Genesis 31:10 - Nobonob Baibel

¹⁰ Aria, haen laa, upinattak haenppa da tulppa Kayak he, meeme dawai ag beɗulag geɗaɗa elab ele, o ag beɗulag otultul ele, o ag beɗulag geɗaɗa ele, agib doɗ anig papalattegeg anadmi.

Genesis 31:10 ပူးပေါင်းရင်းမြစ်များ

Genesis 20:6

Abimelek anam a amu, Kayak Nug tulppa eɗua, nug amegppa aum. “Da doottem, na keeke imu heme, amge na doonna ii hee, na beɗunppa aab iitta amunu, da hei, na dahilppa hipunin ii heme. Da hei, na nug ele ii oipiɗ.

Genesis 28:12

Niiaya, tuqan tulppa nug adqaɗ laa anttom. Adqaɗ amu diig wan ya ukka, hab aabppa tak dayeye anttom. Dayeye, Kayaknu engel ag adqaɗ amuppa nenan tenan daappig.

Genesis 30:39

ag ad eppeg anttegeg, haen amuppa dawai anig pappalatteg, anig ag nakkud beɗulag geɗaɗa elab ele, o ag beɗulag otultul ele, o ag beɗulag geɗaɗa ele menuadppig.

Genesis 31:11

Anatti amu, Kayaknu engel nug da onil diia a, da inam ami. ‘Da ina, aɗitai, appe dookkul,’ awe ami.

Genesis 31:12

Da anam ai, Kayaknu engel nug aum. ‘Doye! Keeke oh Laban nug nahip-ppa heehe, da anidmi amunu, na neegna, meeme dawai ag beɗulag geɗaɗa elab ele, o ag beɗulag otultul ele, o ag beɗulag geɗaɗa ele, agib doɗ anig pappaladtteb anidkkut.

Genesis 31:24

Ag anam daaegeg, tuqan amuppa Kayak Nug tulppa Aram danab Laban amegppa aum. “Da na nau aomnanu dabmettak nai imu na amenppa attem. Na Jakopnu eheɗ laa aib heme,” awa aum.

Genesis 31:9

Kayak Nug anam haaha, Nug aa mamelahnu sipsip, meeme ele kobol anamppa da meɗom.

Genesis 37:5

Aria, haen laa Josep nug tulppa keeke laa anttom. Anttowa amu, nug awakkud amelagppa a, ag nuhignu nau ninig ele doon tuɗitteg, okkainab meum.

1 King 3:5

Solomon nug anam ha, nug tuqan Gibeon appa niieye, Yawe Nug tul niiakppa gumitta na, amu Kayak Nug aum. “Na aɗi keeke da medakkulnu oot hette amu, na appe doyei!” awa aum.

Namba 12:6

Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.

Duteronomi 13:1

Geha propet laatai, o danab nug butti aɗi keeke laa bekkunu daatte tulppa anidtte amu, nug Kayak dabmettaknu kobol danab haknu elele iitta, o uɗat ɠagattagnab laa bekkunu ab dooglagtai.