Genesis 31:3 - Nobonob Baibel

³ Nug anam antte amu, Yawe Nug Jakop amegppa aum. “Na ahan, eɗun na mamenad, na tiin laippu laa ele, na amu oh dilag wan, wan na domeppa goppe, da ippa ehanidmi, amubia appa ele ehanidkkul,” awa aum.

Genesis 31:3 ပူးပေါင်းရင်းမြစ်များ

Genesis 13:15

Aɗinu? Wan oh na anidttem ele imu amu, da na, na buɗunad ele madappi, haen oh ahilag hanhan daakku.

Genesis 21:22

Haen amuppa Abimelek, amu nuhig ban daup ikki anuqak onig Pikol ele, aa Kayak Nug Abraham ele daapiɗ anidya, aa Abraham gumidya goya, Abimelek nug Abraham amegppa aum. “Na keeke oh hettem amu, Kayak Nug na eleib daattep

Genesis 26:24

tuqan amuppa Yawe Nug Aisak gumitta na, amegppa aum. “Da am na mamen Abrahamnu Kayak. Da na ele daattep amunu, na aib baɗame. Da Abraham, nug am maɗi nid dahil amu, da nuhignu dabmak anuqak aottem amunu, da na itidkkul. Da heppi, na buɗunad ag kuɗum bekkulag,” awa aum.

Genesis 28:13

Yawe Nug adqaɗ igippa dayaya, nug Jakop amegppa aum. “Da am Yawe, na alan Abraham, na mamen Aisak ele dilah Kayak. Na niittemppa, wan amu da heppi, na, amu na buɗunad ele aoglag.

Genesis 28:15

Da na ele daaɗa, na adeppa gokkut amu, da na gumidkkul. Da heppi, na eɗun wan imuppa uɗikkut. Aɗinu? Da na ii uuidpa. Da na ele daaɗa, keeke oh nahipnu hekkulnu nai ain qakkami amu, da hekkul,” awa aum.

Genesis 28:4

amu Kayak, Abraham itittak ena mettom amu, Nug heeb, itittak ena amu na beɗunppa dayebeb, na wan laihnu danab wan imuppa gemu daattem ele amu, Kayak, Abraham amegppa aum bia, na wan imu aokkutnu ool daatte,” awa aum.

Genesis 30:25

Rahel nug Josep menue, Jakop nug Laban amegppa aum. “Da ah diiatkkulnu nahip uɗat elele hemi amunu, na appe, da ah, nid ele diiatte, na uuitte, da appalppa gokkul. Na da nahip uɗat okkainab hemi doottem,” awa aum.

Genesis 31:13

Da am Kayak, na Betel uppa aniɗme ele. Na aben amuppa goɗen men qaɗeppa gokkaɗna, keeke laa genabnab hekkutnu nai anan qakkame. Amu na wan imu paha uuna, eɗun na wanen diigppa gokkut.’ Kayak Nug anam da amelppa aum,” awa aum.

Genesis 31:18

nug sipsip, meeme, doɗ laala ele nug noobppa he ukkaegeg, keeke nug Mesopatemianu diiom ele diie, nug Kanan wanppa, nug mameg Aisak toppa gokkulagnu goppig.

Genesis 31:2

Jakop nug nai anam doya, nug Laban nuhignu ooppa tatam ena doyom bia gemu ii doyom ele anttom.

Genesis 31:4

Yawe Nug anam a amu, Jakop nug doɗ gumattak abenppa dayaya, nug nai me ukke, nug wauuɗ Rahel, Lea ele gumidya uɗipiɗ.

Genesis 32:10

Da am nahip maɗi nid, na dahilnu oo mauhaknab kobol, oo metta ii uuak kobol ele doon hettem, amge da am nid ena amunu na amu helom am iittanab. Anukka da dahil hokkat eleib Jodan le mataɗmi; gemu amu, da danab ameg aɗit ele.

Genesis 32:5

Gemu amu, da doɗ kuɗum ele; makau, donki, sipsip, meeme ele, amu da maɗi nid maɗi ah ele. Na nai imu maɗi nid dahilad oɗelagppa mei gotte amunu, na dahil naɗi, na doona, na oot dahilnu ena daakkunu ool daatte,’ ” awa aum.

Genesis 32:9

Anam awowa, Jakop nug unuqitta aum. “O Yawe, na am da alal Abrahamnu Kayak, da mamel Aisaknu Kayak ele. O Yawe, na dahilnu inam ame, ‘Na eɗun, na appan diigppa, amu na nahipadppa ele gumadna goppe, da na ena atognoidkkul,’ aon ame.

Genesis 35:1

Dimppa Kayak Nug Jakop amegppa aum. “Anukka haen na Esaunu oolna ukkaeye, da nagattoppa Betel appa gumitten nemi. Uppa nemi amunu, na ahan gona, Betel daanna, dahil qaɗab appa qekkut,” awa aum.

Genesis 35:3

Ag anam heppeg, ig ahat, Betel gota, appa ig Kayak noobppa dup nota binag mekkunignu da nuhig qaɗab qekkul. Nug da anukka uug nau ele daami, haen amu dimppa ele da adeppa adeppa oimi amu, Kayak Nug atognoiɗom,” awa aum.

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 90:15

Tatam ig uug mekkae, ig deɗ kuɗum uug amuppa daamut, amu haen amubiaib na heppe, ig gamag ahak doogningnu oɗ medattem. Ao, ig maɗ gane uug anam doomut amu, na heppe, gemu ig oo gamag ahak maɗ anam doognignu unuqidttem.

Eksodas 3:12

Amu Kayak Nug inam aum. “Da na ele daagnih. Amu geha na da, da na Israel ehanadkkutnu meitti gome ootppa genab dookkutnu at am, haen na Israel danab ah omaladppe, ag Isip uuglag, haen amuppa ag oh uɗin, ag qauko imuppa da noolppa dup nona binal mekkulag,” awa aum.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.