Genesis 31:21 - Nobonob Baibel

²¹ Nug nuhig keeke oh awa, oola ukkom. Nug ukka, Yupretis le mataɗa, Gileat wanppa laih qauko qauko ele, nug appa gokkunu ukkom.

Genesis 31:21 ပူးပေါင်းရင်းမြစ်များ

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

Genesis 2:14

Asiria wanppa, laih ulah kaɗag uɗitteppanu daatte amu, appa le laa gotte; nug onig Taigris. Amu le laa onig Yupretis.

Genesis 31:20

Aria, Jakop nug oola gokkunu haenppa nug Aram danab, Laban, nug nug amegppa ii aum. Nug miag atiak ii heum.

Genesis 31:22

Nug anam ugekke, deɗ ewam uue, danab ag Laban amegppa, “Jakop oola ukkom,” aon appig.

Genesis 31:23

Ag anam aeg, Laban nug baekkudppa diie, ag deɗ eblaih aɗit ele Jakop dim lamidnana, Gileat wanppa, laih qauko qauko eleppa nug gukkuidna teppig.

Genesis 37:25

Moɗppa dayeye, nug awakkud ag daanna, ee laegeg, Ismael buɗub Midian wanppanu laa ag Gileatnu uɗin, Isip gokkulagnu doeg, kamel ahilag ag spais digdig, marasin, amu mir ele maon ukkaegeg, Josep awakkud ag danab amu anadna,

Genesis 46:28

Aria, ag Isip wanppa gonana, Jakop nug Juda, ag wan atu onig Gosen appa attem gokkulagnu dookkunu me, anuqa Josep toppa ukkom. Ukka eɗua uɗia omale, haen ag wan atu onig Gosen appa teeg,

2 Samuel 24:6

Ag appa tewona, ag tuɗidna, Gileat gona ebaqona, ag gona wan atu onig Tahtim Hodsi, appa ahilag uɗat hewona, ag gona, Danjan tewona, ag gona Saidon batak danab ebaqadppig.

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

2 King 12:17

Juda dilag king Joas nug Yawenu mettid lag bappaidkkulagnu danab otiattom, amu dimppa Aram dilag king Hasael nug ban danab nuhikkud diie uɗin, Gat aab okkaippa ban hena, ag Gat eɗadna, aab ahilag amu aoppig. Aria, ag aab amu awona, ag Jerusalem aqaglagnu eɗun goppig.

Jeremaia 50:5

Ag gonana, ag laa Sionnu ib adeppa daattenu oɗ mattan doon, ag appigppa gokkulagnu gokkulag. Ag amu hena, ag Sion tewona, ag da, Yawe, ag da ele ig nug tituana nai qakkak hanhan daakkunu qakkagnig. Ag nai qakkak amu daulag ii atima,” awa atte.

Namba 24:1

Aria, Yawe Nug haen aɗit kobol heum dimppa Balam nug doyom, Yawe Nug Israel itittak ena madakkunu ena doyom. Balam nug amu doyom amunu, nug tatam haen aɗit piɗe ukka, eman hak kobol heum bia baula ii heum. Iitta. Nug atu taɗakppa, Israel ag daappigppa neekke ukkom.

Namba 32:1

Ruben buɗub, Gad buɗub, ele amu, ag makau, sipsip ele huana bekkadppig. Ag neegna amu, wan onig Jaser, am wan laa onig Gileat ele, wan aɗit amu aa gikkiɗah huana ele anatppig. Aben amuppa makau, sipsip ele daaglagnu enanag anidppig.

Duteronomi 3:12

Ig wan amu ihinig daakkunu aot, da wan maha Aroernu ukkak, Arnon oolnu noak eleleppa daatte, amu Gileatnu wan qauko qauko ele, amunu maha laa ele, nuhig aab oh ele, da wan amu Israel dilag huu okkai Ruben, amu Israel dilag huu okkai Gad ele mattami.

Ikki Danab 10:18

Ag Mispa appa daanna amu, Gileat ikki danab ag akka akka appig. “Aun nug tatam banelag ukka, Amon ele ban hekku amu, nug Gileat danab ah gumadkku,” aon appig.