Genesis 32:11 - Nobonob Baibel

¹¹ Da Esau nug uɗia, da, dahilad ah, amu nid naunau dahilad ele, nug ihinignu ban hekkunu baɗattem amunu, na da ehaniɗppe padal ii mepanu oɗ medattem.

Genesis 32:11 ပူးပေါင်းရင်းမြစ်များ

Genesis 24:27

“Ig Yawe onig humagnig. Nug am danab okkai dahil Abrahamnu Kayak. Nug Abrahamnu oo mauhaknab kobol, amu Nug oo metta ii uuak kobol ele nuhignu dim lamidtte. Nug da ele ehaniɗom amunu, da Abrahamnu tiig laippu laugppa tutukku uɗimi,” awa aum.

Genesis 27:41

Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

Genesis 27:42

Nug anam a, laa mattie, Rebeka nug doya, nug bekka gehanu Jakop onigppa e uɗie, amegppa aum. “O nan, na awan Esau nug na nitteb mauhppe, nug oo ena daakkunu dabmak awom daatte

Genesis 32:3

Haen amuppa Jakop awag Esau, nug Edom wanppa, onig laa Seir, nug appa dayom. Dayeye, Jakop nug nuhikkud maɗi nid laa ag Esaunu nai aon gokkulagnu he goppig.

Genesis 32:7

Aon aeg, Jakop nug huanak baɗaɗa, dabmak awa, baekkudppa nug ele daappig amu epeɗia, doɗ oh ele epeɗia, ameg aɗit maattom.

Genesis 33:4

Jakop anam he amu, Esau nug qaiqaɗ gumitta uɗia oɗokkia, ootuqitte, aa oh gaapiɗ.

2 Samuel 7:18

Natan nug Dawit amegppa nai amu mattia male, King Dawit nug aha ukka, Yawenu pehppa noa, Yawe noobppa heɗep na dayaya, nug Yawe amegppa aum. “O Naɗi Yawe, da attem daai, da baeladppa ele am attem daaegeg, na da ehaniɗe, da gemu okkai daattem? ⌊Dahilppa ii beum. Iitta! Na ii helom bia, amge na nahip hak enappa aakku heme.⌋

Sam 119:134

Da nahip ɗo dim lamidkkulnu, na danab ag da eheɗ heiɗkkulagnu hetteb eppelagppa dayaknu qagaiettakppanu eɗua uhuqak hena meɗappe, ag da ii heiɗppeg nauhpanu oɗ medattem.

Sam 142:6

Da ool gai-iitta ma auta awa dayeye, nahip ehanittak aokkulnunab daattem amunu, na dahil unuqittak dookkutnu oɗ medattem. Ao, kekeɗ dahilad ag dahil ɠagattag eɗidppig amunu, na ehaniɗppe, ag da heiɗppeg ii nauhpanu na unuqidttem.

Sam 16:1

O Kayak, na da padal mak eɗitten ena daakkulnu ehanittak daattem. Da nahip-ppa ehanittak amu aottem amunu, da na atognoiɗppe ena daakkulnu oɗ medattem.

Sam 25:20

Kekeɗ ag da iumnanu, na ehaniɗppe, da qagaiettak amuppa ii daapanu oɗ medattem. Da uɗa nak ii doopanu unuqidttem. Aɗinu? Na am padal mak eɗitteb ena dayaknu ehanittak dahil daattem.

Sam 31:2

Na dahil unuqittak imu doon, na paha da padal mepanu ehaniɗkkutnu oɗ medattem. Ao, na da kekeɗ niɗamanu ehanittak dahil daakkutnu oɗ medattem. Ge, na aab aɗ ɠagattagnab dahil bia daappe, da nahip ehanittakppa ena daakkulnu unuqidttem.

Sam 43:1

O Kayak, na heppe, tutukku hak dahil miag atikkunu ool daatte. Ao, danab ag nahipnu oo metta ii uuak kobol ii dim lamidtteb amu, ag da naippa meiɗppeg, na dahilppa daanna, ahilag nai qeppe nekkunu oɗ medattem. Ge, haen danab nau, ag hambuppuak danab, ag da heiɗppeg nauhkkulnu heppeg amu, na ehaniɗppe, da ag eppelagppa, qagaiettak amuppa ii daapanu unuqidttem.

Prowerb 18:19

Na aɗi heppe, na awan, o amap nug oo nauhkku dayeb amu, na eɗun nug ele laippu daaglahnu am uug naunab nau, danab nug aab ooppa aben aɗ ɠagattagnab ele eɗidkkunu uug bia. Ao, na laa ele nug qeyaya daaglah dayeb amu, na eɗun heppe, eheɗ hak amu iitta mekkunu am uug naunab nau, aab aɗ ɠagattagnab ele, aab amunu manak qaknu keeke heeb aoɗkkunu uug bia.

Daniel 3:17

Na heppe, laa ag buɗigppeg, aab ewak naɗippa tekkunig dayeb amu, Kayak, ig Nug waappa daatta nuhig maɗi nid daattem, Nug ehanikkeb, ena daagnignu elele. Nug elele amunu, ⌊Nug amu hekkunu ena anidkku dayeb,⌋ O king, Nug ehanikkeb, ig na eppenppa ii daamta.

Hosea 10:14

Anam amu, ban naɗi ahilagppa uɗieb, geha kekeɗ ag ahilkad aab aɗ ɠagattagnab ele oh heppeg nauhkkulag. Haen amuam ⌊King⌋ Salman, nuhikkud daup ele ag Betarbel heeg nauhom, kekeɗ ag amubia ahilagppa hekkulag. Betarbel appa ban danab o danabib ii mauhppig. Iitta. Kekeɗ ag ah, nid ahilkad ele laippu aɗualadna buɗiatteg, wanppa noeg, ag beɗulag oh aoɗatte, hupu hupu neppig.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Duteronomi 22:6

Am na ai teɗ laa wanppa, o ad laa attan, ooppa nag ele, o oppa elete dayeye, anig nug teɗuppa dayeb anidna, na aib anig, nag ele diime.

1 Samuel 12:10

Kekeɗ ag Israel anam eɗatteg, Israel ag Yawe amegppa, ‘Ig na dim metat, ig kayak hambuppuak Bal, Astoret ele iɗu iɗu waalagppa daata, oɗelag dim lamidmut. Ig amu hemut amunu, ig hipunin hemut. Amge na ehanigna, kekeɗ ihinig eppelagppanu awigppe, ig naib waatppa daat, na oɗen dim lamidkkunig. Ig nahip kobolib hekkunig,’ aon appig.

1 Samuel 24:15

Yawe Nug i oh ihinihnu nai doya mala, hettoɗia epeɗieb, da eheɗ laa ii hemi miag atikkunu ool daatte. Nug na eheɗ dahilppa heme bappaidkkunu ele ool daatte, amge da nahip-ppa eheɗ laa ii hepa.” Dawit nug Saul amegppa anam aum.