Genesis 3:5 - Nobonob Baibel

⁵ Kayak dootte, haen aa ad amu meu lakkulah amu, aa keeke ena, nau ele dooyya, Nug bia daaglah amunu, ⌊Nug ɗo meum⌋,” awa aum.

Genesis 3:5 ပူးပေါင်းရင်းမြစ်များ

Genesis 2:17

amge na keeke ena, keeke nau ele doyaknu ad, nuhig meu amu, na aib lame. Aɗinu? Deɗ laa na lawona, na mauhkkut,” awa aum.

Genesis 2:9

Yawe Kayak dad heum, amuppa Nug he, ad iɗu iɗu, amuam ad bala anattaknu, ad meu lanaknu ele, ad amu oh beppig. Dad gamagppa amu, Nug he, ad aɗit laa ele bepiɗ; amu laa am bau dayaknu ad, laa am keeke ena, keeke nau ele doyaknu ad.

Genesis 3:10

Anam ewa a amu, danab nug aum. “Da na dad imu ooppa oiye doyen, da lamen iitta amunu, da baɗe, lokkume daattem,” awa aum.

Genesis 3:22

“Danab nug keeke ena, nau ele doya, ig bia daatte. Bau dayaknu ad dad gamagppa daatte amu, nug meu amu lawowa, haen oh daamanu, nug dad imuppa ii daama,” awa aum.

Genesis 3:7

Lawoya amu, aa pahanab beɗulah hamu dayeye dabmakppa doopiɗ amunu, aa ad fig uɗug aoya, lamen heya, tagapiɗ.

1 King 22:6

Jehosapat nug anam a, aria Ahap, Israel dilag king, nug he, propet danab, ahilag ebqak am 400 anam, ag uɗieg, nug ag oɗ mattom. “Da Ramot, Gileat wanppanu, banelag ukken, aab amu eɗue aokkulte, o iitta da iitai gopa?” awa oɗ mattom. Nug ag anam oɗ matte, ag appig. “Na ahan ukke! Naɗi Nug aab amu na eppenppa mekku,” aon appig.

2 Stori 32:15

Amunu ag Juda danab ah, ag Hesekaia hambuppualadmanu ag dabmeig! Ag nuhig nainu oolagppa genab aib dooppig. Aɗinu? Wan laappan kayak laippu laa he, wan amuppan danab ah ag da eppelppa o da mamelad aɗi eppelagppa ii daamnanu ii ehanattom. Kayak laippu laa nug amu hekkunu elele iitta amunu, ahilag Kayak, Nug genab anam hekkunu elele iitta.’ ” Asiria dilag daup dilag okkai ag Hesekaia, Juda danab ah appa Jerusalem daappig ele amelagppa anam appig.

Sam 12:4

Ag atteb. “Ig nai mattiak ihinigppa laa eɗadkkunig. Ao, ig aɗi nai am akkunigib. Auntai laa heeb ig ii uumta,” aon attem.

Eksodas 20:7

Da am Yawe, nahip Kayak. Na da onil hamu aib diime. Aɗinu? Da danab o ah aun nug da onil hamu diitte ele, da nug bu medakkul.

Eksodas 5:2

Aa anam apiɗ, amge Paro nug aum. “Yawe am aun? Genab, Nug am aun amunu, da nuhig nai doyen, Israel danab ah uuadppi gokkulag? Yawe amu, da Nug ii doottem amunu, da Israel uuadppi iinab gomana,” awa aum.

Aisaia 14:14

Da geha attan tein ukke, lombig eɗitten daakkul. Da dakka da hein, da geha Kayak Attannab, laa oh eɗattak daatte bia daakkul.”

Esekiel 13:22

Da genab tutukku hak danab ah uug dooglagnu ii hei, ag ah eheɗ hetteb ele ag nai hambuppuak mattiegeg, genab tutukku hak danab ah ag kobol ena dim lamidkkulagnu uug doon oitteb. Ag ah ag eheɗ hetteb, ag anam henana, ag nau hak danab ag mauhmananu, ag oolag eɗueb, eɗun ena daaglagnu dabmak ii madatteb. Iitta! Ag tuɗidna, eheɗ hekkulagnu atteb.

