Genesis 32:20 - Nobonob Baibel

²⁰ Amu ag nai imu, ‘Nahip maɗi nid Jakop, nug dim uɗitte,’ aon akkulagnu aibnab daulag atiom,” awa aum. Jakop nug anam aum. Aɗinu? Nug inam dabmeum. “Da nuhig daakkunu hamu mettaknu keeke imu mei, anuqa gotte amu, nug amu antta, nug oo eɗukku. Eɗueb amu, haen da awai, nug anidppi, nug dahilnu oo ena daakkutai,” awa aum.

Genesis 32:20 ပူးပေါင်းရင်းမြစ်များ

Genesis 32:19

Jakop nug anam anana amu, nuhikkud maɗi nid laa doɗ ameg gumadppig ele, nug amu oh amelagppa aum. “Haen ag Esau anidna amu, nai laippu anamib amegppa aig!

Genesis 32:21

Anam amu, Jakop nug keeke nug awag nuhig daakkunu hamu medakkunu dabma, nug keeke amu oh tatam he goppig, amge nug amu, nug tuqan amuppa haen tutu dayaknu aab kalakppa dayom.

Genesis 43:11

Anam awa a amu, ag mamelag Israel nug aum. “Ig ib laa iitta amunu, ag inam hekkulag. Ag wan imuppanu keeke ena ena laa, amuam marasin, uppuh leppu, spais digdig, mir, amu ad aɗit onilah pistasia, almon ele, amu meulti lanaknu ele laa aon, bek ahilkadppa inona gona, Isip danab amu, nuhig daakkunu hamu mettaglag.

1 King 20:31

Dayeye, nuhikkud ehanittak anuqak danab ag gona anidna, amegppa inam appig. “Ig nai inam laa deɗ laala doomut. ‘Israel dilag king amu, ag ahilag kobolppa, ag danab laa dilagnu oo mauhaknab doon ehanadtteb.’ Ag anam aeg doomut. Anam amunu, ig inam hetu! Ig lamen heɗiag ele ig imuanigppa takkat, muɗi taliliak ikkinigppa mewota, ig Israel dilag king gumidta gokkunig. Ig anam hekkunignu dayeb amu, nug geha nahipnu oo doyeb, na nitteb ii mauhmana anam oɗ medapput, nug na bau daakkutnu akkutai,” aon appig

Prowerb 15:18

Danab nug oppoɗi paha bette ele, nug he, nug qak ahatte; amge danab nug oo maɗoɗ ele dayak kobol dim lamidtte, nug he, nai hak bodoedatte.

Prowerb 16:14

King nug oppoɗi bak doya, nug danab laa qeeb mauhkkunu elele; amge danab doyak dabmak ena ele nug ha, kingnu oppoɗi bak bodoedakkunu ib madikku.

Prowerb 18:16

Am na danab okkai anidkkutnu gona, nug ena dookkunu na keeke nuhig daakkunu hamu mettaknu aon gokkut; keeke amuam heeb, na nug gumidna gokkut.

Prowerb 21:14

Laa oo nauhak dootte dayeb, keeke nuhig daakkunu lokkumakppa nug mettak amu, amuam he, oo nauhak bodoedatte. Ao, laa oppoɗi bak dootte dayeb, keeke nuhig daakkunu lamen waappa ma, awa ukka, nug mettak amu, amuam he, oppoɗi bak okkai aakku oug mette.

Prowerb 6:35

Ah gamu nug kobol nau amunu daden nob ii aoma. Na daden nob tak gane mekkut amu, amuppa ele na nuhig dabmak elele medakkutnu am elele iitta.

Jona 3:9

Ig anam hepput, Kayak anikka, ihinignu oo bodoetta le meeb, ihinignu oo nauhak huanak uukkutai. Ig iitai mauhmata,” awa aum.

2 Timoti 2:25

Nug laa ag nai nuhig tappaeg nette ele oo bodoettak kobolppa ag ib tutukku ippuanattaɗ! Kayak Nug ag oo eɗuak madakkunu, ⌊ag oolag eɗueb,⌋ ag doyak diig genabib tutukku dooglagnu nug anam hekku.

1 Samuel 6:5

Ag anam mattiona, ag tuɗidna appig. “Mamattin, amu tog ele ag wan imu heeg nauha auta aotte amunu, ag mamattin dottog, amu tog dottog ele hattona, ag Israel dilag Kayak mettaglag. Ag mettanna, amuppa ag Nug binag mekkulag. Ag anam binag meppeg amu, Nug heeb, ag, ahilkad kayak, amu wan ahilag ele, ag oh ena daaglagtai.