nug danab laa wau dayebeb oiglah am elele, am tutukku! Ao, da dahil mudippan layal laanu ah ele niignihnu ib babaittette, nug laug odppa daye helomlob amu, danab laa nug ah dahil awa, nuhig ah daalo am elele, am tutukku.

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Matyu 5:28

amge da ag amelagppa inam attem. Danab laa nug amegppaib ah laa antta, nug ele oiglahnu dabmette amu, danab amu nug ewau pakkua gappai hak kobol aakku heum.

Duteronomi 21:14

Amge na nug awona, na nug uuidkutnu oot heeb amu, nug na waat dayom, nug ah makkun iitta amunu, na nug aib meppe, laa daden mekkulagnu maidme, o na aib nug am begbeg maɗi ah nahip daakkunu hettame. Iitta. Na uuidppe, adeppa gokkunu oo hette ele ukkaɗ!

Duteronomi 22:24

ag danab amu, ah amu ele oh diiatna gona, aab amunu aɗ od oɗeppa maatona, ag menppa makkuɗatppeg mauhkkulahoitte. Ah nug ehanittaknu ii eum amunu, ag nuhignu anam hekkulag. Danab nug mauhkku diig am, nug danab laa wau beɗuppa eheɗ heum. Kobol nau ag oolagppa daamanu, ag heppeg, aib dayom!

Duteronomi 22:29

danab amu nug 600 gram silwa, ah mameg medakku. Nug anam hewowa, nug ah amu aokkuoitte. Amunu diig am, nug aɗa, wagai me, ah amu ele aa gappai aopiɗ, ah amu nug baula ah makkun ii daatte. Nug ah amu awowa, nug uuitteb gokkunu elele iitta; gemu, dimppa ele.

Josua 9:7

Ag anam aeg amu, Israel ag nai nob mena, Hiwi danab amelagppa appig. “Ag am miag ippanu iitta amu, ig attem heta doognig? Ag am miag ippanu anam doyadkkunig dayeb amu, ig ag ele nug tituanak ii hemata,” aon appig.

Ikki Danab 14:1

Anam daye amu, deɗ laa Samson nug Pilistia ⌊ag am Israel dilag kekeɗ amu,⌋ nug ahilag wanppa, aab Timna appa ukka, nug Pilistia ah makkun laa anttom.

Ikki Danab 9:28

Ag anam heeg amu, Ebet bekka Gal nug aha aum. “Abimelek am aun? Amu ig Sekem danab ah ele, ig am aun ⌊buɗub? Abimelek nug am Sekem tiilagnab iitta!⌋ Ig aɗinu Abimeleknu maɗi nid daagnig? Nug am Jerubal, ⌊am Gideon,⌋ nug bekka, amu Sebul am nuhig ehanittak danab. Ig ⌊Sekem dilag okkai anukkanu⌋ Hamor, ⌊ig nug buɗubib⌋ waappa daagnig. Ig aɗinu Abimelek waappa daagnig?