Genesis 32:4 - Nobonob Baibel

⁴ Amu tatam nug ag amelagppa aum. “Ag dahil okkai Esau amegppa inam akkulag. ‘Da Jakop, nahip maɗi nid amu, da inam attem. Da Laban ele daauɗ uɗie, tumaiib appanu ahami.

Genesis 32:4 ပူးပေါင်းရင်းမြစ်များ

Genesis 23:6

“O danab naɗi, doye! Na ippa danab anuqak ig oonigppa daattem amunu, na ah nahip men oɗe enanag, laa oh eɗattakppa boumkkut. Ig oh na ah nahip men oɗe ihinigppa boumkkutnu aɗitai laa ii amata,” aon appig.

Genesis 25:30

“Enug huan iutte amunu, na paha lewa kokoɗ amu meɗappe lai!” awa aum. Anam aum amunu, ag Esau onig laa Edom ataɗppig.

Genesis 27:29

Wanppan wan laalappanu danab ag na waatppa daaglagnu ool daatte. Ao, na amap, amu nug buɗuppud ele ag na waatppa daaglagnu ool hette. Danab laa nug na eheɗ laa anak waappa daakkutnu akku amu, nug eheɗ laa awaknu anak waappa daakkunu ool daatte. Amge danab laa nug itittak ena medakku amu, nug itittak ena aokkunu ool hette.” Aisak nug anam awa aum.

Genesis 27:37

Esau anam oɗ mette amu, Aisak nug oɗeppa awa aum. “Da hemi amu, na nug waappa daattem. Na buɗunad ag ele nug waappa daaglag. Nug ee iɗu iɗu elelenab ele nuhigppa daakku amunu, da na itittak ena nai aɗi laa medakkul?” awa aum.

Genesis 31:41

Maɗ 20 amu da na lautppa daami. Maɗ amu ooppa, maɗ 14 laa amu, da na aɗenaɗ diiatkkulnu nahip uɗat hemi. Maɗ eblaih laippu ele laa amu, da doɗ imu nahip doɗ amegppanu diiadkkulnu nahip doɗ gumak uɗat hemi. Anam aakku, amge na dahil uɗat nob amu haen 10 baolime.

Genesis 32:18

Nug anam ab amu, na inam appe dookku. ‘Doɗ imu oh amu maɗi nid nahip Jakopnu. Nug nuhig danab okkai Esau, hamu mettak nuhig daakkunu me uɗieye, nug dim uɗitte,’ aon akkut,” awa danab amu amegppa aum.

Genesis 32:5

Gemu amu, da doɗ kuɗum ele; makau, donki, sipsip, meeme ele, amu da maɗi nid maɗi ah ele. Na nai imu maɗi nid dahilad oɗelagppa mei gotte amunu, na dahil naɗi, na doona, na oot dahilnu ena daakkunu ool daatte,’ ” awa aum.

Genesis 33:14

Anam aakku amunu, na, dahil naɗi, na anuqna gobeppe, da, nahip maɗi nid, da nid naunau, doɗ ele omaladppi, qinonob gota, na Seir appa anidkkunig,” awa aum.

Genesis 33:8

Anam heeg, Esau nug aum. “Da doɗ ameg laala ibppa anadmi amu, aɗinu?” awa aum. A amu, Jakop oɗeppa awa aum. “O naɗi dahil, na oot dahilnu ena daakkunu mei, aon goppig,” awa aum.

Genesis 36:8

Elele iitta amunu, Esau, onig laa Edom, nug aha ukka, wan laa onig Seir, aben qauko qauko ele, amuppa dayom.

Genesis 36:9

Esau nug Edom danab alalag, amu nug Seir wan, laih qauko qauko ele, amuppa dayom. Nuhig oiyaknu nai am inam.

Genesis 4:7

Na kobol ena heppe, da ool nahipnu ena daakku. Amge na kobol ena ii heppe, hipunin na tonitteb nauhkkut, amge anam am aib. Na hipunin tabappe noaɗ!” awa aum.

1 King 20:32

King Benhadat nug amunu ena doye, ag lamen heɗiag ele takkan, muɗi ikkilagppa itoɗieg daye, ag Israel dilag king Ahap gumidna gona, ag nug amegppa inam appig. “Nahip uɗat nid Benhadat, nug atte. ‘Na oot doyeb, da iuppe ii mauhpanu oɗ medattem,’ awa atte,” aon appig. Ag anam aeg, King Ahap nug ag amelagppa aum. “Nug ana daattete? I am eamag,” awa aum.

Eksodas 32:22

Moses nug anam a, Aron nug Moses aum, nug nai amunu eɗua inam aum. “Danab naɗi dahil, na oot aib nauhom. Aɗinu? Na danab ah imu diilag doottem. Ag kobol nau hekkulagnu amu, ag ib amu oɗeppa daan oitteb.

Prowerb 15:1

Laa nug laanu oppoɗi bak doyaya, nai ɠagattag amegppa ab, layag nug eɗua awa, nai bodoettak metteb amu, oppoɗi bak amuam iitta mekku; amge layag nug nai ɠagattag eɗua nob ma mattieb amu, laa nug oo huana nauhkku.

Prowerb 25:15

Danab nug oo maɗoɗ ele dayak kobol dim lamidkku dayeb amu, nuhig okkai nug dabmak eɗukku bia; amu nai bodoettakppa mattiak amu, amuam heeb, dabmak ɠagattag eppom daatte baolikkunu elele.

Prowerb 6:3

na aakku nahip mudippan laa eppegppa aakku teme daattem amunu, o bekkal, na nug eppegppa daamnanu, na inam hekkut. Na nakka na onin qeppe neeb, na gona, nahip mudippan laippu, na nug ehanidkkutnu ame amu, nug lon amu eɗua daden ii mekku dayeb na hekkut, nug na nai amuppanu uhuqkkunu, na ii daye daye nug oɗ medakkut.

Eklisiastis 10:4

Nahip okkai nug nahipnu oo nauhkku dayeb, na uɗat hekkutnu daattem, na uɗat amu aib uume; na ootppa maɗoɗ doon daye! Aɗinu? Kobol amuam kaliak okkai heeb, elele daakkunu elele.

Aisaia 21:11

Nai meunab ele Duma wanppanu Yawe he, Aisaia doyom ele am iikku. Danab Seir wanppa daatte amu, nug ewa, inam oɗ meɗom. “Aɗi uɗitte anittak danab, haen ganeb geha gatatu iitta mekku? Haen ganebnab iitta mekku amu, na appe doye!” awa eum.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

1 Pita 3:6

Sarah nug Abraham oɗe doya, nuhignu, “Naɗi dahil,” awa attom. Amu ag gemu daatteb ele, ag kobol ena baɗak iitta ele hetteb dayeb, ag nug aɗekkud daatteb.

Ikki Danab 5:4

O Yawe, na Seirnu ahan gome. Ao, na Edomnu ahan, laippuppa tappa ukkak heme. Na anam heehe, wan uɗalom. Ao, wan anam uɗalele, gu huanak ele lombig hab waappa daappigppanu neum.

1 Samuel 26:17

Dawit nug anam awa e, Saul nug Dawit baag doya, nug ewa inam aum. “Dawit, na da bekkal, baag laa doomi amu, amuam na baatte?” Nug anam a amu, Dawit nug nob ma aum. “O naɗi dahil, na am king, ao, da aakku,” awa eum.