Genesis 32:30 - Nobonob Baibel

³⁰ Anam amunu, Jakop nug aum. “Da Kayak ele nug iɗu anttak hemuɗ, amge danab ag anam hena mauhtteb, amubia da ii mauhmi.” Nug anam aum amunu, nug aben amu onig Peniel ataɗom.

Genesis 32:30 ပူးပေါင်းရင်းမြစ်များ

Genesis 16:13

Anam amu, Hagar nug Yawe, Nug nug amegppa nai mattiom amu, Hagar onig imu Nug ataɗom. “Kayak Da Aniɗtte Ele Amu, Amuam Na.” Aɗinu? Nug aum. “Laa da aniɗtte amu, gemu da ele Nug anidmi.”

Genesis 28:19

Gokkaɗowa, nug aben amu onig Betel ataɗom. Anukka aab okkai appa dayom ele am onig Lus adappig.

Genesis 35:9

Aria, Jakop nug Mesopatemianu aha, Betel uɗie, Kayak Nug baula gumitta na, ititta aum.

1 King 12:25

Am King Jeroboam nug Sekem, aab amuam Epraim wanppa, qauko qauko daattebppa dayom amu, nug aab amuppa aɗ, keeke heum. Nug deɗ laala aab amuppa dayom. Dimppa nug appanu aha, nug ukka, Peniel ele dayom. Dayaya, aab amunu aɗ, keeke ele heum.

Eksodas 33:14

Moses nug anam a, aria Yawe Nug aum. “Da amu, da geha ag ele oh gokkunig, amu amuppa da na dahil oo maɗoɗ na medakkul,” awa aum.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Aisaia 9:5

Amu ban danab dilag keeke beɗulagppa mena gona, ban hetteb ele, amu oh geha aab eokku. Baeg gaɗa okkai okkai ahilkad, am bannu danab dilag lamen, tiilag laittak ele, amu oh geha aab eweb, iitta mekku.

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

1 Korint 13:12

Anamib gemu ig Kayak baegppa daatta, Nug attem daatte anidkkunignu amu ig nuhig kobol amu laih nakok nakokib, ig keeke lettod ena iittappa anidttem, amubia anidta doottem, oh ii doottem. Dimppa gogtak haenppa amu, ig Kayak attemnab daatte anidkkunig. Gemu da laihib doottem. Dimppa da Kayak Nug dooiɗtte, amubia da haen amuppa keeke oh antten dookkul.

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

Galesia 1:6

Ag Galesia ag kobol hettebnu amu, da ottaie, dabmak kuɗum aottem. Kayak Nug ag Kristusnu ehanittak okkai hamu mattomppa ag onilagppa eum amu, ag pahanab Nug uuna, ag Jesusnu Nai Ena dimettan, ag nai laa, danab laala ag gona mehuqeg doona, ag nai laa amunu ag, “Nai ena,” aon atteb ele, ag nai amu dim lamidtteb.

Epesus 1:17

ihinig Naɗi Jesus Kristusnu Kayak, Nug am ig Mamenig, Nug binag amahlak oppiaawak ele, Nug ag Ouɗi matteb, ag nuhig nainu diig, Kayak ele tutukku dooglagnu ool dayeye unuqidttem.

Duteronomi 34:10

Mosesnu haen dimppa propet laa Israel oolagppa Moses bia am iitta. Am Yawe, Moses ele, aa nug amegppanab nai madipiɗ

Duteronomi 5:24

Ag uɗina appig. “Antte! Yawe, ihinig Kayak, Nug binag amahlak oppiaawak nuhig, Nug dagom onig ɠagattag ele, Nug amu ele ig ippunikkom; ig Nug baag aab dittiak ooppanabnu doomut. Gemu ig anidmut, Kayak Nug danab amelagppa nai mattiom me, ig ina bau daattem.

Kolosi 1:15

Kayak Bekka Nug am Kayak, danab laa nug Nug anidkkunu elele iitta, Nug bianab aakku daatte. Nug am keeke oh Kayak he beum daatte, Nug amunu ikki anuqaknab daatte.

2 Timoti 1:10

Amu lokkumak dayom, amge gemu ihinig Eɗua Awikkak Danab, Kristus Jesus, Nug uɗia he, miag atiom. Nug mauhaknu ɠagattag he iitta me, ig attemun bauklel aognig amu Nug Nai Enappa ippunikkom.

Hibru 11:27

Moses nug Kayaknu ooppa genab doyom amunu, nug Isip wan uua, aha ukkom. Nug Paronu oo nauhak amunu oo ii baɗom. Amu danab ag Kayak amelagppa anidkkulagnu elele iitta, amge Moses nug anttom bia daya, nug uug doyaya eɗittaknuib dabmak awak kobol dim lamitta dayom.

Josua 5:13

Deɗ laa Josua nug ukka, Jeriko gukkuittak daya, nug ameg huma, danab laa nug Josua noobppa hibaitta dayeye anttom. Danab amu nug qep elab laa eppegppa aɗa dayom amunu, Josua nug gumitta ta, oɗ metta aum. “Na ihinig ban danab laa daattemte, iitta na kekeɗ ihinignu ban danab laate?” awa oɗ mettom.

Ikki Danab 13:17

Engel nug anam a amu, Manoa nug Yawenu engel oɗ metta aum. “Na onin aun? Da oɗ medattemnu diig am, keeke imu oh bekku, haen amuppa i na binan mekkunihnu dabmekkunih amunu, da na oɗ medattem,” awa aum.

Ikki Danab 13:18

Manoa nug anam a, Yawenu engel nug nob ma aum. “Na aɗinu da onilnu oɗ mettem? Da appi doolom amu, na oot ii maidlo,” awa aum.

Ikki Danab 8:17

Nug anam hewowa, Peniel ukka, ahilag lag attan ta ukkak menppa hak amu loppaɗe ne, danab aab amuppan am aqom.

Ikki Danab 8:8

Gideon nug anam awowa, nug ukka, Peniel danab eenu oɗ mattom, amge Gideon nug nai nob anamib awom.