Genesis 3:9 - Nobonob Baibel

⁹ Anam daaeheh, amu Yawe Kayak Nug Adam onigppa ewa aum. “Na adeppa daattem?” ewa oɗ mettom.

Genesis 3:9 ပူးပေါင်းရင်းမြစ်များ

Genesis 11:5

Danab ag anam heegeg amu, Yawe Nug ahilag aab okkai, amu lag attan ta ukkak ahilag ele anidkkunu neum.

Genesis 16:8

Engel Hagar antta amu, nug Hagar oɗ mettom. “Hagar, Sarainu maɗi ah, na adeppanu uɗime? Na adeppa gottem?” awa oɗ mettom. Anam ana oɗ mette, amu Hagar nug engel oɗeppa awa aum. “Da dahil okkai Sarai uuitten oole gottem,” awa aum.

Genesis 18:9

Lanana amu, ag Abraham oɗ medappig. “Na waat Sarah adeppa daatte?” oɗ medappig. Ag anam oɗ mettaeg amu, nug aum. “Nug peh lag ooppa, uppa uma daatte,” awa aum.

Genesis 4:9

Mauhe amu, Yawe Nug Kain amegppa aum. “Na amap Abel adeppa daatte?” awa oɗ mettom. Oɗ mette amu, Kain nug aum. “Eetai, da ii doottem. Da haen oh Abel gume daakkulnu daattemte?”

2 King 5:25

Aa ukkaeheh, Gehasi nug noa, nuhig okkai Elisa noobppa dayom. Dayeye, Elisa nug antta oɗ mettom. “Gehasi na adeppa gowona uɗime?” awa oɗ mettom. Oɗ mette amu, Gehasi nug aum. “Da, nahip maɗi nid, da adebtag laa ii gomi,” awa aum.