Genesis 32:31 - Nobonob Baibel

³¹ Dimppa aam be, Jakop nug Penielnu aha, autaut ukkom. Aɗinu? Nug maɗog am guittak awom.

Genesis 32:31 ပူးပေါင်းရင်းမြစ်များ

Genesis 16:13

Anam amu, Hagar nug Yawe, Nug nug amegppa nai mattiom amu, Hagar onig imu Nug ataɗom. “Kayak Da Aniɗtte Ele Amu, Amuam Na.” Aɗinu? Nug aum. “Laa da aniɗtte amu, gemu da ele Nug anidmi.”

Genesis 19:15

Aria, wagɗe buttuanab engel aɗit aa Lot tappaɗidya apiɗ. “Ag danab aab okkai imuppanu ele oh padal memananu, na paha ahan, ah nahip, aɗenaɗ imu ele diippe, aab imu uun ukkeg!” aoya apiɗ.

Genesis 19:23

Engel anam a, Lot nug Soar te, aam aakku ba malom.

Genesis 32:25

Aa anam nug ehalak heyaya, laa nug Jakop eɗidkkunu elele iitta doyom amunu, nug Jakop maɗog aɗe, Jakop maɗog apiɗittom.

Genesis 32:32

Anam amunu, Israel danab ag haen amuppa digmak uɗiak, gemu ⌊nai imu yaak haenppa⌋ ele, ag diɗi doɗ maɗogppa daatte ii latteb. Aɗinu? Danab eppegppa Jakop maɗog aɗe, apiɗittom.

1 King 12:25

Am King Jeroboam nug Sekem, aab amuam Epraim wanppa, qauko qauko daattebppa dayom amu, nug aab amuppa aɗ, keeke heum. Nug deɗ laala aab amuppa dayom. Dimppa nug appanu aha, nug ukka, Peniel ele dayom. Dayaya, aab amunu aɗ, keeke ele heum.

1 King 18:26

Aria, Balnu propet ag makau dawai laa, danab ah aon uɗin madappig amu, ag amu aon bappaidppig. Ag bappaidna malon, ag kayak hambuppuak Bal unuqidppig. Ag buttuanu digmena, unuqitteg ukke, aam ameg tutukku awom. Ag Bal onigppa unuqidna inam eppig. “O Bal, na ihinig unuqittak imu dookkutnu ig oonig daatte,” aon eppig, amge ag unuqidppignu, auntai laa aɗitai laa ii heum, oɗelagppa laa ele ii awom. Iittanab iitta. Ag ahi goɗan oolna tena, oolna nenan, qaɗab qeppig amu talilidppig.

Sam 38:17

Da nein qekkulnu miag daattem. Da hanhan guittak ele daattem.

Eksodas 24:10

Ag tena amu, ag ⌊nakok uma daanna, neekkeg ukke,⌋ Israel dilag Kayak anidppig. Yawe baeg waappa amu, keeke laa dayom, am keeke otala wan tonak laa ele. Keeke amunu amu, neekkak nuhig am men sapaia, amubia; am hab oppiaawaknab, amubia daye anidppig.

Eksodas 24:11

Israel dilag ikki amu ag Kayak anam anidppig, amge Kayak Nug he, ag ii padal meppig. Aria, dimppa ag aben amuppa ag ee, le ele lappig.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

2 Korint 12:7

Tatam danab laanu mattimi amu daib. Paradisppa amu Kayak Nug da keeke ippuniɗom ele, amuam keeke okkainab. Amunu diig amunu Kayak Nug da dakka onil huan humapanu Nug da beɗulppa keeke laa, qaun bia, da yaaiɗkkunu meɗom. Amuam Satannu maɗi nid, nug da dakka onil huan humapanu tappiɗeb nekkulnu daatte.

2 Korint 12:9

amge Nug da amelppa inam aum. “Dahil ehanittak okkai hamu medattem ele, amuppaib na elele daattem. Aɗinu? Dahil ɠagattag am danab ag gai-iitta daatteb ele, ag ɠagattag aon daaglagnu daatteb amu, dahil ɠagattag ahilagppa aakku uɗat enanagnab hette.” Naɗi Nug anam aum amunu, da ɠagattag iittanu ool uug ii daatte. Iitta! Da amunu Kristusnu ɠagattag aakkuib dahilppa daakkunu maɗoɗppan gamag ahakib doyeye, aɗi keeke da hekkulnu da gai-iitta daattem amu, da amunu onil humakkul.

Duteronomi 5:24

Ag uɗina appig. “Antte! Yawe, ihinig Kayak, Nug binag amahlak oppiaawak nuhig, Nug dagom onig ɠagattag ele, Nug amu ele ig ippunikkom; ig Nug baag aab dittiak ooppanabnu doomut. Gemu ig anidmut, Kayak Nug danab amelagppa nai mattiom me, ig ina bau daattem.

Duteronomi 5:26

Aɗinu? Ig danab ig mauhttem ele, amu ig oonigppanu danab auntai laa nug, ig hemut bia, nug Kayak, hanhan bau daatte, Nug aab ewak laa ooppanu nai mattieye doya, bau dayom? Laal iitta.

Ikki Danab 6:22

Haen Gideon nug aakku laa daya qettoɗom ele, amuam Yawenu engel doya amu, nug ewa aum. “O Naɗi Yawe, ⌊da nauhmi daattem. Aɗinu?⌋ da na, Yawe, da nahip engel amelppanab anidmi,” awa aum.

Ikki Danab 6:23

Nug anam a, Yawe oɗeppa awa aum. “Na maɗoɗ daye! Na aib baɗame. Na ii mauhmana,” awa aum.

Ikki Danab 8:8

Gideon nug anam awowa, nug ukka, Peniel danab eenu oɗ mattom, amge Gideon nug nai nob anamib awom.