Genesis 32:28 - Nobonob Baibel

²⁸ A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

Genesis 32:28 ပူးပေါင်းရင်းမြစ်များ

Genesis 17:15

Kayak Nug anam awowa, Nug tuɗitta, Abraham amegppa aum. “Na waatnu amu, na Sarai baula aib ame. Aɗinu? Nug onig Sarah daakku.

Genesis 17:5

Da heppi, na wanppan wan laala kuɗum mamelag daakkut amunu, na onin Abraham daakku. Abram tuɗitta ii daama.

Genesis 25:31

Esau anam a amu, Jakop nug oɗeppa awa aum. “Na am nid danab naanaeg. Tatam na nid danab tatamnu dilag itittak ena anuqak oh da meɗappe, da lewa imu medakkul,” awa aum.

Genesis 31:24

Ag anam daaegeg, tuqan amuppa Kayak Nug tulppa Aram danab Laban amegppa aum. “Da na nau aomnanu dabmettak nai imu na amenppa attem. Na Jakopnu eheɗ laa aib heme,” awa aum.

Genesis 32:24

Nug anam ha, nug nukka ag haen tutu dayaknu aab kalak daappigppa appa dayom. Dayeye amu, danab laa be, nug ele nug ehalak heeheh ukke, wakkaɗom.

Genesis 32:27

Jakop nug anam a amu, danab amu nug aum. “Na onin aun?” A amu Jakop nug aum. “Da Jakop,” awa aum.

Genesis 33:20

Wan amuppa nug qaɗab qa, onig El Elohe Israel ataɗom.

Genesis 33:4

Jakop anam he amu, Esau nug qaiqaɗ gumitta uɗia oɗokkia, ootuqitte, aa oh gaapiɗ.

Genesis 35:10

“Na onin gemu am Jakop, amge baula anam ii daama. Aɗinu? Na onin bau am Israel,” awa aum. Anam amunu, Kayak Nug onig Israel ataɗom.

2 Samuel 12:25

Yawe Nug nid amunu oo mauhom amunu, Nug propet Natan nug ukka, nid onig Jedidia ataɗkkunu me ukkom.

1 King 18:31

Nug amu hekkunu amu, nug men 12 qaɗab hekkunu diiom. Jakop buɗub Israel dilag huu okkai 12 daappig, ebqak amubia nug men awom. Anukka Yawe nug Jakop amegppa aum. “Na onin amu Israel daakku,” awa aum.

2 King 17:34

Gemu ⌊nai imu yaak haenppa⌋ ele, danab ameg amu ag kobol amuib dim lamidna henan daatteb. Ag ebehilag oh Yawenu bodoetta le ii mette; iitta. Ag Yawenu haknunab nai, ɗo iɗu iɗu ele, Yawe Nug Jakop buɗub mattom amu, ag amu ii dim lamidtteb. Jakop nug amu, nug danab Yawe Nug onig laa Israel ataɗom.

1 Stori 1:34

Abraham bekka laa am Aisak. Aisak bekoɗ am Esau, Israel ele.

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Aisaia 43:1

Anam, amge gemu Yawe Nug he, ag Jakop buɗub ag huu laippu daatteb ele, Nug ag amelagppa atte. Ao, Yawe Nug, Nug he, ag Israel buɗub ag danab ah laippu daatteb, Nug ag amelagppa atte. “Da ag laa eppegppa dayaknu qagaiettakppanu eɗua uhuqak dayaknu hein madakkul amunu, ag aib baɗappig. Da danab nug laa onigppanab eewo dootte, amubia da ag onilagppa ei, ag dahilad daatteb.

Aisaia 65:15

Ag ahilag hak nau, diig amuppa ag bu eheɗ amu aoppeg, dahilad danab ah ag ag onilag diin, anen anen laa amegppa, ‘Yawe Nug amu dilag bu mattom bia, nahip eheɗ laa awaknu anak waappa dayak am amubia daakkunu ool daatte,’ akkulag.” Yawe Nug anam atte. Amu Naɗi Yawe Nug heeb, ag nau hetteb ag mauhkkulag, amge Nug nuhikkud danab ah onig laa matteb ⌊ag enaib daaglag⌋.

Namba 13:16

Danab amu ag, Moses nug ag Kanan wan tutukku neegna anidkkulagnu maatte goppig. Josua nug am Nan bekka. Tatam amu, nug onig Hosia dayom, amge Moses nug onig Josua ataɗom.

Jon 1:42

Anam ana amu Andru nug Saimon omala, Jesus toppa ukkom. Ukke Jesus antta, amegppa aum. “Saimon, Jon bekka, nahipnu ag geha Sipas akkulag,” awa aum. (Grik naippa Sipas eɗuak am Pita.)

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

1 Samuel 26:25

Dawit nug anam a, Saul nug nob ma aum. “Dawit, da bekkal, Kayak nug geha na itidkkunu ool daatte. Da doottem, na geha uɗat okkai okkai hebeppe, nahip hak am ta, ena gokku,” awa aum. Saul nug anam a, Dawit nug eɗua ugekke, aakku Saul eɗua appagppa ukkom.