Genesis 3:22 - Nobonob Baibel

²² “Danab nug keeke ena, nau ele doya, ig bia daatte. Bau dayaknu ad dad gamagppa daatte amu, nug meu amu lawowa, haen oh daamanu, nug dad imuppa ii daama,” awa aum.

Genesis 3:22 ပူးပေါင်းရင်းမြစ်များ

Genesis 1:26

Kayak Nug anam ha, ena anattowa, Nug aum. “Ig danab ag wan, amu wanppan keeke oh, doɗ dakkuɗ, aabppanu doɗ, doɗ laa ag oolag wan qeeqe oitteb, kakai, ai oh ele, ag keeke amu oh gumadkkulagnu, ig danab ig bia hetu! Ig daattem bia amu, ag amubia dayeg!” awa aum.

Genesis 2:9

Yawe Kayak dad heum, amuppa Nug he, ad iɗu iɗu, amuam ad bala anattaknu, ad meu lanaknu ele, ad amu oh beppig. Dad gamagppa amu, Nug he, ad aɗit laa ele bepiɗ; amu laa am bau dayaknu ad, laa am keeke ena, keeke nau ele doyaknu ad.

Genesis 3:21

Dimppa Yawe Kayak Nug doɗ gaɗappa lamen ha mate takkaeh, Nug aum.

Genesis 3:23

Aum amunu, Yawe Kayak Nug danab dad ooppanu lamitte, dimittim, Nug Adam heumppa, wan amuppa Adam nug eewak uɗat hekkunu ukkom.

Genesis 3:5

Kayak dootte, haen aa ad amu meu lakkulah amu, aa keeke ena, nau ele dooyya, Nug bia daaglah amunu, ⌊Nug ɗo meum⌋,” awa aum.

Sam 22:26

Daɗek ag ee lappeg, oolag didikku. Amu aun aɗi oh ag Yawe anidna dim lamidkkulagnu Nug maditteb, ag Nug binag mekkulag. Maɗoɗppanu gamag ahak ii tuqa aotte ele amu, Yawe Nug heeb, ag gamag ahak amu aon daan oiglag.

Prowerb 3:18

Am danab aun aɗi ag doyak dabmak ena ele aoppig amu, ahilag doyak dabmak ena ele heeb, ag bauklel daaglag. Ao, danab aun aɗi ag doyak dabmak ena ele aoppig amu, ag itittak ena aoppig daatteb.

Jeremaia 22:23

Lag ahilagppa ad sida Lebanonnu kuɗum daatte; ag amuppa enanag daatteb, amge gadon, uug amu ahilagppa beeb, ag aiqakkak nau, ah nid aokkunu hette, ag amubia hekkulag.” Yawe Nug da amelppa Juda danab ah dilagnu anam aum.

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

Revelesen 22:2

aab okkainu ib gamagppa gotte. Bauklel ad amu nug le amu akka laih laih tagagɗitta, tappom daatte. Nug meu amu maɗ laippu ooppa haen 12 ele niitte. Kalam ohppa meu niitte. Ad uɗug amu atu atu danab ah dilag oɗe babaittaknu ele.