Genesis 3:6 - Nobonob Baibel

⁶ Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Genesis 3:6 ပူးပေါင်းရင်းမြစ်များ

Genesis 3:12

Yawe Kayak Nug anam oɗ mette amu, danab nug aum. “Ah imu na da meɗame amu, nug ad meu meɗe lami,” awa aum.

Genesis 3:17

Yawe Kayak Nug anam awowa, nug eɗua Adam amegppa aum. “Na waatnu nai dim lamidna, ad meu aa ii lamayanunab ami ele lame amunu, na beɗunppa wan am eheɗ laa awaknu anak waappa daatte. Anam daatte amunu, na haen oh ee aokkutnu uɗat okkai guittak ele hekkut.

Genesis 39:7

amunu, Potipar wau nug nakok dimppa amu antta, ameg qe, Josep amegppa aum. “Doppe, da ele niiɗu!” awa aum.

Genesis 6:2

Kayak bekkod ag danab amu aɗelkad, ag iɗulag tuqak ele anadna, ag ahilag dabmakppa diippig.

2 Samuel 11:2

Dayaya, tueb laappa Dawit nug niiak aben nuhigppanu aha, nug laug, koɗokko uɗem ukkak ele amuppa ta oiyom. Nug oiyaya, neekke ukke, nug ah laa le layeye anttom. Ah amu nug iɗu tuqaknab ele.

1 King 13:19

Aakku Kayaknu propet Judanu, nug nai amu doya, nug ahe, propet kaino ele eɗuya, nug laugppa goya, ee, le ele mette laum.

Job 31:1

Amu da ena daami, haen amuppa da dakka da ele da nug tituanen nai qakkami. Da nai qakkami am, da ah makkun laa oo hak nau ele ii neekkidpa.

Esekiel 24:16

“Danab bekka, da heppi, laa na nuhignu oot huanaknab mauhtte amu, nug mauhkku. Nug oɗe ma, haen elab dayaya ii mauhma. Iitta. Nug danab oɗe awa, pahanab mauhtte bia mauhkku. Nug mauhkku, amge na mahittak, gayak, ele nuhignu aib heme. Amen leb ele aib neum.

Esekiel 24:21

⌊Esekiel⌋ na Israel danab ah ⌊na ele Babilon ippa diia ukka laih me dayak danab ah daatteb amu⌋ na ag amelagppa inam appe doyeg! Naɗi Yawe Nug inam atte. ‘Da heppi, hipunin hak danab, Israel buɗubppan iitta, ag dahil mettid lag heppeg nauhkku. Ag Israel, ag dahil lag ag oolagppa daattenu enanag doon, “Lag amu ig oonigppa daatte amunu, aɗitai laa heeb, ig ii nauhmata,” aon atteb. Ag lag amunu enanagnab doon, lag amunu ag oo mauhak bia dootteb. Ag anam dootteb, amge gadon, ag bekkalkad aɗelkad Jerusalem appa daatteb, bekkalkad aɗelkad amu ag banppa mauhkkulag.

Esekiel 24:25

Yawe Nug anam ana, Nug nai tuɗitta, da amelppa aum. “Danab bekka, da heppi, kekeɗ ag uɗin, da laul heppeg nauhkku. Israel ag lag amu ag oolagppa daattenu maɗoɗppan gamag ahak madatte doon, lag amu ag binalag amahlak oppiaawak ele madatte dabmenan, ag lag amunu enanagnab doon, lag amunu ag oo mauhak bia dootteb, amge kekeɗ ag heppeg nauhkku. Da heppi, kekeɗ ag anam hena, ag bekkalkad aɗelkad ele diin gokkulag.

Hosea 6:7

Yawe Nug anam ana, Nug Israelnu tuɗitta aum. “Adam nug dahil nug tituana nai qakkak tippalom, amu Israel danab ah, ag ele anam aakku heppig. Ag da ippunadmi bia, da dim lamiɗkkulagnu uun heppig.

Matyu 5:28

amge da ag amelagppa inam attem. Danab laa nug amegppaib ah laa antta, nug ele oiglahnu dabmette amu, danab amu nug ewau pakkua gappai hak kobol aakku heum.

1 Timoti 2:14

Laa ele, Adam nug nai hambuppuaknu ooppa genab ii doyom. Ah nug nai hambuppuak ooppa genab doya he, hipunin beum.

Josua 7:21

Da banppa keeke aomut ooppanu amu, da lamen elab enanag laa Babilon appa heppig antten awe, da 2.3 kilogram silwa, amu gol maha laa, uug nuhig am 600 gram, da amu ele awen uɗimi. Da keeke amu amel qe aolomnab dabmak eheɗ aomi amunu, da akke uɗimi. Da dahil peh waappa, wan ooppa lokkumadmi daatteb. Silwa amu laa oh eɗattak unuqagnab boummi daatte,” awa aum.

1 Jon 2:16

Aɗinu? Ig doottem, wanppan keeke oh, amuam beɗu kobol haknu oo hak nau dim lamittak, ameg qak doya awaknu oo hak nau dim lamittak, amu nukka binag maknu oo hak nau dim lamittak ele, kobol amu oh am Mame toppanu iitta, keeke amu oh am wanppanuib.

Ikki Danab 14:17

Nug anam a, wau nug deɗ amuppa gayakppaib dayom. Anam dayaya, wau nug anamib gamunu oɗmak laa, nuhig nob unuqagnab daatte ele amu, nug nai amunu mehuqak dookkunu ge iitta haaha dayom amunu, Samson bahi ye, nob mehuqe doya, wau nug nai nob amu danab oɗmak heppig ele, nug ag amelagppa mattiom.