Genesis 31:36 - Nobonob Baibel

³⁶ Laban anam he amu, Jakop nug oo nauhe, Laban amegppa aum. “Da aɗi eheɗ hemi? Da nahip-ppa aɗi hipunin hemi amunu na inam huana dim lamiɗme?

Genesis 31:36 ပူးပေါင်းရင်းမြစ်များ

Genesis 30:2

Anam a amu, Jakop oo nauhe, nug Rahel amegppa aum. “Da Kayak abenab aokkulnu elele iitta. Nug nukka na oot qakkom amunu, na nid ii menuttem,” awa aum.

Genesis 31:35

Amunu Rahel nug mameg amegppa aum. “Mama, da gemu ah dilag oɗe ele, diig amunu da ahakkulnu elele iitta amunu, na oot aib nauhom,” awa aum. A amu, Laban nug aben oh neekka oiyom, amge nuhikkud kayak hambuppuak dottolkad amu ii anattom.

Genesis 31:37

Na keeke dahil oh qeɗuna amu, na nahip keeke aɗi anidme? Na nahip keeke laa anidme amu, na keeke amu da baeladppa, na baenadppa ele gamalagppa meppe, ag ihinihnu melemel mekkulag.

Genesis 34:7

Nug ukka, Jakop toppa te, haen amuppanab Jakop bekkod ag doɗ gumadppigppanu uɗin, nai doon, ag oolagppa guittak doonna, oppoɗilag be amelag kokoɗ eppom. Aɗinu? Sekem nug heehe, Daina ele niipiɗ, amuppa nug Israel oolagppa kobol eheɗ heum; kobol Israel oolagppa ii belo amu, nug heum.

Genesis 49:7

Ahilah oo nauhak am eheɗ nau, am eheɗ laa awaknu anak waappa daakkunu ool daatte. Ao, ahilah oppoɗi bak ameg kokoɗ eppak ele am naunab dayeye, aa laa guittak mattaglahnu uug ii doopiɗ. Anam amu, oppoɗi bak amuam eheɗ laa awaknu anak waappa daakkunu ool daatte. Anam amunu, da heppi, aa buɗulti ag da, Jakop, ag da buɗulad oolagppa matatun daan oiglag. Ao, da heppi, aa buɗulti am da, Israel, ag da buɗulad oolagppa piɗe piɗe oiglag.

2 King 13:19

Nug anam he, Kayaknu danab, Elisa, nug amu antta, nug oo nauhe, nug king amegppa aum. “Na wan makkuɗme amu, haen tanig ele, o eblaih laippu anam makkuɗlom. Am na anam helomlob, aria geha na Aram oh aqan maladlom. Amge gemu amu na geha haen ewam na ag eɗadkkut aakkuib,” awa aum.

2 King 5:11

Elisa he, danab amu nug ukka, anam a, Naman nug nai amu doya, nug oo nauhe, nug Elisa laug uua aha ugakka, nug inam aum. “Dahil dabmak am inam dayom. Da goppi, propet amu nug dimittim da gukkuiɗa doa aniɗeb daaɗa, nug Yawe, nuhig Kayak, nug Nug unuqitta, eppeg da beɗul laih oɗe ele amu attan bahieb ukkeb, eɗua aweb dokku. Nug anam heeb, oɗe beɗulppa iitta meeb, da ena daalom. Amge iitta.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Namba 16:15

Aa nai anam aeh, Moses nug oo huana nauhe, nug Yawe amegppa aum. “Ag nahipnu mana mettak heppeg amu, na aib aome. Da eheɗ ahilagnu laa iinab hemi, ahilagppanu doɗ donki keeke, da amu laa ahilag iinab aomi,” awa aum.

Namba 20:3

Ag Moses ele aeg ona aeg do, ag appig. “Ig Yawe noobppa, ig lainkad laala ele oh mauhlom amu ena!

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!

1 Samuel 20:32

Saul anam a amu, Jonatan nug nob ma mameg oɗ mettom. “Aɗinu geha na nug qeppe mauhkku? Nug aɗi eheɗ laa heum?” awa oɗ mettom.