Genesis 33:10 - Nobonob Baibel

¹⁰ Awa a amu, Jakop nug aum. “Iitta. Na oot dahilnu ena daatte dayeb amu, keeke da mettami am diikkutnu ool naɗi daatte. Aɗinu? Da Kayak iɗu anidlom amu, da ool okkai gamag ahalo. Amu na ena humiɗme amunu, da na iɗun anidttem, am da Kayak anidlom bia doottem.

Genesis 33:10 ပူးပေါင်းရင်းမြစ်များ

Genesis 19:19

Na da, maɗi nid nahip, na dahilnu ii helom bia me, na ehaniɗme. Na dahilnu oot bodoetta auta awe ehaniɗme, da ii mauhmi. Aakku, amge da doottem, aab imunu padal mak am paha bekku amunu, da qaukoppa gokkulnu am haen elele iitta. Da mauhkkul.

Genesis 32:30

Anam amunu, Jakop nug aum. “Da Kayak ele nug iɗu anttak hemuɗ, amge danab ag anam hena mauhtteb, amubia da ii mauhmi.” Nug anam aum amunu, nug aben amu onig Peniel ataɗom.

Genesis 33:11

Da na keeke imu aokkutnu ool daatte. Aɗinu? Kayak Nug dahilnu oo bodoette enanag maɗoɗ ele ha, dahil keeke oh da meɗe, da elele daattem,” awa aum. Anam anana, nug wagai ma he, Esau nug keeke amu diiom.

Genesis 33:9

Nug anam aum, amge Esau nug aum. “O aman, da keeke oh elele amunu, na keeke amu oh nahipnu aɗe!” awa aum.

Genesis 43:3

Jakop anam aum, amge Juda nug mameg amegppa aum. “Isip danab amu, nug ig amanig aot ii gota amu, ig nug anidkkunignu elele iitta, nug nai amu ɠagattag aum.

Genesis 47:29

Amu haen Israelnu mauhak haen miag uɗiom amu, nug bekka Josep onigppa e uɗie, nug aum. “Na oot dahilnu ena daatte dayeb, na ihinig kobol hena, na eppen da tuɗil waappa mena, nai nahip anan qakkan, na dahilnu oo mauhaknab kobol, oo metta ii uuak kobol ele dim lamidnana, da mauhppi amu, na da gaɗal ippa Isip wanppa ii boummana, na aon gona, da mamelaɗ boumatppigppa, appa da ele boumiɗkkutnu oɗ medattem,” awa aum. Nug anam a amu, Josep nug aum. “Na ame bia amu, da anamib hekkul,” awa aum.

Genesis 50:4

Aria, oo doyak haen iitta me amu, Josep nug Paronu ehanittak anuqak danab amelagppa aum. “Ag oolag dahilnu ena daatte dayeb amu, ag dahilnu inam hekkulagnu ool daatte. Ag gona, Paro amegppa inam appeg dookku. ‘Josep nug inam atte.

2 Samuel 14:24

Amge Joap, Apsalom ele a Jerusalem teeh, King Dawit nug Joap amegppa aum. “Apsalom nug ippa uɗia, da ii aniɗma. Iitta. Nug laugppa ukka dayaɗ!” awa aum. Nug anam aum amunu, Apsalom nug ukka, laugppa ta dayaya, nug ukka, Dawit anidkkunu elele iitta amunu, nug mameg ii anttom.

2 Samuel 14:28

Anam daye ukke, Apsalom nug maɗ aɗit Jerusalem appa dayaya, nug king gumitta taknu aib dayom amunu, nug king nakok laa ii anttom.

2 Samuel 14:32

Joap nug anam a, Apsalom nug aum. “Antte! Da na nai imu aon gona, king medakkutnu oninppa emi. Nai amuam inam. ‘Aɗinu da Gesur uue uɗimi? Da na ii anidttem amunu, da appaib daalom am ena.’ Da na anam king amegppa akkutnu na oninppa emi. ⌊Da na gona, king amegppa anam akkutnu hemi, amge na ii dabmenana, ii uɗime amunu, da hei, dahil maɗi nid ag kobol amu heppig.⌋ Amge gemu amu, da king anidkkulnunab dabmettem. Da anidppi, da eheɗ laa hemi dayeb amu, nug da iweb mauhei!” awa aum.

2 Samuel 3:13

Apner nug ag gona, Dawit amegppa anam akkulagnu ana he, ag gona tena, Dawit amegppa nai amu mattieg doya, nug nai imu Apner dookkunu me ukkom. “Am ena. Da na ele nai qakkagnih, amge keeke laippuib, na tatam heppe, i nai qakkagnih. Na Saul aɗeg Mikal, nug ah dahil amu, na nug eɗun omalna uɗina, da meɗakkut. Na amu ii hekkut dayeb amu, na da gumiɗna aib uɗime,” awa aum.

Job 33:26

Danab Kayak bu amu mettom ele nug eɗua ena daya, nug Kayak unuqittette, Kayak Nug nuhignu ii helo bia me, Nug ehanidtte. Nug Kayak iɗu andatta, nug gamag ahak naɗi doyaya ette. Kayak Nug he, nug eɗua genab tutukku hak danab tatam dayom bia daatte.

Sam 41:11

Na kekeɗ dahil uuatte, ag da ii eɗilppig amunu, da imu doottem, na dahilnu ena doottem.

Jeremaia 31:2

Amu Yawe Nug imu ele atte. “Danab ah ag qep elabppa ii mauhkkulag amu, ag atu taɗakppa daappeg, da ahilagnu ii helom bia me, da ehanadkkul. Da uɗien, Israel ehanadppi, ag maɗoɗ ele daaglag,” awa atte.

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Revelesen 22:4

Ag Nug iɗu anidkkulag, Nug onig amu ag uɗalkadppa daakku.

Rut 2:10

Boas anam a amu, Rut nug gateg qaun o, gomela, iɗu wanppa ma, nug Boas amegppa inam aum. “Da am wan laihnu ah amunu, diig aɗippa na da ena aniɗna, dahilppa kobol ena hettem?” awa oɗ mettom.

1 Samuel 20:3

Jonatan anam aum, amge Dawit nug nuhig nai ɠagattag qetta, nug nob ma amegppa aum. “Na mamen nug na dahilnu ena doottem dootte amunu, nug inam dabmette. ‘Jonatan nug da Dawit qeppi mauhkkunu hettem doya amu, nug ooppa guittak naunab dookku. Nug anam dookku amunu, nug aib amu doyom!’ Nuhig dabmak anam daatte amunu, nug da iweb mauhkkulnu hette amu, dabmak amuam nuhigppaib lokkumak daatte. Nug amu hette am, na nuhig dabmak amu ii doottem, amge Yawe genab bau daatte, na ele genab bau daattem, genab amubia na mamen nug da iweb mauhkkulnu hette; dahil mauhak amu miagnab daatte,” awa aum.