Genesis 30:27 - Nobonob Baibel

²⁷ Jakop anam a amu, Laban nug oɗeppa awa aum. “Na oot dahilnu ena daatte dayeb amu, na gokkutnu aib heme. Na da ele ippa daagnih. Aɗinu? Da dahil emanppa Yawe Nug nappa da itiɗom anidmi.

Genesis 30:27 ပူးပေါင်းရင်းမြစ်များ

Genesis 12:3

Danab aun laa na itittak ena medakku, da nug itittak ena medakkul, amge danab aun laa na eheɗ laa awaknu anak waappa daakkutnu akku amu, da nug eheɗ laa awaknu anak waappa daakkunu akkul. Wanppanu huu oh ag nahip-ppa itittak ena aoglag,” awa aum.

Genesis 18:3

Anam ha amu, nug ⌊amu oolagppa laa amegppa⌋ aum. “O danab naɗi, na oot dahilnu ena daatte dayeb amu, na da, maɗi nid nahip, na da eɗilna aib gome.

Genesis 26:24

tuqan amuppa Yawe Nug Aisak gumitta na, amegppa aum. “Da am na mamen Abrahamnu Kayak. Da na ele daattep amunu, na aib baɗame. Da Abraham, nug am maɗi nid dahil amu, da nuhignu dabmak anuqak aottem amunu, da na itidkkul. Da heppi, na buɗunad ag kuɗum bekkulag,” awa aum.

Genesis 30:30

Na amu doottemnu diig am, anukka na enun kuɗum iitta, amge dahil uɗat ohppa Yawe Nug ititte, na gemu enun kuɗum ele daattem. Anam aakku, amge gemu dahilnu am attemun? Da ganeb dahilad dilagnu keeke digmein aokkul?” awa aum.

Genesis 33:15

Jakop anam a amu, Esau nug aum. “Akku amunu, da dahilad danab laa na medappi, na ele daanna, na omaidna gokkulagnu ool daatte,” awa aum. A amu, Jakop aum. “Na, dahil okkai, na oot dahilnu ena daakkunu ippuniɗme, am aakku elele,” awa aum.

Genesis 34:11

Hamor nug anam a amu, Sekem nug Daina mameg, awakkud ele amelagppa aum. “Ag oolag dahilnu ena daakkunu ool daatte. Ag Daina meɗona, ag nuhignu ennu aɗi appeg amu, da madakkul. Ag en okkainu akkulagnu amu, aib uug aqom. Keeke laippu aakkuib am da oolppa anuqak daatte. Amuam ag ah amu dahil ah daakkunu da meɗaglag,” awa aum.

Genesis 44:5

Aɗinu ag dahil okkainu kap silwappa heppig yab aoppig? Dahil okkai nug kap amuppa le lanana, eman uɗat nuhig amuppa ele hette amu, ag iite dootteb? Ag nau heppig,’ aon a!” awa aum.

Genesis 47:25

Josep nug anam a amu, ag appig. “Naɗi ihinig, na ig ehanikke, ig ii mauhmut. Na ig enaib ehanigme amunu, ig Paronu maɗi nid daagnig,” aon appig.

2 Samuel 6:11

Dawit nug Yawenu Tituanak Nainu Kunup Obetidom laugppa appa me, Tituanak Nainu Kunup kalam ewam appa dayom. Dayeye am, Yawe Nug Obetidom, nug baegppa oh ele itattom.

1 King 11:19

Paro nug Hadatnu oo enanag dayom amunu, nug ah laa mettom. Ah amu nug am Kuin Tapenes makkeg. Tapenes nug am Paro wau.

Nehemaia 1:11

O Naɗi, da am nahip maɗi nid daattem, laa ele ag na oninnu ebehilag oh bodoetta le mekkunu enanagnab doon, ag nahipad maɗi nid daatteb, ag amu, da gemu, na ig oh, ihinig unuqittak imu dookkutnu oɗ medattem. Gemu da king noobppa daakkul amu, haen amuppa na heppe, king nug dahilnu ena dookkunu oɗ medattem.” Da anam unuqidmi, amu haen amuppa da kingnu wain mettak danab daami.