Esekiel 28:12

“Danab bekka, na Tair dilag kingnu nai oo doyak ele imu nug amegppa akkutnu bappaidna, na, ‘Naɗi Yawe Nug inam atte,’ awona, na imu appe doyaɗ! ‘Tatam na laa ag aɗi oiyak, aɗi dayak, aɗi kobol keeke am oppiaawak ele anidkkulagnu, na amunu antte oo maittaknu danab daame. Nahip doyak dabmak ena ele am ambaknab dayom, amu nahip iɗu tuqak am oppiaawaknab ele.

Esekiel 28:2

“Danab bekka, na Tair dilag king amegppa, ‘Naɗi Yawe Nug inam atte,’ ana, na nai imu ele appe doyaɗ! ‘Na ootppa dada kobol henan, na, “Da am kayak laa, da kayak laanu sia enanagppa yu gamagppa iikku daattem,” mattin attem. Amge na am danabib, na kayak laa iitta. Na doyak dabmak ena nahipnu am kayak laanu bia daatte dabmettem, amge iitta!

Esekiel 28:9

Anam amunu, haen nahipad kekeɗ ag uɗin nittaglagnu hebeppeg amu, na haen amuppa ele, ‘Da am kayak laa,’ akkut-te? Iitta! Haen ag eheɗ heidkkulagnu hebeppeg, na kayak iitta, na danabib daakkut.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Daniel 6:7

Ig nahipad ehanittak anuqak danab, aabnu gumak danab, gumak anuqaknab danab, dabmak mettak danab, amu gawana ele, ig oh dabmak laippu aot, dabmetata daattem. Amu ihinig dabmak am inam. O king, na ɗo laa danab ah oh dim lamidkkulagnu bappaidna meppe, danab ah oh ag nai amu dooppeg, nai amu ɠagattag daakkunu oonig daatte. Laa nug nai amu tippalmanu ɗo ele mekkut. Ɗo na bappaidna meppe, ɠagattag daakkunu oonig daatte am inam. Danab o ah aun laa nug kayak laa, o danab laa aɗi keekenu ii unuqidma; dayeb ukkeb, deɗ 30 uueb, danab ah ag eɗun, ahilkad kayak, ag lailkad ele keekenu gemu unuqadtteb bia tuɗidna hekkulag. Ag ahilkad kayak, ag lailkad deɗ 30 amu ii unuqidmana, amge laippuib ag unuqidkkulagnu elele; amuam na aakkuib. Aria, na ɗo amu mekkut dayeb amu, laa nug tippala, kayak laa, o danab laa unuqidkku dayeb, daup ag nug moɗ naɗi, laion daattebppa buɗippeg nokku.

Matyu 6:23

amge na amen am nau dayeb amu, na beɗun laih laih laa oh am gatatu manak ooppa daaglag. Amunu amubia, na ootppa Kayak keekenu dabmekkutnu elele iitta daattem dayeb amu, na gatatu naunab ooppa daattem.

2 Korint 11:3

Amge da baɗattem. Mat nug lokkumakppa kobol kobol hekkunu doya auta awak kobol nuhigppa anukka Ewa bubuitte na qeum amu, amubia kobol anam laa ahilagppa ba eeɗatteb, ag oppiak kobolppa dayaknu ib apiɗidna, ag Kristusnuib daaglagnu daatteb ii dabmemananu ool baɗatte.

2 Korint 4:4

Danab amu ag Jesusnu oolagppa genab ii dootteb. Aɗinu? Satan, nug wan imunu kayak hambuppuak daatte, nug ag Kristusnu dabmak pehettak aomnanu ib oo neum. Nug anam heum amunu ag Kristus, Nug genab Kayak attem daatte bianab daatte, ag nuhignu Nai Enanu amahlak, Kristus Nug binag amahlak oppiaawak ele ippunigtte amu, ag amu ii anidtteb.

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

Revelesen 13:4

Mat naɗinab nug doɗ dakkuɗ ehanitta gumaknu ehah mettom amunu, danab ag mat naɗinab noobppa dup nona binag mena, ag doɗ dakkuɗ amu ele noobppa dup nona binag mena, ag inam akka akka nug oɗ medappig. “Aun nug doɗ dakkuɗ imubia? Aun nug nug ele ban hekkulahnu elele?” aon appig.

Ikki Danab 3:2

Amunu diig nakok laa am, Israel dilag danab ag ban nakok laa ii anidna dooppig ele amu, agib ag ban anidna dooglagnu ele Nug amu heum.