Genesis 31:19 - Nobonob Baibel

¹⁹ Amu Laban nug tatam sipsip uɗilag otaɗkkunu ukkom. Aria, haen amuppa Rahel nug mamegnu kayak hambuppuak dottolkad danab ag laulkadppa maatteg daatteb, nug nigul amu yab diiattom.

Genesis 31:19 ပူးပေါင်းရင်းမြစ်များ

Genesis 24:38

Na gona, da mamel buɗubppanu, aab ikki dahilppanu ah nuhig aokkut,’ awa aum.

Genesis 31:20

Aria, Jakop nug oola gokkunu haenppa nug Aram danab, Laban, nug nug amegppa ii aum. Nug miag atiak ii heum.

Genesis 31:30

Aria, na appanppa gokkutnu oot huanak daatte amunu, na da appal uun uɗime, amge aɗinu na dahilad kayak yab diime?” awa aum.

Genesis 31:32

Amge na nahipad kayaknu ame amu, aun laa nug ig oonigppa keeke amu diiom anidppe, nug mauhkkuoitte. I baentadppa imu oh amelagppa na neegna, keeke nahip laa anidna amu aokkut,” awa aum. Jakop nug Rahel nug mamegnu kayak hambuppuak dottolkad yabhoi diiom amu, nug ii doyom.

Genesis 31:34

Noa amu, peh lag amuppa ele Laban nug keeke oh elele neekkom, amge nug nuhikkud kayak hambuppuak dottolkad amu ii anattom. Aɗinu? Rahel nug mamegnu kayak hambuppuak dottolkad danab ag laulkadppa maatteg daatteb, nug dottolkad amu kamel gomeppa dayaknu keeke, ag amuppa keeke inatteb ele, nug amuppa inatta, qaɗeppa heɗep na dayom.

Genesis 31:35

Amunu Rahel nug mameg amegppa aum. “Mama, da gemu ah dilag oɗe ele, diig amunu da ahakkulnu elele iitta amunu, na oot aib nauhom,” awa aum. A amu, Laban nug aben oh neekka oiyom, amge nuhikkud kayak hambuppuak dottolkad amu ii anattom.

Genesis 35:2

Kayak Nug anam a amu, Jakop nug nuhikkud daup amelagppa aum. “Ag laa dilag kayak hambuppuak ahilag oh ig ele daamnanu hena, ag oppiak daaglagnu hena, ag lamen ihak ele takkeg!

Genesis 38:13

Ukkaeheh, danab laa nug Tamar amegppa aum. “Na ahipan Juda, nug sipsip uɗilag otaɗadkkunu Timna gotte,” awa aum.

2 Samuel 13:23

Amu anam daye ukke, maɗ aɗit uue, Apsalom nug danab laa ag nuhikkud sipsip uɗilag otaɗkkulagnu onilagppa e, ag aab laa onig Balhasor, Epraim guguittak, ag appa sipsip uɗilag otaɗegeg, Apsalom nug king bekkod oh ag appa gona, oo gamag ahaknu hobul nug heeb anidkkulagnu aum.

2 King 23:24

Josaia nug danab ag danab mauhak ele gamag danab, mauhak ele mattiak danab amu, nug ag lamattom. Laa amu, nug kayak hambuppuak dottolkad danab ag laulkadppa maatteg daatteb, amu kayak hambuppuak dottolkad danab ag laulkadppa maatteg daatteb laala oh akke ukkom. Amu ohnu amu, Yawe nug ooppa uuaknab dootte, am Josaia nug amu oh Jerusalem appa, am Juda wan ohppa ele he ii daappig. Aɗinu? Nug Kayaknu ɗo nai oh, ɗo nai bukppa dayom, mana mettak danab Hilkaia nug buk amu Yawenu mettid lagppa anttom amu, nug ɗo amu oh dim lamidkkunu oo dayom.

Esekiel 21:21

Aɗinu na anam hekkut? Babilon dilag king nug ukka ukka, ib oɗatleppa ta, nug baeg ya dayaya, nug ib atten dim lamitteb, nuhigppa enaib bekku dookkunu nug appa kayak hambuppuak oɗeppa nai dookkunu kobol digdig hekku. Kobol laa nug hekku am nug lat doɗoppa om yaakku. Laa amu, nug kayak hambuppuak dottolkad danab ag laulkadppa maatteg daatteb, nug ag oɗ madakku. Amu laa nug doɗ laa qa, nug gamag awa, gamag qaɗeppa nug attem hekku dookkunu ɠagattag neekkidkku.

Hosea 3:4

⌊Amu bia amu⌋ Israel danab ah ag geha haen elabnab king iitta, anuqak danab iitta, Kayaknu dabmak doyaknu men aɗit iitta, ag mana mettak danab iitta, ag kayak hambuppuak dottog laa iitta, amu ag doɗ manadna, Kayak mettaglagnu ele, elele iitta daaglag amunu, ⌊ag Kayaknu dabmak pehettak aon, Nugib ag atognoadtte dabmekkulag⌋.

Josua 24:2

Amu Josua nug danab ah oh amelagppa mattia aum. “Yawe, Israel dilag Kayak, Nug inam atte. ‘Anukkanab ag mamelkad aɗi, ag Yupretis le laihppa appa daanna, ag kayak laala noolagppa dup nona binalag meppig. Ag mamelag anukkanu laa am Tera. Tera nug am Abraham, Nahor ele mamelah.

Ikki Danab 18:31

Amunu Israel dilag huu okkai Dan, amuppan danab ah ag Maikanu kayak hambuppuak dottolkad noolagppa dup nona binalag meppig. Haen Israel laa ag Silo appa Kayaknu peh laugppa Kayak binag meppig, Dan ag haen amu oh kayak hambuppuak amu binalag meppig.

1 Samuel 15:23

Aɗinu? Kayaknu nai tappe naknu am hipunin nau; eman hak bia. Beɗuppa tak kobol am ele hipunin nau; kayak hambuppuak dottolkad danab ag laulkadppa maatteg daatteb noolkadppa dup noa binag mak bia. Na Yawenu nai dim lamidkkutnu uume amunu, Nug king dayaknu ehah na eppenppa, na buɗunad eppelagppa ele daakkunu uutte,” awa aum.

1 Samuel 19:13

Dawit nug oole, dimppa Mikal nug keeke laa adppa danab dottog bia hoippig, anttak nuhig am danab bia, nug amu awa, niiak balalppa me niieye, nug lamen laa awa, ad hoyak amu laittowa, amu meeme uɗig laala diia, ikki uɗug bia igippa me, anttak nuhig am danab niitte bia niiom.

1 Samuel 25:2

Aria, enub danab laa, nuhig en am okkainab ele, nug onig am Nabal. Nabal nug am Kalep huuppan danab, amu nug appag diig am atu onig Maon, appa. Nug wau onig amu Abigel. Abigel nug iɗu tuqak enanag; nug dabmak pahaettak ele, amge Nabal nug am danab oo nauhe oiyak ele. Nug laa guittak paha medakkunu ha oiyom. Nabal nug meeme 1,000 am sipsip 3,000 ele. Anam amu, nug nuhig wan maha laa aab Karmel guguittak dayom, amu haen laa nug appa sipsip uɗilag hoyak uɗat heum.