Nehemaia 2:5

da king amegppa ami. “O king, na ootppa ena dookkut dayeb, da nahip maɗi nid, da nahip neekkakppa ena daattem dayeb amu, na heppe, da Juda wanppa, aab okkai laa da mamelad aɗi appa boumak daatteb ele amu, da aab amuppa ukken, da aab amu eɗuen bappaidkkulnu oɗ medattem,” awe ami.

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Eksodas 3:21

Amu da geha heppi, Isip danab ah ag, ag Israel ahilagnu ag ii helob bia me, ag ehanadkkulag amunu, haen ag Isip uun gokkulag, ag hamu iinab gomana.

Aisaia 6:13

Am danab ah laib laib laa wan imuppa daaglag, amge da baula heppi, wan imu eɗua baula nauhaknab daakku. Amge amu dimugppa danab ah dahilad oppiaawak ele laippu laippunab, ag ad laa oeg qiiom, diig daatte, ag amubia daaglag. Ag ad terebint laa, o ad ok laa ele oeg, diig dayaya, ita bette amu, danab ah dahilad ag amubia hekkulag,” awa aum.

Aisaia 61:9

Wan atu ohnu danab ah ag dahilad danab ah buɗulkad dooglag. Ge, wan atu ohnu danab ah ag dahilad danab ah dilag menuattak dooglag. Ag amu dooppeg, aun aɗi ag dahilad danab ah buɗulkad anadna amu, ag inam dooglag. ‘Danab amu ag Yawenu danab ah. Yawe ag itittak ena mattom.’ ” Yawe Nug anam atte.

Aisaia 65:8

Amu Yawe Nug atte. “Danab ag grep meunu leppu aonna, ag grep meu aɗa auta awak laa, meu amunu leppu oh ii awak anidna, ‘Leppu ina daatte amunu, ig keeke ena imu, keeke ena iitta ele oh laippu, hamu buɗipput ukka nauhkkunu ii hemata,’ atteb, amubia da Juda danab ah, ag am dahilad maɗi nid maɗi ah ele amu, da ahilagnu anam hekkul. Da ahilagnu dabmeine, da ag ohnab, hadappi ii nauhmana.

Daniel 1:9

Amu Kayak Nug matu he, danab okkai amu nug Danielnu oo ena daye, nug Danielnu oo ele doyom,

Namba 11:11

Amu Moses nug oo elele iitta doya, Yawe oɗ mettom. “Na uug imu aona, maɗi nid nahip da, da qaɗelppa meme amu, da amunu diig ii doottem. Aɗi eheɗ laa hemi amu he, na amunu oot elele ii daye, na danab ah imu oh atognoattaknu uɗat da meɗame?

Namba 11:15

Na tuɗidna, da uug naunab amubia maokkulnu akkutnu dabmettem dayeb amu, da hekkulnu elele iitta amunu, na dahilnu ena doottem dayeb, na iuppe mauhkkulnu oɗ medattem. Na dahilnu oot dootte dayeb amu, na heppe, da uug naunab waappa nauhak ii aopanu oɗ medattem,” awa aum.

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.

Rut 2:13

Boas nug anam a amu, Rut nug nob ma aum. “O danab okkai dahil, na dahilnu ii helom bia me, na ehaniɗme. Na dahilnu nai bodoettak mattime amunu, da oolppa ɠagattag qettak doottem. Nahipad maɗi ah daatteb amu, ag am da eɗilak daatteb, da ag bia ii daattem, amge na kobol enanag dahilnu aakku heme,” awa aum.

1 Samuel 16:22

Am Dawit nug keeke anam heehe amu, Saul nug Jesi toppa nai me ukke aum. “Da Dawitnu oolppa ena doottem amunu, nug da ele ippa daaɗa, da ehaniɗkkunu oɗ medattem,” awa aum.